(校園、穿越、奇幻)今年我三十三歲,回到了1998年(9)

1001 回覆

222 Like 8 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

春泥 2017-08-30 00:00:03

休息一陣
又起身打文

春泥 2017-08-30 00:32:25

離開會場時，Humphrey道：「媽咪，我同莉莉唔跟你車喇！我地去新城市行下。」

呂靜宜亦道：「媽咪，我都想行下街，我都唔跟你車喇！」

呂伯母瞟了我、呂靜宜、Humphrey、管佳莉一眼，微笑道：「都啱嘅！後生有自己嘅世界，你地玩得開心啲啦！」

游大輝問道：「宛琳珊，難得出嚟沙田，妳行唔行新城市啊？」

宛琳珊白了游大輝一眼，搖頭道：「我好攰，想返屋企抖下，你自己行啦！」

「哦！妳唔想行啊？咁我都唔去喇！」游大輝轉向呂伯母道：「呂伯母，妳架車依家有吉位嗰呵？」

呂伯母點頭道：「有啊！你住邊啊？我車埋你喔！」

游大輝道：「哦！唔駛咁麻煩喇！宛琳珊喺邊度落，我就喺邊度落。」

宛琳珊聞言不禁拍了額頭一下。

呂伯母問道：「陳依官，你住喺邊啊？」

陳依官忙道：「伯母，唔駛客氣喇！我自己搭車得喇！」

呂伯母道：「你唔駛客氣先真啊！架車仲有一個位，你都係住晌石梨嘖！跟埋我車啦！」

「咁麻煩晒你喇！伯母。」

呂伯母等人向停車場走去，而我們四人亦朝新城市的方向走去。

春泥 2017-08-30 00:32:38

當走到一個分岔口，Humphrey、管佳莉與我們分道揚鑣，雖然我們的目的地都是新城市廣場，可是我們這兩對戀人，當中Humphrey與呂靜宜是兄妹，為了避免尷尬，大家還是分開走比較好。

別過Humphrey與管佳莉後，我與呂靜宜牽著手沿著城門河畔行逛。

呂靜宜道：「我地都有一段時間未試過可以兩個人靜靜地散下行。」

呂靜宜的說話讓我想起這數個月來發生的事情，我道：「妳講得啱啊！依幾個月真係發生咗好多事啊！等忙完咗花卉展，下個月應該得閒啲，不過六月就係終期試喇！」

「成皇志，你記唔記得下個月二十五號係咩日子啊？」

我瞧見呂靜宜一臉期待，想起了布正麗曾經提及過呂靜宜在下個月生日，我道：「嗰日係妳生日喔嘛！」

呂靜宜喜道：「你真係記得架！」

「緊係啦！」

「咁你諗住送咩生日禮物畀我啊？」

我笑道：「妳咩都有，我諗唔到可以送咩畀妳，不如我成個人送畀妳啦！」

呂靜宜臉色一紅，嘖道：「唓！我要你個人做咩嘖？」

我如數家珍一般細數道：「嘩！我個人好有用架！可以陪你傾計、陪妳行街睇戲食飯、陪妳唱歌、陪妳溫書做功課…」

呂靜宜斷言道：「等陣，依啲好多朋友都可以陪我做啦！」

我想了想，道：「有一樣野，佢地應該陪唔到妳做。」

「係咩啊？」

我把頭靠向呂靜宜面前，蜻蜓點水般在她的唇瓣上輕輕喙了一下，道：「佢地唔可以同妳錫錫。」

呂靜宜楞了楞，夕陽暉映、霞彩片片，晚霞灑落在城門河畔上，我的手抄向呂靜宜的腰肢，我瞧著她，她瞧著我，然後四片唇瓣接合在一起，初時，可能她感到羞澀，身軀微微發顫，但未幾，她的雙手緩緩移到我身後，交疊在我的背後，此際時間彷彿停頓了一樣，熱吻的我們無視了旁人的注視，與日落的城門河畔融合在一起。

春泥 2017-08-30 00:40:13

瞓覺

鐵塊 2017-08-30 00:53:22

精蟲上腦
付諸實行

夜神若元 2017-08-30 00:55:02

中出即飛

純純女仔 2017-08-30 00:59:12

我等呢個畫面好耐喇