[清酒撚] 清酒集中討論

係唔知邊間包裝得好
知邊間ok就會成日買

我自己buyee買寄ems,貴d但枝枝酒都一個發泡酒樽盒咁包住寄過黎，自己去日本都係瘋狂搵d衫包住放喼

應該係buyee之後再自己pack因為次次黎都一樣，我無揀死同一間買

同埋買貴酒先有so, 每枝3xx運費，咁先叫運到番黎重平過香港買

買平酒我之前試過搵間有得冷藏既代運，佢就收6算同每枝100蚊到運費，有link比佢買到就得但就唔做Y拍

攢錢真容易

包裝用黎睇的，酒係用黎飲的....

祝你一路好運

ems秋冬還好，建議最好唔好係夏天
買

咁都要寄番黎唔好爛…

居酒屋好搵D，定進口商好搵D，就真係唔知，但支酒日本都係賣緊 1760円，香港清酒鋪 賣 300， 串燒店賣 600就係 FACT。

600 蚊其實唔係大問題，但係可唔可以畀少少誠意，賣D似樣少少嘅酒啫。
例如 作，鳳凰美田，楯野川，光榮菊或者東洋美人呢堆，其實都會乖乖畀錢，真心唔知道以上清酒同D 雜牌係咪差好遠。

另外，最近多咗好多新引進清酒會，去咗一個，可惜D 新酒只係好一般，唔係班唎酒師講到咁好。最頂癮就係現場新識嘅一位師兄，細細聲講笑咁講，「如果係好嘢，日本仔都擸哂，LOCAL都唔夠賣，點輪到我哋香港可以返大貨，明啦」

雪之茅舍番號酒，幾年前係日本出差時，日本同事帶我去嘅新橋一居酒屋食過，一啖就飲得出係高級酒。香港好似要 700 UP，唔捨得。另外，對上重有支天花板，好似叫做聽雪，老老實實，從末見過本專。

運返香港係一大難題，真係重未搵到一個有效，經濟同安全嘅方法。

集運公司唔會專業，佢哋一日要處理N 咁多份件，點會take care 你支酒？

可否再多分享流程，因為都忍夠香港賣酒班友，大咬又唔專業。

如果開盤生意係專做清酒代bid 標榜handle with care+雪種運酒有無得諗
每次用個人名義拎十支入境連酒稅都慳埋 每支酒+40%都已經好和味又屌打香港班所謂代理 但實行起上嚟應該好有難度

我自己如果買過千1枝就會直接用buyee買，每枝$3xx運費，平酒絕對唔抵屌，每次經buyee既唔同人買，個運送包裝都係每枝獨立發泡膠酒盒咁包實哂無穿無爛，同每次都用ems就算

平酒我就用本地果d冷凍集運，有link就幫到你買但唔做Y拍，每枝6算加$100運費到，拎果陣都算凍凍地

至於經buyee買既酒會唔會變味就自己博，同一枝酒我自己經酒鋪買又試過，自己bid又試過，老實講我就覺得無咩變壞，但自己諗自己

價錢就無法了，Y拍都係炒價，只係自己bid平幾舊

尼d唔太出名既清酒如果大lot入，個價可以做到好平的
至於新引進既清酒，只可以話尼個世界多多少少有d滄海遺珠待發堀的

好米好水花時間做出黎既酒
聽雪係低溫熟成過既番號酒

昔幾何時我都有諗過尼個問題
但香港清酒入門本身就唔洗稅又有好多有規模有門路既代理商，9成9出名/搶手既清款你都係做唔過佢地，結果就係個人做清酒代bid既生意規模細時間效益上圍唔到皮，規模大貨源又難搵客源又又難搵

每支$3xx會否太貴
只要冷凍集運到手果下基本都會係凍的，只差在代講果個人發貨之前有冇一路都冰住支酒咁解

我諗日本當地人就未必會做，因為收錢，語言都係個問題。

但係住係日本嘅香港人，中國人或台灣人有咁嘅可能。EMS 我就唔係咁鍾意，日本嘅 YAMATO 一箱12 支，旅行時問過運返香港要 14800 日元，要4-6日。

不過唔好發夢，如果有利可圖，一早已經有人做咗。

想問下有邊D 本地冷凍集運可以參巧，6算 加 100 都抵過香港，而且可以入啲日本人會飲嘅品牌。另外，到香港 係送到屋企定要去自攜點？

多謝指點迷津。

自取點 我都係就咁google搵就唔開名

我都相信有滄海遺珠，但係有都畀日本仔收起哂啦。如果聽咗班賣酒嘅唔專業推介，往往都係中伏同失望而回，最新一期就係試伏咗支叫 酒仙榮光嘅。支酒我唔會話係Average，應該係below average。飲過嘅師兄可以評一評。

日本人其實好顧及家鄉嘅，好似年頭嘅石川大地震，我公司日本嘅同事，夠膽係RECEPTION 放個籌款箱，收集捐款。

所以如果支地酒係好嘢 ，一早畀日本仔追捧，電視台做哂訪問，邊有機會流出國？

自己衡量番買唔買得過，始終都有變味風險，有時又真係有雞執下

yamato依家改左例，個人唔可以往海外送酒了....

https://b-faq.kuronekoyamato.co.jp/app/answers/detail/a_id/1028/~/%E5%9B%BD%E9%9A%9B%E5%AE%85%E6%80%A5%E4%BE%BF%E3%81%A7%E3%80%81%E3%81%8A%E9%85%92%EF%BC%88%E3%83%AF%E3%82%A4%E3%83%B3%E3%83%BB%E6%97%A5%E6%9C%AC%E9%85%92%EF%BC%89%E3%82%92%E9%80%81%E3%82%8A%E3%81%9F%E3%81%84%E3%81%8C%E3%80%81%E3%81%A9%E3%81%86%E3%81%99%E3%82%8C%E3%81%B0%E3%82%88%E3%81%84%E3%81%8B%EF%BC%9F