[清酒撚] 清酒集中討論

米香重係咪要揀醇酒？
我想同果香重ge酒擺埋一齊飲做對比，我買左三粒米

想問下各位巴打之前係東京飲左杯十四代好難忘，飲落去冇酒精味好易入口同好重米香名。

想問下大家知唔知有咩其他牌子會類似因為知十四代都難買

樂器正宗 花邑 東洋美人
依三種都係飲過幾似十四代既酒 而且佢地既酒莊本身都同十四代果間高木酒造有啲淵源

巴打有冇邊間信得過嘅實體店買酒？🙏🏻🙏🏻

¥4000 撞手神入到

即飲?

即飲會好啲 支酒2022

呢枝好似係2022釀造
唔係2022入樽

想買套杯連酒瓶，巴打有冇特別既可以介紹下？

係第一套酒具?
如果第一套我會建議美觀行先 自己睇順眼最緊要 之後再慢慢按需要買
唔好信網上面吹個壺/杯啲咩design會令杯酒好飲啲 清酒唔似紅白要醒酒 啲design多數智商稅 特別近幾年好多人吹用錫杯話會好飲啲 可能我個口廢真係飲唔出分別
如果鐘意木器可以考慮下買一個枡(正方形細木盒) 咁樣飲落聞落會有少少木味幾有feel 雖然木味同酒味夾唔夾就睇人同睇酒

另外都可以準備多幾隻蛇目(白色杯 杯底有兩個藍色圓圈)for品酒用 唔急用可以唔使買等撞到promo送都得 蛇目應該係清酒最常見既公廁贈品沒有之一

唔該巴打，請問香港可以邊度買？

買一對好啲既薄白酒杯，容量唔好太大
適用大部份香氣為主既酒

屌！點解新潟縣嘅「越乃寒梅」會用兵庫県嘅米做原材料 （新潟縣嘅米出名靚啲） 比日本仔跪撚咗我買

唔一定嫁 好多酒造都唔會用返當地米釀酒
同埋因為酒米同食用米對靚既標準唔一樣 (你未聽過有人會將越光米拎去釀酒 都唔會有人拎山田錦去煮飯食) 所以唔一定係果個地方種食米靚就酒米都靚
新潟雖然種食用米出名 但新潟出產既酒米就淨係得五百萬石同佢個仔越淡麗 因為兩隻釀出嚟都係辛口所以唔多人會拎嚟釀酒 (唔係辛口唔好 但大家都知近十年主流係甘口+花香)
越乃寒梅係用山田錦釀 而山田錦最大出產地就係兵庫 所以巴打都叫無比架仔呃

題外吹下，蔡瀾曾經文章讚過「八海山」
卒之我買咗下邊呢支嚟飲


我飲左一杯，我懷疑自己飲緊消毒酒精

跟住岩岩見到有支叫做「金剛心」嘅八海山


呢支藍色野 唔知俾唔俾多次機會佢好

越光米會做清酒的

另外新潟都唔止呢兩隻米黎釀酒

八海山淨係飲過一枝係好飲

咁都係唔搏啦

想請教下 有支十四代想買 但製造期係2020年 其實仲飲唔飲得？

飲就飲得
但已經唔係酒廠想要果隻味
前題係佢冇變壞
亦都唔建議買

你話原價1折咁咪當抽獎

咁過左製造日期內幾耐飲 先會有變味風險？ 1年/2年？

生酒半年
其他1年
講緊保存得好既

大佬，有冇飲過呢支？坦白講，幾好飲喎