帶著模型直昇機前往了公子會所在,位於角落的清水灣找上猴腦。
清水灣鄉村俱樂部。
猴腦對我的出現感到驚喜,連忙邀請我進去:「入嚟入嚟!點解你手上會有我嫁模型?嘿嘿我明明喺拍賣會賣咗出去……」
「依部嘢果然係你,係我用……某啲方法拎嚟。」
「唔緊要,你係挑戰我嘅?」猴腦充滿期待地雙手交握。
「係,贏咗就俾嫁可以潛入危險地方執行任務嘅無人機我。」
暫時我手上的模型直昇機,只能在視線範圍內控制,我需配備螢幕畫面那一種,不在視覺內都可以遠距離操控。
「完全無問題,真係贏咗我俾你喺模型庫到任揀。」猴腦帶我到俱樂部中,某個頗大的場館。
場館內有個模型城市,是仿照港島區製作。
「估唔到……」我被那場地模型驚訝到。
「嚟場空中纏鬥?一局定勝負。」猴腦不用摘下頭套,我都感受到他背後的自信笑容。
「等陣,我部模型直昇機無武器配置……點纏鬥。」
「咁啦,換空中競速,十圈定勝負。」猴腦另外提出。
「好。」比速度可以試試。
「你真係無諗過會輸?一個新手拎住部已經俾我廢棄咗嘅型號嚟決鬥。」
「我唔會輸。」事實上,我早就想好怎麼贏了。
「啊,講多個規矩,唔俾人身攻擊。」猴腦怕我有什麼粗魯舉動。
「可以。」
「好!依家就係我出賽嘅模型……」猴腦從場館後方的工作室,雙手抬出大部的仿真模型油動戰機,外型酷似美國的F-16戰鬥機。
「咩事啊你……」我看得當場怔住。
「我最新戰機型號嘅模型,採用噴射引擎,燃油動力,就睇下你嫁電動垃圾點贏……嘿嘿嘿……」
「你居然奢侈到將燃油浪費喺模型戰機到……」
「嚟喇,決鬥喇,我開始熱血沸騰喇……」興奮不已的猴腦握起專業遙控器,快要血脈噴張。