1009 Like
12 Dislike
酒保
2023-01-24 17:19:42
講起無垢嬰
點解蘭陀,朱朗峰飲完飲湯藥個個都咁勁
但M飲完百毒不浸湯藥連普通人都唔係好打得贏
Vue.js
2023-01-24 17:24:12
你有冇見過tank打得贏ad
豐乳交加100蚊
2023-01-24 17:37:23
唔夠藍, 具體參考卡卡西
豐乳交加100蚊
2023-01-24 17:38:30
應該係佢太緊要, 唔容許出任何意外?
迷迷糊糊
2023-01-24 20:04:27
點止 唔講陀蘭
M一堆buff 但廢過人類白鯨瑪希
九成廢過蕭生同七病獵
波台狙擊手
2023-01-24 22:56:56
有
椒鹽蝦米
2023-01-25 00:26:08
推
打波先嚟黎諾懿
2023-01-25 00:40:19
推
豐乳交加100蚊
2023-01-25 00:44:58
push
傻豬黎既
2023-01-25 00:48:11
寶石藍大眼=生產寄生眼的病者?
魔法嵐
2023-01-25 00:55:58
獵奇
痴撚線公司..
2023-01-25 01:04:57
唔係傳染先會變病者?
墨說
2023-01-25 02:33:32
一陣會出
墨說
2023-01-25 03:29:57
我們都看懵了。
「收隊。」我取走顯示屏,夾在腋下。
「實在想像唔到仲有幾多人困喺病者國度入面。」
「有時人類最大嘅敵人,就係人類。」
和平年代都有為數不少的人口販賣事情,諸如求職、情緣、投資什麼都能讓人輕易上當,何況是資源貧乏的末日下。
我們回到衝鋒號上:「調頭,返去石澳。」
「有冇收穫?」姜河冥步向駕駛室。
「有少少片睇,但你唔會想睇。」我舉起顯示屏。
「點解?」
「會令你作嘔。」
姜河冥大概猜到是什麼來,沒再追問下去,扭轉船舵原路回去。
早上較為風平浪靜,海風吹來是陣陣涼快。
空氣中的水份讓本應乾燥的皮膚,得到很好的滋潤。
我們全員無損回到石澳沙灘上,給南淵病獵們觀看一次片段。
看畢,他們各自發表意見。
「全部都係未見過嘅品種,行為動作都算細膩,果然同外面野生嘅唔同。」范世京最先開腔。
「最後有女病者外露咗生殖器官,會唔會係瑪昆之前提到嘅……病母,佢特徵同病母依個名最貼切,病者嘅母親,而佢身體上面又有咁多隻無垢嬰。」石在陽說。
「假設佢就係病母,咁佢就好似瑪昆所講,演變出弒神者而死?」元蒼大膽假設。
「先唔好將瑪昆所有說話當成真,唔好忘記佢係詭人,詭人等同病者中嘅間諜。」秦狩提醒大家。
「如果我無睇錯,有隻雙面人餵緊無垢嬰食肉糊,病母身上又有部份位置缺失,會唔會係餵緊佢哋食病母嘅身體……想令無垢嬰成長成第二隻病母?」竹三草亦猜測。
「……」不用看都知誰沒說話了。
墨說
2023-01-25 03:30:07
「總之可以肯定嘅係,咁做係有住某種目的。」姜河冥點點頭。
「你點睇,M。」秦狩和其他眼睛都投射來。
「無垢嬰需要進食促使成長,如果雙面人餵緊佢,咁代表佢目的係想無垢嬰長大,仲記得當初弒神者喺陽明山莊捉走咗聖子,估計同依件事上點都都有牽連……簡單而言,佢哋想利用無垢嬰達到某種目的。」我說出自己所想。
聶一凜欲言又止:「……」
我補充一句:「嗯……當然,現階段好多都只係猜測。」
「其實唔真正成為病者咁打入內部,都好難估計病者做緊乜。」石在陽說。
「嚟緊我睇下有冇機會再收集下情報,我要去見見位朋友先。」我跟各位揮個手,轉身離開帳篷去。
我要找的那位朋友是猴腦,於是又前去清水灣的俱樂部了。
「咁快又搵我?」我到訪的事經工具人傳達,猴腦出門迎接。
我拎起遙控器,表現出淡淡然的無奈:「無咗。」
「What!?」猴腦大為驚愕,差點摔下木梯:「第一次就壞,你點揸飛機嫁……」
「嗰到有病者追擊,我已經盡能力操控,但都好難避開。」
「病者只係低等智慧嘅生物,你居然避唔開佢哋?」猴腦忽然捏住我的手,不停地捏握:「你隻手係咪小兒麻痺啊huh!!!病獵界一哥連嫁模型機都操控唔掂,你點指揮病獵協會呀──」
猴腦脾氣好像有點超過了……
「至少我有實戰經驗,你依種淨係識紙上談兵,喺自己個小小溫室破自己紀錄嘅人,有冇真係試過喺病滿為患,充滿未知因素同壓力嘅野外穿梭?」我反駁。
「我……我我我、我……」猴腦居然變得口啞啞。
「講中咗?」
猴腦深深吸氣,平息自己氣焰:「叫講中一半。」
「邊半中咗?」
墨說
2023-01-25 03:30:17
「我有喺出面飛嘅經驗,但都係相對安全嘅地方……」猴腦不緩不急,吐出數隻字:「病者國度?好,即管試下……」
「試咩……我嚟其實只係想睇你,會唔會俾多架無人機我。」
「講多無謂,跟我嚟。」猴腦轉身負手而行。
我們如常去到模型庫,但這次猴腦帶我到更深入的地方──安全門後。
「依到係我最神聖嘅禁地。」猴腦給安全門輸入密碼:「我之外,你係第二個入過嚟嘅人。」
「即係咩地方?」
「模型實驗室。」
「咔」安全門開啟。
推門入去,房間牆身佈滿線條,貼在牆上的藍光燈管亮著,中間擺放長長的工作檯,上面放有嫁美國仿真B-2幽靈戰略轟炸機模型,外形像隻大飛翼,機身相較其他機款要薄,帥氣得難以形容。
「依家係實驗級模型仿真戰機,每樣零件都係最頂尖。」
「……真係可以轟炸?」我問了個傻問題。
「炸藥有重量不利飛行,但佢靈活性極高,可以做出各種急轉彎喺室內極限飛行,操作者無十年遙控模型經驗都掌控唔到佢。」猴腦伸手輕挲其冰涼金屬的機身外殼:「當然,佢入面嘅零件都稀有無比,全部係美國模型公司特意訂製,俾我依種頂級嘅專業模型發燒友嘗試飛行,去拎飛行數據,所以撞一次就唔會再搵得返,就算係我都複製唔到,有今世無來世……」
「你居然肯讓出呢部嘢俾我……」我怔怔地看著猴腦,伸手掩著嘴巴:「我真係睇錯公子會,你哋都唔係想像中咁……」
「你係咪誤會咗啲咩?」
「嗯?」
猴腦本來帶有些口音的粵語,突然變得沉實:「由我操控。」
「你?」
「係,我無咁多模型機俾你撞爛,今次我出動。」
「無錢嫁喎,對你無利益嫁喎,對公子會都無喎。」我強調。
「唔係樣樣嘢都要講求利益。」猴腦抱起半個人大的模型仿真幽靈轟炸機,對我打眼色:「幫我開門。」
完全……
完完全全,沒有想過他會願意親自出馬。
2084-
2023-01-25 03:36:39
西のカナ
2023-01-25 04:12:34
唔撞機點吹到病者國度咁有挑戰性
點引佢出手
戰略性撞機嚟
波餅
2023-01-25 04:43:50
人地一拳一隻病獸架
施旻奇俠
2023-01-25 05:26:06
小兒麻痹m
豐乳交加100蚊
2023-01-25 05:42:28
傻豬黎既
2023-01-25 06:28:44
猴腦無睇過條片?
有睇過仲去唔去?