阿儀輕輕點頭,以手拭去淚水。
「估唔到......今日都要你為我操心......」
阿儀不好意思地垂下頭。
「婚姻唔單止係一紙婚書,更加係將兩個人結合係一齊。我同你係一體,所以你話關唔關我事?」
阿山佻皮地貶了一下左眼,表現得輕鬆不過,只是小事一件。
「阿山.....我有咩可以幫你做。」
「好好照顧自己,同屋企人好好相處,代我彌補大家既關係。」阿山緊緊握著阿儀的無名指。
帶著婚戒,象徵承諾,甘苦與共的手指。
「放心......我會。」阿儀再次點頭。
「阿山,你手上果封係咩信黎?」阿儀奪過阿山手上的信。
阿山來不及反應,只由得阿儀仔細打量信封的內容。
「寄件人係......香港特別行政區。」阿儀一面詫異地望著阿山。