503 Like
17 Dislike
Fringe
2017-07-26 20:30:05
唔錯咁喎
筆知所謂
2017-07-26 21:21:34
年輕人愛以契兄妹相稱,借此掩飾,是為進可攻,退可守。
老一輩愛與年輕人結為契母女,雖然不多不少關乎上一輩之間的感情。
契母女亦產生一條難以言喻的鴻溝,只以虛偽的問候作為橋樑。
但今夜她們卻讓我感受到凡人真正的感情,包括愛情與親情。
「我......都算係無憾。」阿堡一次過握著父母與阿ling的手。
「以前有個教授問我將來想過點樣既生活,果時我唔知點答,試問一個年青人又點會諗得咁長遠。」
「我緊係想搵錢啦,因為我由細到大都知道錢係好重要。」
「佢又問我,搵錢係為左咩野?」
「當時我腦海入面,只係得你地三個。」
「兩個係含辛茹苦養大我呢個化骨龍既父母。」阿堡的目光注視著父母。
「一個係對我不離不棄的女朋友,如果患難係見真情,咁我同你都見證過千幾次真情,仲長過tvb果套。」
空氣之中只充斥四人的溫情,阿堡感人肺腑的話語成為除了空氣外,唯一在房間流動的東西。
筆知所謂
2017-07-26 21:49:17
「你地就係我既所有。」
「佢又問我,點解你地咁值得我去無條件付出。」
「我諗都唔諗就答佢,因為佢地時時刻刻都為左我而無條件付出。」
「教授就同我講,其實我既人生已經比大部份人成功。」
「因為社會上,無數既人並唔知道自為咩而付出,為咩而奮鬥,只係一味向前衝,到最後更加犧牲好多重要既野,包括感情同親情。」
「或者佢地只係想搵到一個,可以值得自己付出所有既人,但好不幸,佢地搵唔到。而你,就有三個,已經成為人生勝利組。」
「我永遠都記得教授當時既說話,果種嘆息同埋無奈既眼神。我感受到,佢就係其中一個迷失既人。」阿堡附帶數聲嘆氣。
「原來我既人生已經大致無憾,可恨既只係自己未能一盡為人子同男友既責任。」
「你已做得好好。」他們異口同聲地道。
「如果仲有下世,我依然想你做我既乖仔。」
「如果仲有下世,我都想繼續做你既女朋友。」
他們的眼神堅定,看來是認真,並不是信口開河。
筆知所謂
2017-07-26 22:51:57
雖然,我明白凡人又再作出不可能實現的承諾,充滿感情,同時充斥不可能。
不可能實現的事情,總是美好的。
「時間差唔多,係時候要番去陰間。」牛頭劃破溫馨的氣氛。
阿堡深深吸了一口氣,輕輕一嘆。
「今晚,我真係好開心。你地可唔可以應承我一樣野?」阿堡把握機會,吃著母親的晚餐。
「無論係咩,我地都會盡力......」阿ling誠懇地說道。
「好好照顧自己,唔好因為我既離開而過份傷心,因為世間仲有好多野係值得開心。」
「真係再見。我愛你地。」阿堡跟著牛頭馬面的步伐,慢慢離開。
「我地知道......我地一定會好好照顧自己......」阿ling叫喊道。
「我地唔會喊,真係唔會喊!」父母強忍準備從眼簾突圍而出的淚水。
「路上小心啊!」簡單的五個字,象徵母親對兒子的無限祝福以及擔憂。
「放心!我會。」每一個兒子面前母親嘮嘮叨叨的叮囑,亦會作出同樣的回覆。
筆知所謂
2017-07-26 23:08:36
但阿堡不是隨便回答了事,而是把一切的感情投放在這四個字。
阿堡微微一笑,讓歡笑掩蓋今夜的傷悲。
他走過的腳印化作藥材,是喜與樂的藥材,喜歡與快樂。
我細細品嘗一口藥材,是一種久遺的感覺。
當然,我沒有任何感覺。
「孟婆,如果你有一種藥方,係可以令人選擇性遺忘記憶,你話幾好呢。」阿堡感嘆地道。
牛頭暗暗瞄了我一下,他知道答案。
「你想忘記唔開心既野?」
「唔係,我係想忘記離別,我唔想比離別呢二個字去影響我既快樂。」
「點解你唔忘記所有既悲傷?」
阿堡的回答不像其他凡人。
「因為悲傷係最令人刻骨銘心既感覺。」
牛頭盯著阿堡,像是找到了知音人一樣。
在孟婆的心中,所有感覺亦是刻骨銘心,因為我並不重視記憶。
越是不重視,便越能記在心中,相反,越是重視,便越易遺忘。
譚仔食中辣
2017-07-26 23:25:55
新讀者留名
想問各位巴係咪應該追返上個故先繼續睇呢個?
皮已正
黑椒牛丸河
2017-07-27 00:37:09
悲傷係最刻骨銘心
筆知所謂
2017-07-27 07:31:54
悲傷係最刻骨銘心
sure
乳膠漆
2017-07-27 09:33:50
推推
米分糸工孚乚豆頁
2017-07-27 11:00:25
睇完牛頭馬面啦
出文未
你真係好狗囉
2017-07-27 13:31:31
突登追完牛頭馬面再黎追孟婆
乳膠漆
2017-07-27 18:42:25
出文唔
筆知所謂
2017-07-27 20:31:47
冇計,細佬要番工
筆知所謂
2017-07-27 21:35:25
自推
筆知所謂
2017-07-27 22:31:05
再推
親戚黛袋平安包
2017-07-27 22:35:27
幫推
筆知所謂
2017-07-27 22:40:50
阿堡算是罕有的一人,他能帶著喜樂離開,相反貪念卻在不少亡者心中揮之不去。
我一瞥見他的身影,就知道自己所得到的,將會是貪藥。
相由心生,那副貪戀塵世點滴的模樣,永遠烙印在我的腦海裡。
貪戀物質與貪戀記憶的凡人同樣可笑,但至少貪戀記憶的人比前者高尚。
貪戀記憶的人會因為得不到而傷害自己,可是貪戀物質的人會因為得不到而傷害別人。
一將功成萬骨枯,犧牲別人來舖設自己的青雲路。
「劉港生,今晚係你既回魂夜,我地依家黎帶你番去。」牛頭進入牢房,吆喝道。
南極北極熊
2017-07-27 22:54:41
筆知所謂
2017-07-27 22:58:27
劉港生肥胖身材,單從身體外形便散發一種財大氣粗的感覺。
打個比喻,就是凡間的富商入獄,可是毫無悔意,自以為錢是萬能,坐困牢房只是渡假。
地府並不等同塵世的監牢,我們不會循循善誘,諄諄告誡亡者。
亡者並沒有改過自新的機會,他們只能以行動證明,而行動建基於自己的命運。
一段悲慘的命運,墮入餓鬼道就是贖罪的最好證明。
我從不認為地府的審判能使人向善,使人在大是大非前覺悟。
假如,做好事存好心的下場是要墮入十八層地獄,那麼地間上還會有人做好事嗎?
這就是大富大貴之人於世間壞事做盡的原因,因為懲罰對他們起不了作用。
但地府絕不容許世人張狂,孫悟空只有一個,孫中山來到地府也要向閻羅王下跪。
「唉,終於可以鬆一鬆,呢間咁既臭房點樣住得人?」劉港生一面不屑地道。
Gifwwweimauv
2017-07-27 23:15:24
留個名先
我都想飲一碗孟婆湯
筆知所謂
2017-07-27 23:18:29
「唔係住人,而係住鬼。」森哥揶揄道。
「鬼?我就做左幾日鬼姐,而你就做足一世死窮鬼,到死左都要做鬼。」劉港生獨自發笑,笑得人仰馬翻。
有錢人的趣味是而低俗堆砌而成,劉港生就是例子。
有錢人的臭屁是品味,窮人的品味是臭屁。
一大群下流的人聚在一起便形成了上流的社會。
「大膽亡者,你豈敢口出狂言?」牛頭怒道。
「我就以事論事,我就係同你講道理。我有邊句講錯?」劉港生施施然步出牢房。
「錯在你不知天高地厚,自以為是,錢並唔係萬能。」強哥加入戰團。
「錢唔係萬能,但冇錢就十分頭痕。」劉港生用那雙白鴿眼掃視我們。
「知唔知點解我下世可以投胎番上等社會?因為我識錢搵錢!我年中捐幾多錢去醫院,大學,大陸,幫助幾多人,你地知唔知?」
「全靠錢,我先積到陰德,雖然陰德對我黎講就冇咩意義。其實幫唔幫班死窮鬼都係其次,最緊要係有名氣。」
「不過同你班窮鬼講都哂氣,你地明咩?」劉港生指著森哥說道,報復剛才被頂狀。
那個可悲的土豪,並不知道自己下輩子的命運。
出身上流家庭,並不等於一輩子富有。
站得高,摔得更痛。
「你未投胎之前,都要聽我地既說話!」牛頭揮舞鋼叉,將劉港生掃倒在地。
「你......」劉港生按著傷口,面容痛苦。
「係唔係要再黎一次?我保證你會生不如死!我會你為剛才時冒犯付出代價!」牛頭發怒的雙眼,仿佛黑中透紅。
「我要投訴你!!!」劉港生怒道。
「投訴我?呢到唔係凡間,我亦都唔係獄卒!」牛頭站到劉港生面前,如同巨人一樣。
劉港生保持沉默,明顯被牛頭的氣勢所震懾。