死後，我成為奈何橋的孟婆

1001 回覆

503 Like 17 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

筆知所謂 2017-08-08 06:51:30

「媽啊......點解你要咁傻......」張一搖搖頭嘆氣。

「我唔想你地因為我而感到自卑。」

「你係我地阿媽，我地點會因為你而自卑？只要你真心真意對我地好，我地都會以你為傲。」

「假如你對我地差，就算社會地位幾高，我地都唔會尊敬你，因為你唔值得我地尊敬！」

一個好母親，在乎的是心態，而不是身份地位。

母親再露笑顏，我相信是一個塵封已久的笑容。

生硬但卻真摯，不加半點虛偽的修飾。

「李月眉，你係時候要走！」黑無常拉了拉她的鎖鏈。

「媽......我地仲有好多野想同你講......」張一竟發了瘋似的拉著母親。

「阿一，最緊要係心意，只要知道你地既心意，我就心滿意足。」母親推開了他的手。

三兄弟企圖緊隨母親，隨即被馬面吆喝。

筆知所謂 2017-08-08 06:52:46

究竟點擺封信入去？

老豆臨死之前，趁仲有力就番屋企擺

筆知所謂 2017-08-08 07:27:32

「凡人不得擾亂地府運作！」馬面嚇人的長矛隔絕了張家兄妹與母親的愛。

但凡人的愛除了自私與無私之外，還可以被賦予勇敢。

張一毫不理會馬面的勸阻，追趕母親的身影。

母親突然停下腳步，回頭望向張一。

「阿一，我一直都想同你講，我以你為榮。感謝你一直照顧我依個老人家。」母親輕輕抹去淚水。

「媽......我都以你為榮，我地三兄妹都以你為榮......感謝你一直都照顧我地呢班化骨龍......」

養兒一百歲，長憂九十九。

「照顧你地，係應份。」母親淡淡地道，她認為只是一件份內事。

「阿一，可唔可以應承我一件事。」母親語重心長地道。

張一誠懇地凝視母親，微微點頭，似是五歲小孩在聽母親的諄諄告誡。

「唔好再追，我已經收到你地既心意，我一早就了結心願，依家既我只希望你地三個平平安安。」

「再追都冇用，只要令自己受傷害......我唔想你地令我擔心。」

「因為作為一個媽媽，我只係想擔心仔女，並唔希望要你地擔心。」

母親揮手道別，慢慢隨著黑白無常的腳步離開凡間。

Fringe 2017-08-08 08:15:40

居然朝早有

辛苦晒