【卡西正傳】《誤上了黑幫老大的情婦，我只好躲在中環的職場胡混》- 第六季：薔薇地獄

咁即係有精出無糧出喎

第二百四十四話　下一站．．．．豪門

王禹伊瞪大雙眼「吓」了一聲，再一臉惋惜，皺起眉頭道：「妹妹，上天畀咗咁好嘅本錢我哋，就代表我哋註定會變成飛上天上嘅鳯凰，而卡西就係地底嘅一條蟲，你．．．．你同佢一齊已經係唔應該，你仲竟然畀佢搞大咗？你知唔知咁樣，會有幾拖累你呀？」

「家姐，你所講嗰啲咩公子哥兒、咩天王巨星，你估我無試過咩？我亦曾經都以為同佢哋一齊，我會滿足於佢哋可以畀到我嘅金錢同名氣，但係慢慢我就發現，佢哋除咗可以畀到我金錢同名氣之外，佢哋就咩都畀唔到我。」Rionna 將手放在我的肩膊，再道：「喺我認識卡西嘅時候，我一早就知道佢唔只係一條蟲，仲係一條好裝模作樣嘅蟲，外表就扮晒金融財俊，其實咪又係想痴埋班老闆度搲著數嘅擦鞋仔？」

「咁咪係囉，咁妹妹你仲．．．．唉．．．．」王禹伊歎道。

「佢碌鳩識轉彎，呢樣係其他男人俾唔到我。」
「家姐，不如你都試吓。」

王禹伊人設：

https://instagram.com/stories/iamkasai4/3049335591252425653?utm_source=ig_story_item_share&igshid=YmMyMTA2M2Y=

想睇婷熙同曉葵

轉彎好玩咩？

樓主加油，個故好睇

Rionna 不慌不忙地笑了一下，又道：「好似呢啲咁嘅人，喺我同佢連幾面之緣都談唔上、甚至當時我因為玩過佢佢要討厭我都不為太過，啲公子哥兒同天王巨星一個都幫唔到手，佢竟然不問回報咁瞓身幫我，就連你最憎嘅爛賭媽媽，都係因為卡西而戒甩咗鋪賭癮呀。」

王禹伊聽罷，當堂擺出一副萬分驚訝的表情，顫聲道：「我．．．．我用到斷絕母女關係．．．．都逼唔到媽媽佢戒賭．．．．卡西佢竟然可以？」

唔記得左佢老母點戒賭...

冇記錯係去麻雀館打麻雀賭命

「家姐，你信唔信都好，卡西呢個表面睇嚟咁爛笪笪嘅人，佢表露無遺嘅真誠往往令任何人都會忍唔住去睇小佢，但係佢有嘅料其實係比任何人都要厲害，你同佢一齊會好舒服同好放心，除咗因為無論咩時候佢都唔會捨你而去之外，就算面對更惡劣嘅情況，佢都總有辦法化危為機、反敗為勝，呢個就係佢獨有嘅魅力，會使到佢身邊嘅人喺不知不覺間咁畀佢吸引住，我遇過咁多人都無一個好似卡西咁，咁你係咪仲覺得卡西佢只係一條只會拖累我嘅蟲？」Rionna 深深呼一口氣，再以堅定的眼神望著我，道：「所以無論其他人點講佢，又或者事實上佢係處於比地底仲要低嘅低谷，我都堅信，佢呢條蟲，將來定必可以成為一條比任何人都要飛得更高嘅巨龍！」

雖然我知道 Rionna 又在把握機會，施展著她正日益進步的演技，但在我極需要別人支持的時候，聽到這番話，心頭多少亦感到暖意。

卡西喺雀館救伯母同「寧波紫霞」決戰嗰段：

【酒色財氣（甜呢？）都市獵奇大冒險】《誤上了黑幫老大的情婦，我只好躲在中環的職場胡混》- 第二季：龍雀篇
https://lih.kg/jBDydcX
#171 回覆 - 分享自 LIHKG 討論區

坐在我另一邊的男男亦向著王禹伊，道：「喺茫茫人海中遇得到最愛嘅人並唔係必然嘅事，就算遇上咗，最後能唔能夠喺埋一齊都要睇個天會唔會玩嘢，既然我哥哥同 Rionna 姐姐兩情相悅，又連 BB 都有埋，朱太，點解你唔可以順天而行，成全佢哋兩個呢？」

我不知道男男這句用來幫腔的說話是有心或是無意，聽進我耳中，令我本應充滿暖流之內心，瞬間就被冰封起來。

我跟男男，不就是在茫茫人海中遇上，卻不被上天成全的一對嗎？

一想到這裡，淚水竟從眼眶流出來，我連忙伸手去抺掉，希望沒有人發覺。

我跟男男哈爾仔，不就是在茫茫人海中遇上，卻不被上天成全的一對嗎？

平常我肯定不會像現在這般易哭，我想我應該是被人生的低潮沖散了一道叫「自信」的防波堤後，裸露出裡面軟弱的情感都變得不堪一擊。

「雖然你講嘅魅力我真係仲未睇到，不過喺呢個年頭，竟然會有男人為咗女人而流淚．．．．」王禹伊還是留意到我擦眼淚的動作，長長歎了一口氣之後，再若有所思地道：「晨晨，我諗我開始明白，點解你會非呢個男人不可．．．．」

Rionna 大喜，忙問：「家姐，咁你即係唔反對我哋嗱？」

「咪住先。」王禹伊帶笑地搖了幾下頭，再道：「你既然叫得我做家姐，你家姐我又係朱家嘅大少奶，你嘅事就即係朱家嘅事，而朱家喺香港有頭有面，加上你又粗身大細，莫講話卡西佢租住緊一個細單位佢點照顧到你？如果畀外面啲人知道你男友住啲咁嘅地方，我哋朱家仲有面嘅？所以要我唔反對你哋，除非你同卡西搬嚟我哋嗰度住啦！」

起初以為憑著 Rionna 和王禹伊的姊妹關係，能夠借探訪為名踏進朱家的大門已達到目的，沒料到王禹伊竟然提出邀請我們搬進去住，這安排實在太過令人難以置信了，連 Rionna 也禁不住問：「吓！？搬．．．．搬入嚟朱家大宅度住？乜．．．．乜方便咩？」

王禹伊笑道：「呵呵，你唔駛咁緊張，我哋朱家喺香港有好多個盤，其中有一個叫做『紫式苑』，裡面嘅獨立屋主要係供我哋嘅家族成員居住，所以你哋搬入嚟除咗好體面同埋唔駛畀啲狗仔隊打擾之外，你哋亦都唔駛擔心無咗私人空間。」

中國人都是喜愛與家人群居，正如小雲的契爺也買了一幢大廈分三個單位，供他三位兒子住在樓上樓下，想不到貴為香港四大富豪的朱家，他們的群居形式竟誇張到是每個家族成員都住在同一個屋苑內的獨立屋中。

聽起來，這個朱家刻意建造出來的專屬社區「紫式苑」，簡直就是現代版的「紫禁城」！

睇嚟你真係最想卡西同哈爾仔一齊喎

小雲人設：

https://instagram.com/stories/iamkasai4/3052552600240792060?utm_source=ig_story_item_share&igshid=YmMyMTA2M2Y=

雖然王禹伊這樣說，但 Rionna 還是表現出有點猶豫，再追問：「家姐，你都識講啲獨立屋係畀朱家嘅家族成員住，我係你妹妹，又唔係姓朱嘅，我同卡西搬入嚟真係一啲無問題都無？會唔會令家姐你難做架？」

「全香港都知道我老爺朱建東患病之後，市值過千億嘅『東王朝』都係由三姨太一個人打骰，外界仲畀咗個稱號叫佢做『白髮太后』就知道佢有幾巴閉，而成個朱家上上下下，最得佢嘅歡心就係你家姐我，況且『紫式苑』有嘅又係地方．．．．」王禹伊頓了一頓，又道：「總之．．．．總之家姐叫你搬入嚟就搬入嚟啦，你仲叫我做家姐就要聽家姐講啦，家姐唔會點你嘅！」

人生轉變之快往往是令人出人意表，剛剛因丟了工作而正愁著生計的我，竟忽然有幸搬入朱家的超級豪宅中，幾天後的一個早上，我便駕著整副身家剩下來最名貴那申老闆送的 911 跑車，帶領尾隨搬運公司的幾輛大貨車，浩浩蕩蕩地朝「紫式苑」進發，那裡位處摩星嶺山腳的海邊，是港島的最西端，車隊沿蜿蜒曲折的域多利道走，在濃密的林蔭山路旁，終於找到隱密的入口有一塊古老的石碑，上面刻了「紫式苑」三字，車子拐進去就被一道紫紅色的閘門擋住，石亭內一個看來或許跟石碑的年紀相若的管理員探頭出來，核實我的車牌號碼之後，隨即恭恭敬敬地向我敬一個禮，森嚴的大閘就緩緩地打開。

加速

我一邊看著閘門打開，一邊在想，我之前走這條路時都不知途經過這道閘幾多遍，每次只知道這裡應該是屬於某個超級富豪的產業，還想像著神秘的閘門背後究竟會是甚麼？住在裡面的人們過的又是如何奢華的生活？

現在，我竟然變成了其中之一分子！

拔道教書都無糧出咩????