【卡西正傳】《誤上了黑幫老大的情婦,我只好躲在中環的職場胡混》- 第六季:薔薇地獄
火一般的卡西
580
回覆
86 Like
8 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
火一般的卡西
2023-02-10 07:00:25
男男人設:
https://instagram.com/stories/iamkasai4/3034692570992903491?utm_source=ig_story_item_share&igshid=YmMyMTA2M2Y=
即是咁
2023-02-10 07:02:51
終於有男男
水瀬いのり
2023-02-10 07:07:44
其實呢啲人設出全身圖會好啲
火一般的卡西
2023-02-10 09:28:36
她還沒有回答,男男和 Siri 竟就出現在我們的床邊。
男男板起臉蛋,不屑地道:「哼,如果一早知道原來已經有人陪緊你,我哋就唔駛趕得咁『頻能』啦。」
Siri 亦加入嘲笑我的行列,道:「咁都好嘅,見佢仲『食』得,就知道佢已經無晒問題喇!」
寃枉的我連忙喊道:「唔....唔係呀....我....我以為係你哋嚟到咪走去應門囉....點知一開門佢就衝入嚟摟住咗我啦!」
「二家姐,乜你仲快過我哋嚟到呀?」隨後的 Isabella,一邊走進來一邊道,看到床上猶如大戰過一般的亂狀後,再沒好氣地道:「喂,你哋兩口子駛唔駛咁痴纏呀?」
這時,壓著我的她才鬆開手並緩緩站起身,把臉上的太陽眼鏡除下來,再笑道:「咁人哋耐無見卡西,真係堅掛住佢嘛!乜妹妹你無聽過咩叫做『小別勝新婚』咩?嘿嘿。」
這個突然衝進來二話不說便向我投懷送抱的美女,就是 Isabella 的二家姐,「G 奶乳神」張瑀晨 - Rionna!
Sanitario
2023-02-10 11:11:28
仲以為又係嗰班蝴蝶玫瑰
卡西可以名正言順吊Rionna啦
火一般的卡西
2023-02-10 14:40:34
「喂喂喂,咩『小別勝新婚』呀,我同你幾時有結過婚呀?」我反駁道。
「四周圍啲報紙雜誌都咁講你架啦,你話唔係都無人會信呀!」Rionna 擺出一副愛莫能助的表情,再望一望男男和 Siri 二人,愕然地問:「呢兩位係?」
「佢哋係男男同 Siri,全靠佢哋喺斯洛伐克照顧我架咋。」Isabella 答。
「真係多謝晒你哋,我叫 Rionna,唔好見我哋兩個咁樣喺張床上面,雖然無錯我係好想同卡西有嘢,不過我同佢真係仲未有嘢架,哈哈。」Rionna 打趣地道,說罷,便跟男男和 Siri 握一握手。
雖然我知道 Isabella 會保守我破了她處子之身的秘密,但我卻留意到當她聽見 Rionna 的話時,臉上即時閃出一絲得意的神色,彷彿是因為自己已爬了姐姐的頭而感到興奮,額角不期然便滲出了汗來,就急急扯開話題,問:「查實你點解會『中』咗上嚟嘅?」
火一般的卡西
2023-02-11 00:48:27
Rionna 在陽台前的梳化坐下來,道:「我咁啱嚟開巴黎做嘢,突然收到學校電話話學會喺斯洛伐克個交流團出咗事,咁我咪打畀妹妹睇下駛唔駛即刻飛過去幫手,妹妹就話佢平安無事叫我唔駛擔心,於是我咪諗住做埋啲嘢先,之後至再過去斯洛伐克囉,點知妹妹今朝就 send 咗個 Message 嚟話佢已經過緊去巴嚟嘅呢度同你會合,咁我咪根據佢留低嘅地址直接搵上嚟囉。」
我長長的「哦」了一聲,再好奇的問:「係呢,你嚟巴黎做嘢係拍戲呀?今次做咩角色呀?」
Rionna 聳一聳肩,道:「我今次做嘅角色係一個『代母』,不過並唔係拍戲嚟喎。」
「咁....咁講係咩意思呀?你做『真人騒』呀?」我不解的問。
Rionna 一邊摸著自己的肚皮,一邊道:「代母咪代母,咪即係借肚畀人生仔嗰啲囉。」
(待續)
我愛窿窿餅
2023-02-11 04:08:50
唔通 Rionna 借肚俾Patricia?
火一般的卡西
2023-02-11 07:23:01
全身嘅硬照?
火一般的卡西
2023-02-11 08:45:43
第二百四十一話 一波未平
「家姐,點....點解你要做埋呢啲嘢呀?」Isabella 板起臉蛋道。
「我就係諗住横掂遲早都會見肚,喺得呢度嘅都係自己人,至咁坦白講出嚟咋。」Rionna 歎了一口,道:「自從申老闆走咗佬間公司畀 Vivi Man 佢接咗手,之後嗰套《日蒲夜蒲》系列完咗我就無以為繼,以我嘅知名度當然都有其他老闆嚟搵我話開戲畀我拍,但係其實個個都係想搞我,我真係唔想再係咁落去,難得有個富豪睇中咗我嘅天生麗質搵我做代母,而且係齋借個肚嚟陀仔連嘢都唔駛搞,幫到人繼後香燈之餘仲可以賺到錢,點睇都係 Win Win 啦,點解唔做呀?」
「吓,咁....咁你而家係有咗架?」我驚奇地道。
「係呀,所以由而家起計直至個 BB 出世,我都唔可以搞嘢住架,費時篤親個 BB 啦,所以頭先我同你玩下架咋,嘻嘻。」Rionna 古惑地笑道。
火一般的卡西
2023-02-11 22:37:20
「咁你有咩打算呀?繼續留喺度養胎定係返香港呀?」我又問。
「我就梗係想返香港啦,呢度人生路不熟,我又唔識講法文。」Rionna 說到這裡,忽然皺起眉頭,支支吾吾地道:「之但係....唉....」
我不解的追問:「講得好地地,無啦啦唉乜鬼嘢呀?」
「你知呢單嘢一定要保密,尤其係 BB 爸爸嘅身分,至弊最近我好似畀啲狗仔隊索到啲料咁,萬一佢哋一層一層咁查到單嘢,再爆埋出嚟我都真係唔知點算,所以我仲煩緊應該要點做。」Rionna 歎道。
火一般的卡西
2023-02-12 11:18:12
我們不是藝人,沒有處理這種事情的經驗,理應亦無法為 Rionna 提供甚麼意見,但在眾人沉靜之際,首先打破緘默的竟然是男男,她道:「既然你當我哋係自己人,我當然亦都會對你坦白,其實我哋嚟到巴黎同卡西會合係為咗要商討對策,睇下點可以進一步調查收埋喺朱家大宅入面嘅黃金。」
「朱家大宅?你係指我大家姐嫁咗入朱建東家族做千億新抱嗰個朱家大宅?」Rionna 反問了一句,再語帶譏諷地道:「佢哋咁鬼有錢,屋企有收埋啲黃金有幾奇呀?駛乜講到要商討對策又進一步調查咁嚴重呀?」
「我講緊嘅黃金,係成二千萬吨嘅黃金。」男男認真地道。
Rionna 瞪大雙眼,脫口叫道:「二二二....二千萬吨!??」
Kycheng19
2023-02-12 16:31:58
話說其實全球主要國家既黃金儲備加埋都只係兩萬幾三萬噸
https://www.stockq.org/economy/goldreserve.php
水瀬いのり
2023-02-12 17:35:06
同埋脫離咗金本位之後 黃金一早冇咗影響力
火一般的卡西
2023-02-12 19:39:47
Rionna 人設:
https://instagram.com/stories/iamkasai4/3036524423978927319?utm_source=ig_story_item_share&igshid=YmMyMTA2M2Y=
火一般的卡西
2023-02-13 12:25:09
接著,男男便將「君子黨」、「玫瑰會」、三姨太的真正身分是「白衣皇后」及她們將「拔道」地下金庫運出來的黃金藏在朱家大宅的事說了一遍。
男男說罷,我有點兒摸不著頭腦她的意圖,Rionna 則垂頭思索著,過了好一會,才凝重地道:「你分享咗呢啲咁 Interesting 嘅秘密畀我聽,係想我幫你哋借我同我家姐嘅關係,混入朱家大宅去查嗰咁大批黃金嘅下落?」
「無錯,我的確係有咁嘅意思。」男男答。
男男說了那麼久原來是為了這個目的,但難道她忘記了王禹伊跟伯母已脫離母女關係嗎?而以 Rionna「硬頸」的性格,亦不會輕易向自己的姐姐低聲下氣,如果不是這個原因,福伯讓我糊裡糊塗當了董事的那間問題公司「西夷」之威脅一早便已經解決了。
果然,Rionna 冷笑了一下,再道:「首先,我都唔知道你哋想調查朱家大宅嘅藏金,同埋我將會畀人爆料借肚做代母單嘢,兩者有啲咩關係,我點解要幫你哋?第二,係家姐佢扔低頭家畀我自己走去嫁入豪門,點睇都係佢唔啱在先,點解要我開口求佢喎?」
火一般的卡西
2023-02-13 21:33:05
男男搖一搖頭,道:「你唔只係幫我,你咁做都係為咗幫你自己。」
Rionna 提高嗓子「哦」了一聲,再失笑地反問:「但係點解咁做我係幫自己呢?」
「任何嘢都係要講情理,情理情理不外乎都係『情』同『理』,先站喺『理』嘅角度嚟講,如果你本身係無經濟壓力,你根本就無理由去收錢借肚畀人做代母,只要你喺啲狗仔隊爆料之前,先將你同朱家大新抱王禹伊嘅姊妹關係公布出嚟,到時啲狗仔隊再講啲乜嘢都無人會信。」男男胸有成竹地道,更學著 Rionna 的口吻說了一句:「所以你幫我都係幫緊你自己,點睇亦都係 Win Win 嚟喎!」
呀!兜了那麼大的圈,我終於明白男男的葫蘆究竟賣甚麼的藥了!
火一般的卡西
2023-02-14 12:35:54
原來我根本不需要替男男擔心,男男對 Rionna 她們之間的瓜葛最清楚不過,還能夠在短時間內將兩件事情串連在一起,並變成可以誘使到 Rionna 會幫助我們的契機。
在旁的 Isabella 亦拍案叫道:「係喎,大家姐不褸都只係唔妥媽媽爛賭啫,而事實上佢都有叫過你跟佢一齊走架,我敢肯定只要二家姐你心平氣和同大家姐傾下,佢一定會好樂意咁幫你,我做妹妹嘅都想見到你哋兩個好返架!」
Rionna 沉思了半晌,再回復冷靜的聲線,問男男:「你話『情理』,咁『情』呢?」
男男的目光沒有離開過 Rionna,卻指著我問:「你話你鍾意佢,唔係講笑架嘛?」
火一般的卡西
2023-02-14 20:00:23
「我梗係講真架啦!」Rionna 爽快地答。
男男笑了一笑,又道:「BB 始終都要有個爸爸,咁不如你索性同佢結婚,仲話你個肚係佢嘅,横掂外界一早都知道卡西係你男朋友,有卡西做埋你個肚嘅煙幕,就連『情』嗰邊都講通埋啦!!」
男男此言一出,我臉色當堂大變,高聲叫罵:「喂喂喂!你噏嘢呀?乜婚都可以亂結架咩!?」
轉念間,又意識到自己的反應好像是過火了點,再急急「補飛」的道:「Ri....Rionna 佢咁後生,又係首席𡃁模,大把世界啦,你點可以要佢嘅前途同幸福就咁就斷送喺我手上....」
Rionna 突然站起身,打斷我道:「我願意!」
我雙眼瞪著 Rionna,顫聲道:「連....連你都陪佢癲埋一份呀?」
火一般的卡西
2023-02-15 07:39:02
Isabella 人設:
https://instagram.com/stories/iamkasai4/3038335844714694629?utm_source=ig_story_item_share&igshid=YmMyMTA2M2Y=
火一般的卡西
2023-02-15 09:44:29
「無錯,我係仲好後生,但係人生短短幾十年,如果能夠盡早搵到一個自己最鍾意嘅人喺埋一齊,唔係比留喺呢個表面上花碌碌嘅世界、然後不斷花時間喺錯嘅人身上、最後虛耗晒自己所有嘅青春好咩?」Rionna 深深吸一口大氣,再目不轉睛對著我,堅定地道:「只要結婚嘅對象係你,我,張瑀晨,絕對願意,一千個願意,一萬個願意!!」
一個漂亮得咄咄逼人如 Rionna 的美女,她竟認真地當眾向著我示愛和求婚,說沒有一刻心動就肯定是騙人的。
反正我和男男今生今世也不能結合,現在上天補償我一個死心塌地的「首席𡃁模」當我老婆,我不是已經幾生修到了嗎?
結了婚之後,我就可以脫離情海,再不必受到感情煩惱所折磨。
對我來說,或許真的是一條出路。
想到這裡,Rionna 忽然很大力地拍在我的肩膊,笑道:「點呀,無見我一排,我啲演技係咪又進步咗呢?」
火一般的卡西
2023-02-15 15:40:31
呢段幾啱情人節出,可惜遲咗啲
即是咁
2023-02-15 18:22:06
Rionna應該係真心,不過佢feel到卡西猶豫就知乜事
thequiettt
2023-02-15 18:58:11
其實siri都幾q
火一般的卡西
2023-02-15 21:23:23
阿Kim、男男同 Siri 如果三揀一你會揀 Siri?
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞