【卡西正傳】《誤上了黑幫老大的情婦，我只好躲在中環的職場胡混》- 第六季：薔薇地獄

是

我愕然地「吓」了一聲。

Rionna 臉上堆著更誇張的笑容，再伸出指尖篤一篤我鼻子，道：「無見一排，你睇嚟都仲係咁遲鈍喎！哈哈哈！」

害我心頭小鹿亂撞，原來 Rionna 又用我來練演技！

戲子真是信不過！！

Rionna 坐回在梳化之上，攤一攤起雙手，道：「結婚我無諗過咁快，而家呢個年頭要生仔都唔一定要結婚架，不過我認同有卡西做個肚嘅煙幕的確係會穩陣好多，加上又可以即時解決到班煩死人嘅狗仔隊，算係我畀你睇穿晒我啲底牌！」

咁你會唔會同Rionna一齊？

揀Isabella 好過

今日無文？

「就算唔結婚都講緊生仔喎！乜你講到咁輕描淡寫咁架！？」我加重語氣，再追問：「第二時個 BB 出世你攞嚟交咗貨畀人，你仲喺邊度搵返個外甥畀你家姐呀？」

「到時件事都過晒骨啦，我家姐又已經洗濕咗個頭，我再講個真相畀佢聽佢都無我符架？況且佢入咗朱家門都咁耐，連蛋都無生過隻，玩下手佢都要問返我搵人借肚點 work 添呀？嘿嘿嘿！」Rionna 輕鬆地笑了幾下，又轉頭向著男男，道：「今次我會幫你，想我點做，有咩吩咐，隨便開聲啦。」

男男的如意算盤打響了。

我繼之前「頂包」做 Rionna 的男朋友後，現在還「晉升」了成為她肚裡 BB 的爸爸。

「哈哈，都話我一早都無嗌錯你做『姐夫』架啦，姐夫！」Isabella 神氣地笑道。

全賴男男的機智和口才，調查朱家藏金的下落才可以向前踏出一步，我亦「被成為」當中一隻最重要的棋子，無可否認，當人生再有新目標時，無論你正受著怎樣的傷痛都會暫時放下來，或許，這也是男男背後的目的吧？

回港後，Rionna 便聽從男男的指示主動接近王禹伊示好，她們始終是流著同一血脈的家人，加上 Rionna 的精湛演技，相信兩姊妹重新走在一起只是遲早的問題。

另一邊廂的我，經歷過在「伊甸堡」和「薔薇莊」中比起坐過山車還要刺激的遭遇後，以為重投中環的職場生活便可以歇一歇。

但，平淡的日子只是過了一陣子，就被一個來電徹底地粉碎。

原來有得返中環，有冇得見到牙Kim

一天早上，我拿起響了幾聲的手機，按下「接通」的按鈕，連「喂」也未來得及說出口，已聽到萬靈像發連珠炮般的叫嚷：「卡西，死了，死了，我大哥已經決定要將我們基金會的戶口交給『高瑞』！！」

「吓！？我哋唔係已經幫你大哥買到嗰間藏有『斬妖劍』嘅樓畀佢啦咩？你大哥仲話我哋一定會收到一個我樂見嘅結果添！當中係咪發生咗啲咩誤會呀？」不安感瞬間從內心深處不斷地傾瀉出來，我吞一吞口水，連忙再道：「咁啦，你同你大哥係咪喺成都呀？我即刻飛過嚟，我再同佢傾下！」

萬靈吞吞吐吐地道：「太．．．．太遲了．．．．我．．．．我們在今個早上．．．．已經跟他們簽了約．．．．」

我頃刻猶如被一個鐵錘狠狠地迎頭撞了一記，難掩激動的語氣，叱道：「我同你一場相好，你．．．．你而家至嚟通知我！？」

萬靈急急解釋道：「我想我上一次曾經給你們通風報信，這都看在我大哥的眼內，所以他故意安排我到偏遠的山區出席慈善活動來把我支開，自己就暗中聯絡『高瑞』簽約，直到我今天早上回到成都的時候才知道，已經第一時間通知你了．．．．卡西．．．．你怎麼不說話．．．．你沒事吧．．．．喂．．．．喂．．．．？」

這時，手機已從我垂下來的手中掉在地上，軀體則無力地躺在椅子之上動也不動，與一具死人無異。

（待續）

又有得屌萬靈

貪佢年紀細啲？or 胸部大啲？

萬靈人設：

https://instagram.com/stories/iamkasai4/3042084185357317554?utm_source=ig_story_item_share&igshid=YmMyMTA2M2Y=

第二百四十二話　低處未算低

金融圈裡那會有秘密？「高瑞」勇奪「萬家傳愛基金會」戶口的消息很快便傳遍整個中環，還未到 Lunch Time，已收到霍飛帆秘書的來電，要我立即到「海斌」總部見他。

在這個敏感時間會面，不是問責還有其他嗎？

我一離開自己的房間，便見 Alex 一邊衝過來，一邊「老細！老細！」的叫著我，我知道他肯定是為了「基金會」的事，未等他說下去之前，就先開口道：「我趕住見霍生，有咩等我返嚟至再講啦。」說罷，便頭也不回的離開辦公室。

「海斌」總部位於「海斌集團中心」，座立在中環傳統核心地段的皇后大道中之上，由「川泓」經行人天橋走過去大概只需要十多分鐘，途中儘管我已盡量不去胡思亂想，但亦難以抑壓心內源源不絕湧上來的不祥預感。

「海斌」主席李大海的辦公室在頂層七十樓，霍飛帆則在一層之下的六十九樓，彰顯了他在「海斌」中一人之下的超崇高地位。

出電梯後，已看見秘書在等候著我，一見我來，便立即推開身後的大門，並「押送」我到一個廣闊而明亮的辦公室中，霍飛帆就坐在一張巨型辦公桌之後方對著我，房中除他之外原來還有其他人，站在他旁邊有人事部經理 Laura 姐，而我直屬老闆阿 Kim 則坐在其中一張會客椅上，從這個陣容上和各人臉上的嚴肅表情，都知道肯定不會有好事。

幸好有阿 Kim 在，我只好不斷跟自己說：「我喺度唔係孤身作戰！」，心情才不至於太緊張。

霍飛帆攤一攤起手，示意請我在另一張會客椅上就坐，安頓好後，他便開門見山的問：「卡西，你有無收到有關『萬家傳愛基金會』同『高瑞』今朝喺成都簽約嘅事？」

我吞一吞口水，戰戰兢兢地答：「有，不過我都係唔係知咗好耐。」

「以我同萬董事長嘅交情，『川泓』要攞到呢單生意明明應該係手到拿來，而你哋上次由 JY 帶隊上去成都會見過基金會嗰班人之後，我知道各方對我哋『川泓』嘅評價都好高，連我哋主席李生聽到之後都好高興。」霍飛帆板起臉，以更凝重的聲線，追問：「當所有嘢都向好嘅方面發展緊嘅時候，你話畀我聽，點解基金會會突然改變主意，同『高瑞』簽約？」

一陣連Kim姐都唔保卡西就玩撚完

卡西搵到2000噸黃金仲多過基金會

「霍生，基金會單嘢根本就係一早內定咗畀『高瑞』，喺成都嗰次本來就唔係啲咩 Tender Interview Meeting，而係『高瑞』開展工作嘅 Commencement Meeting，連基金會嘅理事長同埋『高瑞』嘅負責人都好坦白咁同我哋講，唔係全賴成 Team 人嘅努力同超水準發揮，我哋嗰次已經即時輸咗喇，所以呢單 Tender 從來都無霍生你講到咁樂觀。」我望一望阿 Kim，再道：「Dr. Kim 全程都在場，佢都應該好清楚架！」

阿 Kim 卻逃避我的目光，櫻唇緊閉一點幫我腔的意思也沒有，我心不禁涼了半截，接著霍飛帆已又問：「卡西，你咁講法，究竟係懷疑緊我同萬董事長嘅交情、定係喺『高瑞』面前過度矮化咗我哋『川泓』呀？」

事實放在眼前，這已是我一個人的戰役了，縱然霍飛帆以高姿態的壓下來，如果我連第一道防線也守不住，肯定就很快被打得潰不成軍，便深呼吸一口氣，不管面對著的對手如何位高權重，亦硬著頭皮反駁，提高嗓子叱道：「兩樣都唔係！」

霍飛帆的身軀往後仰一仰，發出了一聲：「哦？」

留名

好有半澤直樹嗰種畫面

我把握這個缺口，加重語氣續道：「基金會今次嘅公開招標程序只係一個示範，為嘅係提高國內慈善基金運作的透明度，以順應國家對公益事業發展政策嘅方針，正正係呢個原因，招標程序每一個環節都有嚴格嘅規範同評分準則，並唔係就咁打下交情牌就可以胡混過到關，基金會理事長仲有透露，單單係『國際經驗』同『管理架構』呢兩個範疇，『高瑞』已經攞滿分，雖然『川泓』周旋到今時今日最後結果都係落敗，作為項目負責人嘅我感到好失望，但係既然我哋已經盡晒力，所以我無愧於心！」

咁不如聽住咁睇啦

https://youtube.com/watch?v=yO2NERRK6mE&feature=shares

我說罷，房中陷入一片寂靜，半晌之後，霍飛帆的表情看來好像從容了一點，歎道：「你講得一啲都無錯，Tender 嘅嘢邊有話實嬴，況且要『川泓』擊敗『高瑞』，任何人都知道，真係要靠奇蹟出現至會有可能發生，所以我今次最失望嘅，並唔係因為你攞唔到呢單生意。」

我見氣氛已稍稍緩和下來，便殷切地追問：「霍生，咁係咩呀？」

霍飛帆失笑了一聲，突然兩眼發直的瞪著我，拍枱怒道：「我失望嘅，係竟然有人喺度食又喺度屙不單只，連大老闆個姨甥條女都敢掂，仲枉你可以喺我面前面不改容咁猛提起嗰個基金會理事長！」

我當堂嚇了一跳！