【卡西正傳】《誤上了黑幫老大的情婦，我只好躲在中環的職場胡混》- 第六季：薔薇地獄

哈爾仔人設：

https://instagram.com/stories/iamkasai4/3030502752096505509?utm_source=ig_story_item_share&igshid=YWJhMjlhZTc=

能成為密友，大概總帶着愛

或者，我同你無幾耐之後會再碰頭，但係到時候，我已經再無 Quota 去繼續任性，我亦必需要履行我「亞索克斯曼」王子嘅責任。

請保重，並願天佑我們從此不再遇上。

＊＊＊＊＊＊＊＊＊＊＊＊＊＊＊＊＊＊＊＊

聽完這段錄音，便發覺淚水已在不知不覺間注滿了眼眶，我連忙深呼吸幾下想緩和情緒，隨手再按上「Home Button」跳到外面的主頁，卻看到手機的 Wallpaper 竟就是我和哈爾仔在酒窖首次以真面目碰面時所拍的 Selfie，眼眶的堤壩當堂就被衝破了。

怕被其他旅客看見我淚流滿面的模樣，最後要躲到廁格內。

旁人會想，堂堂男人在機場痛哭，不是失戀還會是甚麼？

失戀我當然不是沒有試過，但這種比失戀更多了一種酸溜溜的痛，竟是因哈爾仔而起。

為甚麼會搞成這樣子？

你點知我係一路聽住呢首歌一路寫架？

我代入左卡西個世界

回想起來，所有事情都是在哈爾仔離開酒窖之後才發生，我從 Vivi 的口中知道哈爾仔是「玫瑰會」的「花王」，而我跟「玫瑰會」對著幹的身分被哈爾仔得悉，關鍵肯定是我倆拍的 Selfie 照。

最有可能就是他的新娘子 Patricia，當她看到那張 Selfie，她自然就會將我的來歷和我在「拔道」中的所作所為告訴給哈爾仔，消息之後再傳到去「黑衣女皇」的耳中，恐怕只是遲早的問題而已。

就在這一刻，我亦終於都想通了 Iris 突變的態度。

下次再見面時，我跟哈爾仔和 Iris 很可能就是對立，哈爾仔把握他母后未完全知情的情況送我離開「薔薇莊」，而早就嗅到有不對勁的 Iris，則以哈爾仔未正式通知她我敵對身分的空檔還我一吻，最後兩者各自達到了跟我不拖不欠的目的。

（待續）

Iris唔走唔得嘅

咁你有無即刻開返首歌嚟聽？

第二百四十話　聚首巴黎

或者燈紅酒綠的巴黎會是一個使人較容易忘憂的地方，我獨自在這個大都會待了不知幾天，感覺好像慢慢放低了哈爾仔的事。

尤其當坐在酒店房間的陽台上，一邊借酒消愁，一邊觀看著大街上的人們在忙東忙西似的，天空由日上三竿不經不覺便到了夜幕低垂，熙來攘往的景況又變得冷清起來，最後連巴黎鐵塔都關了燈，彷彿未眠就只剩低我這個孤獨憔悴的醉漢，便明白到這個世界並不會因為你的哀傷而停下來半秒。

而事實上，不管你喜歡也好、不爽也罷，醉過痛過之後日子還是要過，從來都很明白這個道理的我，亦好應該重投我該要做的事情。

腦入面自動loop左

雖然這幾天以來，斷斷續續睡了大約只有數小時，但我下定決心首先要做的並不是好好睡一覺，而是去找回我最親密的戰友 － 男男和 Siri。

自我完成「紳士禮」以來，我便立即被送到趕去應哈爾仔的約之路上，期間都沒有機會與男男和 Siri 交代過行蹤，所以當我這時用 FaceTime 跟她們聯絡，她們一知道我平安無事都難掩瞬間表現出來的興奮，尤其 Siri 這個傻妹更喜極而泣的罵道：「你呀！喺『伊甸堡』度又話一搞掂埋啲手尾就即刻出嚟同我哋會合，點知跟住乜嘢消息都無，你失蹤咗咁耐我哋就擔心咗咁耐！你個衰人無口齒呀！嗚嗚嗚！」

「哈哈，我而家咪無穿無爛咁喺度囉。」我苦笑了一下，又問：「係呢，班『靜思維學會』嘅學員點呀？」

這時，男男將臉龐靠近鏡頭一點，當堂令我本能地精神為之一振，才聽見她徐徐地道：「嗰日你同 Siri 入返去『伊甸堡』之後，我咪將啲學員逐一搬返去安全嘅地方，同埋用『腿骨號』解開佢哋嘅催眠狀態，因為事件涉及到香老師呢條人命，我亦唯有選擇咗報警，喺我畀警方嘅口供入面當然無提起過有關『靜思維』活動嘅事，而警方根據現場環境嘅情況，都相信呢單只係一次喺我哋交流營嘅營地附近發生嘅古蹟倒塌意外，失咗蹤嘅香老師曾經懷疑係埋咗喺瓦礫堆中，但係經搜救隊挖掘後又搵唔到佢嘅屍體，所以最後唯有列做失蹤人口案件處理。」

睇到卡西同男男變成咁熟悉又陌生，真係好心up

卡西同男男分頭行事嗰段，可以喺度重溫：

【紳士遊戲 Begins! 】《誤上了黑幫老大的情婦，我只好躲在中環的職場胡混》- 第五季：紳士篇
https://lih.kg/uKgmujX
#634 回覆 - 分享自 LIHKG 討論區

「咁講法，香老師．．．．可能未死喎？」我語帶驚奇地反問。

「真係唔敢確定，唔好忘記喺兵器廠冧之前嘅一刻，當時香老師嘅精神狀態咁混亂，有機會佢係失足跌入個熔爐入面，咁就連渣都無得剩架喇。」男男頓了一頓，再道：「有咗警方呢個調查結果，我就代你將件事匯報返去學校度，無幾耐之後校方就出咗個公告，話香老師因有急事請假，佢負責嘅『靜思維學會』會無限期暫停運作，直至另行通知為止。」

「哼，又係咁！」我不屑的啐道，這簡直跟古校長的那次一樣，一切以校譽為先的孔校監又是以「掩得就掩」和「大事化小、小事化無」的手法去處理。

我又問：「咁而家啲學員都返晒香港喇？」

「我哋通知晒所有學員嘅家人之後，有啲學員自己返香港，有啲就畀飛嚟嘅屋企人接走咗囉，剩返你個『姨仔』同我哋留喺度，佢話一定要見到你呢個『姐夫』至肯返香港喎！嘿嘿！」Siri 一挖苦我，臉上才浮現出平時聰慧可人的風采，她再問：「查實你條友幾時至肯蒲頭呀？」

我搖一搖頭，道：「我可以蒲頭就唔駛同你哋 FaceTime 啦，我而家喺巴黎呀！」

「吓！你又會無啦啦去咗巴黎嘅？」Siri 瞪大雙眼，眼珠靈巧地轉了一個圈，又追問：「你啲行李同証件明明都仲留咗喺間酒店房度架喎，你係點去架？」

「講起嚟就真係一匹布咁長啦．．．．」接著，我便將我在「伊甸堡」認識哈爾仔的經過和「薔薇莊」裡的遭遇，包括「黑衣女皇」提起有關「聖庫」中不知所蹤的黃金之下落簡短地說了一遍，至於與駱太、尤太和阿釙鬼混的部分，當然是依我一貫的作風隻字不提罷了。

「嗰個哈爾仔就係『玫瑰會』嘅『花王』！？」Siri 脫口叫了一句，再顫聲道：「身為『高跟黨』嘅執事．．．．我．．．．我竟然．．．．同『玫瑰會』嘅『花王』．．．．夫人嘅頭號敵人．．．．交．．．．交咗朋友添．．．．」

Siri 人設：

https://instagram.com/stories/iamkasai4/3033049716373653979?utm_source=ig_story_item_share&igshid=YWJhMjlhZTc=

Siri要做老婆啦

「當我知道佢呢個身分嗰陣，個反應仲激過你而家不知幾多百倍呀，不過我相信夫人真正嘅頭號敵人，係哈爾仔嘅母后至啱，因為所謂嘅『花王』都只係『玫瑰會』入面嘅 Figurehead，實際上操控住所有嘢嘅，由始至終都係『黑衣女皇』，所以．．．．你．．．．你點都無交錯到呢個朋友嘅．．．．」我越說，心內頃刻湧上來的苦澀味則越重，說完最後一句更語塞起來。

男男見狀，便歎了一口氣，柔聲道：「唉，見你鬚又唔剃，個款又咁殘，我估你呢幾日都係為咗哈爾仔嘅事而搞成自己咁啦？」

真的甚麼也瞞不過男男，相信她從我維護哈爾仔的態度，和最後那句對自己說多於對 Siri 說的話，再加上我的一臉倦容，便已嗅到其實我跟這位認識了不久的朋友所建立出來的感情，並非醉過幾晚然後自己和自己說一句：「我已經放低咗喇！」，就真的是放低了。

在男男和 Siri 前面我根本不需要隱藏，情緒急轉直下的我便以哭著臉的口吻，嚷道：「咁點算呀？我唔知道而家應該點做至好呀！！」

男男殷切地道：「你而家咩都唔好諗住，總之我哋一陣收咗線之後，你就 send 你而家住緊嗰間酒店個名過嚟，跟住就即刻去好好訓一覺，我哋會搵最快嗰班機嚟巴黎，你第二日訓醒就會見到我哋架喇，到時我哋再一齊慢慢商量啦。」

但做對好兄弟又如此相愛，旁人會說不該

變gay 故

一個太慣於對外嬉皮笑臉的男人，他真情表現出來的懦弱和無助，往往最能惹起身邊女人的同情和憐憫，連男男也沒有例外。

而我終於都發覺，在這個時候，我亦真的太需要男男、和 Siri 這個好兄弟了。

所以我就照著男男的說話去做，隨後便躺在床上蓋上被子，一心只想到第二天一醒來就可以看見她們，沒多久之後便睡著了。

冬天的法國日照時間很短，感覺上無論睡了多久，從窗紗透進來的天色還是昏昏沉沉，加上連日來的頹廢生活已令我筋歇力疲，現在難得有一覺好眠就索性賴在床上一直睡下去，直到外面忽然有人敲門。

起身屌閪喇

被吵醒的我沒有半點不悅，反而是有點兒喜出望外，心想：「佢哋咁快就嚟到喎！」，便立刻彈起身跳下床，並衝往玄關應門去。

門一打開，我只來得及看到敲門者一眼，僅知道是一位戴著烏蠅太陽眼鏡的美女，就聽見她叫了一聲：「卡西，我好掛住你呀！」，然後便被她狠狠地摟著，一直將我推進房中，最後雙雙失足倒在床上，再以極挑逗的聲線，在我耳邊道：「不如我哋做咯？」

我根本未能看清楚黑鏡片之下的她究竟是誰，只憑著從胸口傳來一雙碩大飽滿的乳球壓過來的酥麻觸感，猜想應該不會是 Siri，但隨即又想到內斂的男男怎會忽然變得那麼熱情和大膽？況且滿身散發出來那名貴的 Chanel N°5 香水氣味也肯定不是男男的風格，不禁問：「小．．．．小姐，你邊位呀？」