【卡西正傳】《誤上了黑幫老大的情婦,我只好躲在中環的職場胡混》- 第六季:薔薇地獄
火一般的卡西
580
回覆
86 Like
8 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
去沙特證明自己
2023-02-25 23:00:50
火一般的卡西
2023-02-26 00:30:32
Chloe姐人設:
https://instagram.com/stories/iamkasai4/3046092713373887452?utm_source=ig_story_item_share&igshid=YmMyMTA2M2Y=
天水圍加藤鷹
2023-02-26 01:09:23
留言以表支持
卡西係第一套令我覺得連登都有好故
都係第一套睇甜故睇到走甜都好正
火一般的卡西
2023-02-26 03:06:42
忽然,外面傳來「叮噹、叮噹」的門鐘響聲,我心頭不期然一震,想:「唔通係阿 Kim 上嚟同我解釋?」便第一時間衝去應門。
門打開後,站在門外的卻不是女神,而是「G 奶乳神」Rionna。
「搵你咁鬼耐,原來你真係『喱』喺屋企玩自閉!」Rionna 一邊老實不客氣地踏進屋內,一邊發連珠砲地道:「WhatsApp 又唔睇、電話又唔聽,搞到我要問妹妹攞你地址上嚟刮你,你搞乜鬼嘢呀?你哎吔都係我未婚夫嚟架,家陣你係咪想悔婚先?」
火一般的卡西
2023-02-26 11:29:37
多謝支持
如果你一開始就當卡西係一般職場甜故嚟睇,你應該會估唔到呢個故之後會玩到咁大,呢個亦係我刻意嘅鋪排嚟
有無邊段情節你比較深刻?
天水圍加藤鷹
2023-02-26 12:16:09
女最正就係kfc
情節最鍾意係一開波同條女互flirt之後落 club,其實只係比人搵笨
火一般的卡西
2023-02-26 15:53:14
隨我身後剛走到客廳的 Siri,見來訪的是 Rionna,便道:「咦,上咗嚟呀?食咗 Lunch 未呀?我諗住煮麵喎,駛唔駛煮埋你嗰份?」
「啲即食麵邊有益架?」Rionna 帶著古怪的笑容,道:「我哋有人請飲茶呀。」
男男即時追問:「邊個請飲茶呀?」
「咪我家姐囉,你哋唔係想我哋姊妹和好架咩?我做到嘢啦!」Rionna 沾沾自喜一笑,又指一指向我,道:「當佢一知道有你嘅存在仲好開心添,仲猛叫我話要約你出嚟見下,我因為搵唔到你已經推咗家姐好幾次,我怕我再推佢佢會覺得有古怪,好彩終於都搵到你啫。」
火一般的卡西
2023-02-26 18:16:13
我垂頭喪氣,歎道:「唉....我啱啱至畀公司兜咗....呢....呢個時候....點出去見人....」
Rionna 臉色一變,再緊張地問:「你畀人兜咗?究竟發生咗啲咩事呀?」
接下來,我便將基金會 Tender 泡湯和被老闆阿 Kim 炒魷的經過簡短地說出來,鑑於我在 Rionna 心目中是一個「不為美色所動」的人,當她知道我被人誣告性騷擾時,她顯得非常生氣,更高聲叱道:「有無搞錯呀!卡西連我都未掂過佢又點會性騷擾其他女?嗰啲所謂嘅受害人有邊個索得過我呀?又有邊個大波得過我?搵借口都搵過第二樣嘛!」
火一般的卡西
2023-02-27 12:46:23
旁觀的男男和 Siri 看到 Rionna 的反應則不約而同地竊笑著,在她們未拆穿我之前,我便立即轉個話題,道:「點都好,我畀人兜已成事實,之前就話係金融才俊啫,家陣我前路茫茫,連自己生活都成問題,試問咁嘅環境,又點同你個闊太家姐飲茶呀?」
「我家姐未必知道你畀人炒嘅,況且只係自己人飲餐茶咁啫!」Rionna 望一望手錶,再催促的嚷道:「差唔多夠鐘喇,快啲換衫行啦!」
雖然我心知肚明和 Rionna 一起是為了接近朱家以調查藏金的下落,但在我這刻自信心極度低落的期間,實在不想見外人,尤其是那些「人生勝利組」,所以內心還是充滿了忐忑,使我遲遲也沒有表態。
去沙特證明自己
2023-02-27 15:43:57
講起上嚟打拳嗰個寒小姐幾時會再蒲頭
火一般的卡西
2023-02-27 21:55:01
男男似乎亦看穿了我的顧慮,便道:「你照著到返工咁,一陣間我以你妹妹嘅身分,Siri 以 Rionna 助手嘅身分一齊去,多兩個腦、多兩把口,到時再見招拆招啦。」
「之但係....」我仍支支吾吾。
「仲之乜鬼嘢但係喎!」男男指著我的房門,喝道:「總之我而家以『田力偵探社』嘅老闆命令你即刻去梳洗同換衫!」
我肅然地挺起胸膛,忙道:「係係係!!」男男的話猶如一道不可抗力的聖旨,我亦只好急急動身。
跟香港四大富豪之一的朱家大少奶飲茶,相約的地方肯定是一般人不會常去,果然,我們來到的是一家位於港島五星級酒店中的星級酒樓,當 Rionna 向知客說出是朱太的訂枱後,她還將我們引到一個擁有超高樓底,從兩邊落地璃玻可飽覽維港景色的豪華廂房。
這種排場所帶來的高處不勝寒,就令我好像連正在呼吸的空氣也驟然變得稀薄。
凋零又開的花
2023-02-28 02:12:20
雖然我沒文入面d 女角咁正,
但我一正每日都有返嚟追post
卡西加油
火一般的卡西
2023-02-28 06:45:49
趁王禹伊沒有來到,我靜悄悄地翻一翻看枱面上的餐牌,只見平時幾十元一籠的蝦餃,這裡賣一百元一粒,我的呼吸隨即更變得急促起來。
在我還苦惱著這裡的人均消費究竟需要燒去幾多張五百元鈔票之際,廂房的大門就打開了,一個樣子清麗脫俗,穿著灰藍色中袖線衫和黑色直腳褲的女人被知客帶進來,一見 Rionna 便笑道:「晨晨,好準時喎。」
Rionna 站起身叫道:「家姐!」
這位優雅端莊的美少婦就是 Rionna 的姐姐王禹伊,名符其實「窮心未盡色心又起」的我之視線忍不住向下一掃,當看到沉實的淨色上衣包裹著是渾圓飽滿的上圍輪廓,在空氣早已不足夠的情況下,腦部更立刻感到一陣缺氧。
「主播 E 神」之綽號真的是名不虛傳!
火一般的卡西
2023-02-28 09:47:31
好開心有女讀者呀
多謝你支持呀
咁你心目中覺得邊條女最正?最鍾意邊個?
火一般的卡西
2023-02-28 11:35:12
可能我當機得太久了,我旁邊的男男撞一撞我手臂,再瞪了我一眼,才意會到我們也要站起來,並讓 Rionna 介紹給王禹伊認識。
眾人就座後,侍應便將各式各樣的精緻點心,逐一放在枱面的巨型轉盤上以供我們享用。
起初,席間談話的都是由 Rionna 和王禹伊作主導,見她們二人交流的態度親暱,完全不像之前有曾經斷絕過來往,單單從王禹伊稱 Rionna 做「晨晨」已可見一斑,真的不得不佩服 Rionna 的功夫。
「茶」過三巡,王禹伊還很友善的將我、男男和 Siri 帶進話題當中,我們幾個人閒話家常,說說笑笑,令餐桌上拘緊嚴肅的氣氛都一掃而空,Rionna 這位做過主播的姐姐可謂才貌兼備又懂得大體,難怪深得三姨太的疼愛。
用過美點薈萃和燕窩燉蛋白,幾個侍應就離開了廂房,王禹伊呷了一啖茶,然後向我笑問:「係呢,卡西,點解你明明今日唔駛返工都著成咁嘅?你唔會係為咗因為要同我呢個家姐飲茶,就扮一個仲有工返嘅金融才俊啩?」
火一般的卡西
2023-02-28 16:20:02
這條問題問得輕描淡寫,卻血淋淋地把我光鮮的表皮一下子就劏開了!
我想不到王禹伊會不動聲色地來一個突襲,一時之間都不知如何回應,唯有尷尬地笑著。
「我以前做嘅係財經主播,雖然嫁咗入朱家之後就無做,不過喺金融圈入面都仲有唔少朋友嘅。」王禹伊放低手中的茶杯,再收起臉上的笑容,又問:「不過香港地份工都唔係最緊要,咁你介唔介意講畀我聽,你而家住喺邊?係租定係買?有無其他鋪同樓楂喺手收緊租?銀行存款又有幾多位數字呀?」
thequiettt
2023-02-28 20:59:40
好緊火⋯⋯
火一般的卡西
2023-03-01 07:00:43
「家姐呀!」Rionna 插嘴道。
「晨晨,如果你繼續同佢一齊,將來嫁咗畀佢,佢就會成為我嘅妹夫,亦都係我嘅屋企人,我諗我都有權利去了解呢個妹夫多啲,包括佢實際財政狀況啩?加上我同你都係公眾人物,呢啲嘢就算我唔問,你估啲傳媒唔識自己刮出嚟寫咩?」王禹伊打沉了 Rionna 後,又將目光放回我身上,等待著我的回答。
我歎了一口氣,好不情願但亦無奈地如實答道:「我....我無樓無鋪,無租金收入,而家同緊細妹夾份租咗個細細嘅單位同住,伙食都由佢撐住,至於我嘅銀行存款....怕且都啱啱好夠埋呢餐張單嘅....」
我越是說,音量越小,頭亦垂得更低。
火一般的卡西
2023-03-01 10:09:07
王禹伊「哼」了一聲,再提高嗓子道:「我妹妹係全港最出色嘅 Model,有幾多公子哥兒、天王巨星都要拜我妹妹嘅裙下,你已經先天無家底、無樣貌,而家連後天剩返嗰小小嘅事業都無埋,你點襯得起我妹妹呀?乜你養得起我妹妹咩?」
Rionna 終於忍不住,大力的拍枱一下,再站起身叫道:「家姐!夠喇!」
我愛窿窿餅
2023-03-01 12:39:04
卡西冇咗份工,但仲有堆唔講得出黎嘅秘撈呢
西輸東贏
2023-03-01 16:46:11
真係冇錢咩
火一般的卡西
2023-03-01 20:19:25
「晨晨,或者你會覺得家姐好 mean,點可以當面問得咁直接,但係我咁做都係為咗你好架咋,如果你唔係我親妹,我根本就唔駛企出嚟做呢個醜人!」王禹伊語重心長的勸道。
「家姐,我知你對我好,不過你咩都唔駛講喇。」Rionna 的聲線已回復平靜,再摸一摸自己的肚皮,一字一語的道:「因為我已經有咗卡西嘅 BB!」
(待續)
火一般的卡西
2023-03-01 21:56:04
學樓上話齋,雖然有秘撈,但係無一份有收入架喎
火一般的卡西
2023-03-01 22:46:40
錢就無,不過做內侍provide service時,可以叫啲闊太買定個飯盒畀佢喺床上食飽至開工囉
thequiettt
2023-03-01 22:46:56
有閪屌當出糧
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞