原始佛法本為「意識學」為何佛法卻常常被誤解成「哲學」或「心靈雞湯」甚至「宗教」

至於點解要spread：
1。我未到阿羅漢，我驚下世無人再傳真正既佛法，我自己都會受害。簡單來講我驚無人再睇巴利三藏，或者知道原始佛法原意。

2。好多人其實有精神病、心理問題，好多時係醫唔到。你去睇精神科其實食既藥幫唔到好多，好多人自殺、自殘之類，我覺得係有方法去攪（亦都有驗證過，身邊有朋友有呢d問題），就係原始佛法。

因為我相信依家無人可以肯定自己一定修到阿羅漢，周圍spread開去同時都係靠一d 信呢套野既人再spread 開去，去維持一個「傳承」。同時都保障到自己下世仍然機會接觸到呢d正確既資訊。呢個係少少既私心。

再講白d，我有少少驚再輪迴之後自己唔會再修。
因為唔係咁好彩個個都輪左去d發達國家。
可以再問一個問題就係，如果你有得揀你會輪迴去邊？
你諗諗下就發現依家個世界唔多對路。

其實係唔係有系統地俾人控制輪迴？

在世係唔係有人知道點樣玩輪迴系統？

輪迴係一種對死後世界既系統信仰。原始佛教無講邊個控制，甚至無解析呢個世界係點來。所以我係唔知。
而且輪迴唔係佛教專利，我上面都有提及：

輪迴系統唔係佛教、印度教、耆那教、吠陀文化既專利。古埃及都有。
一般有奴隸既古文明都會發展出唔同既死後世界推想。其中一個係輪迴。

輪迴另一個起源有可能係，古薩滿文化，佢地有通靈術等知識傳承，有傳佢地通靈／冥想後，將good trip／bad trip 分類為六道輪迴。

再講多個題外話，依家大乘佛教d寺廟寫既大雄實殿既「大雄」，其實係耆那教創始人「大雄」。

你都證到有餘涅槃啦 仲有咩好驚

就你睇番自己係呢個post所講嘅所有野，
真係覺得可以維持一個「傳承」？
而呢個「傳承」內所包含嘅野真係正確？
Spread開嘅同時，
資訊嘅內容都會受唔同人睇法而得出唔同理解，
spread開嘅內容都會受到轉變.
同時，你點確定自己有下世？
你話 輪迴系統係一種信仰.

既然你話自己到左有餘涅槃，
咁應該對自己嘅「前世今生」有d了解？
有冇睇到自己前世？

喺有餘涅槃之前 同 之後，你覺得自己有咩轉變？

你見佢有d 問題 係唔會答

有冇睇到自己前世 < 有
但呢個po 目的唔算係想討論太玄幻既野

「傳承」我無話太過執著。我咪自己繼續修。

其實係上面答左你睇唔到

輪迴係隨機?

有理有理，如已證初果，七世內必證阿羅漢

問題係 有d野講出黎容易，但係唔係正確資訊呢？
一d唔識嘅人 真係跟佢所講 靠冥想修行 就危險了

佢分享嘅同時 ban緊普遍佛法，宣傳佢所睇嘅三藏 先係正法，初初睇係有文有路但越睇越奇怪.

我都接觸過ban大乘佛法而講明修行重點在於修個人而唔係要去幫其他人，但同時會要求修行人守持五戒 同 其他野等等，講明 持續內觀自己很重要，需要有堅定嘅決心去面對自己 但同時要學識平等心 慈悲心等等，而呢一d都要應用係日常生活當中，咁先係修行.
同埋，修行最簡單但重要嘅其中一點係保持觀察自己嘅呼吸.
睇完樓主講嘅野，覺得佢咁樣很容易走火入魔

佢走火入魔一回事，但誤導其他人就絕對唔好

唔知

我有冇走火入魔我諗我比你更清楚。而且個post 主要係講好多佛法概念係巴利三藏（巴利文版本）係有完全唔同既意思。呢個係呢個post 既原意。

至於你話修行果部份我見有人問我先提起，呢個post 其實唔係主要講修行部份係應該要點做。

至於修行部份方面，其實最主要係睇一d 階段性既「結果」。經文記載應該要見到／感覺到既異像其實都係修行證明既一部份。正如道教修行太乙金華宗旨，佢都會指出你見到「金花」、或者一d體感上既改變，或者一d 異像其實係修行過程中係「正常」。你符合佢講既果d證明就基本上可以確定你係行緊佢既方向。而我係完全符合巴利三藏同道教經典所講既「一切」異像既描寫。（咁當然我係無從證明）

我自己當然唔係淨係佛法修行，我係有參考埋原始道教同薩滿教，甚至係一d 專業運動員既一d 意識技巧。

點會唔知呢？
巴利三藏都有講行善係可以投生好既地方

情況就同有茅山既朋友係度分享靈異經驗一樣。當故仔聽又得，無需話要屌鳩佢話佢迷信或者佢果套野係錯，因為佢證明唔到自己係岩，你又證明唔到佢係錯，咁不如當故仔聽咪算。

而且修行係有自我證明的條件，你符合經文所講既條件，咪就係你行緊佢果個方向。但呢d野無得證明比人睇，所以都係靠自己證明。

有人話冥想會走火入魔，冥想係放鬆咁專注當下，排除自己一d 雜念開始。如果咁都會走火入魔，會否睇到人類太過脆弱？

上面講左，當時既「善」用依家既「善」係唔同。當時既善係指「清靜」既狀態。
我話唔知係因為我意識上無經歷過輪迴呢個系統，即係唔知佢係點運作。我唔想過份解讀一d 我未經歷／或者驗證過既野。

佈施，做好事，都係清靜既一種，其實同你既解釋無大衝突

走火入魔係一種「偽命題」。冥想修行只係需要你做d好簡單既「止觀」。「止」即係停止或忽略雜念既生成，「觀」係對當下既念頭／發下既野／內在的一切觀察。
係一件好自然既事。唔係叫你去通靈。
你覺得唔想繼續可以隨時停，全部都係可控。
人類點會因為呢個咁簡單既行為就會驚「被鬼攪」「走火入魔」「精神錯亂」？ 我會覺得人類既意識係無咁脆弱。