原始佛法本為「意識學」為何佛法卻常常被誤解成「哲學」或「心靈雞湯」甚至「宗教」

你可以查下「緣」呢個字既巴利文原意。

多謝你
我會了解下

你一合埋眼，有一堆情緒同念頭會沖出來。如果你比佢地影響到，你就係「無明」

所以緣起性空從來唔係指客觀外部事物既變化、無獨立自性。係指你既十二因緣都係「空」、係自己制造出來既幻覺。你要睇穿呢d野係假。

呢個已經好多人理解錯左。

如果有幸參透到，點樣調節同老婆仔女嘅關係🤔

其實我本身都冇乜煩惱
不過可能有想進步嘅念頭

呢種念頭似係你剛才所講嘅優越感嘅執着

千祈唔好打算用佛法去解決人際關係問題。
原始佛法修行從來都係自己。
你要明禪修係一種減法來，你係唔會得到任何野。
你係要「為道日損」，將自己咁多年唔好既經歷同情緒用冥想去磨走佢。
你係唔會有「進步」你只會退步，退番果個孩童時期無憂無慮既自己。

同埋你根本唔洗參透d咩，你合埋眼冥想，遊戲規則係你唔比你自己d念頭同情緒影響。一開始set 10分鐘，之後set 半個鐘target。

根本係唔需要咩悟性，個個都做到，岩岩開始你當遊戲咁玩先。

改善人際關係唔係佛法要關注既野，佛法從來係提出一理論同方法，去教你點洗走你d唔好既情緒同過度既慾望。
你同人係結唔到咩善緣惡緣。亦唔會靠一兩個佛牌就控制到你自己、你身邊人既人生。

Thanks

唔好再信捐錢佈施、放生、積陰德呢d可以幫你「修行」。
佈施一開始提出既目的係離物慾，唔係賺功德分幫你上天堂。
真正既修行係冥想。
真正既因果業力唔係做好事有好報，惡事有惡報。
因為善同惡既原意係「清靜與否」

全部都係同你既意識運作有關。

講多一句係，其實我係有同好多修行人傾過。
佢地好多其實都會承認，因為原始佛法對意識既描寫再譯番中文係會出現好多誤解，同埋大部份人一開始好難去觀察到咁多呢d意識層面既野，所以佢地會將依家普遍流傳的佛法為「權宜之法」，將複離既意識學概念變成宗教，你信就跟住做就得，唔使諗，得閒捐下錢幫下寺廟營運，因為佢地證到果前都要食飯。
所以我明你地所反對既點係咩？例如「人地都起嘛係個大師，而你只係一個連登仔」。

副作用係傳傳下d 人當左係真或者唔去冥想修行，以為做善事就得，本末倒置

我無冥想嘅習慣

如果想開始，有冇話需要乜嘢環境同埋要點樣做？
因為坊間太多冥想嘅資訊我都唔知邊啲係。

追哂成個Po，樓主有料confirmed

多謝。但都係果句
我上來唔係為左辯論，因為我其實已經無乜情緒波動，你地點屌其實我天然就已經無feel
我亦唔係為左賺錢、開教會、甚至要你地捐錢佈施比我。
亦唔係為左要出名，要拎你地d view 賺錢（lihkg view 係無錢）

我係真誠地、毫無保留地，將我人生我覺得我唯一一樣做得好既野分享比你地。有用定無用你地可以自己驗證，或者你覺得我講果料唔掂都唔緊要。

即係空係修出來既？
唔係睇幾本書，9up完 大德d理論研究空係咩來？

「空」既作用點係你既意識。
即係你冥想果陣，有一堆情緒、念頭走出來，呢d 野係「緣」。
如果你比呢d野影響，你就變左「無明」。
你要睇穿呢d 情緒同念頭，係你自己generate 出來，係假，係垃圾，係多餘的訊息。
你要睇穿呢d野係「空」既性質。
呢個就係「緣起性空」既空

每個人有自己既方法，我可以推幾種比你，你自己再試邊種效果最好，一係你pm 我

其實你諗下都知唔多合理。
空依家被好多人教導係形容客觀事物既性質。即係咩你面前張檯係咩「因緣和合」而成，無獨立自性，無不變性。

第一「因緣和合」其實唔係咁先
第二，你知道左咁又點？難道可以即刻就唔執著？即刻就無左呢個知識既作用點。

然後就要求你有「悟性」先會明。
呢個就係依家佛教咁黑人憎既原因

不過佢唔係咁傳我都未必會接觸到。唔係講到d野咁複離一早斷根又何來我來我係度9up左幾日

Thanks 師兄

但原來我唔識係連登pm
我研究下先

請問一下咩係意識學呢？有冇其他野都係意識學