題外話,佛教之所以會成為哲學、心靈雞湯、甚至宗教呢個影響唔只近代
或多或少係佛教最初傳播嚟到中土(魏晉南北朝)需要立足
而佛教嘅字詞對當時一眾儒家嘅士人有好大衝擊
《世說新語》有講過支遁(支道林)去搵王羲之清談,覺得支遁講嘅佛理好容易理解同犀利,結果佛教慢慢藉由依附中國嘅本土思想而傳入中土。
《世》都有講過,當時郗超問謝安,如果支遁同竹木七賢嘅嵇康相比,謝安都話可惜嵇康已死,唔可以再努力,超越唔到支遁,側面咁描寫當時支遁突破咗僧侶嘅角色,進入咗班知識分子嘅心中,亦將佛教思想帶入中哲思想發展嘅架構入面