原始佛法本為「意識學」為何佛法卻常常被誤解成「哲學」或「心靈雞湯」甚至「宗教」

本身用哲學去睇法就係 另一回事，根本冇存在誤唔誤解. 當然如果係誤解左經文就唔同講法.
但如果係用哲學角度對經文思考分析出嚟嘅，真係唔存在誤解

問題係，我根本無情緒我只係指出一d 謬誤同質疑。
我係無「起心動念」。
咁我提出左巴利文原文概念係點，其實係咪應該從我提出既理據反駁？
咁 「淨空」講「習近平係菩薩」，咁其實我係咪都可以質疑佢既講法呢？

「何必著執 哪些是謬誤 還是 正確 呢？」當然係要啦，你要知出面好多人玩性交轉運

老實講 如果達到呢種「正覺」 ，咁哲學家一樣可以問，咁又點？個價值係邊？

本身所謂嘅價值就因人而異，因應社會情況而定
對我來講，可能係一生追求嘅嘢？
每個人追求都唔一樣，有啲人只係想安居樂業三餐溫飽.
不過又要留意番，每一個人喺唔同嘅時期都會有唔同嘅變化 依家覺得冇價值嘅嘢，遲啲可能覺得有價值就好似英女王幣咁（唔知用呢個例子恰唔恰當）

雖然樓主表示

//原始佛法不是用於解釋和處理人與人之間在社會的關係，佛法修行最重視的從來只有「禪修（冥想)」修行，在內觀之中觀察體會自己潛意識當中生起的各種虛幻不實的情緒，訓練覺知力與平等心，是為「觀自在」， 是一種絕對的個人的行為。所以佛教最高境界為無上正等正覺（阿耨多羅三藐三菩提），隨時可以覺知到自己的情緒、顯意識和潛意識變化是為「正覺」，覺知後無論生起的感覺有多難受恐怖、回憶有多令人憎恨、幻覺有多真實或者心情有多愉悅，也可以抽離自己以第三身角度去觀察，不被這些外界的資訊和自己的潛意識影響，是為「正等」。而「無上」是指將正等正覺修練到最極致的狀態。//

但係我個人認為修習佛法其中一個方法 係可以從處理人與人之間在社會嘅關係當修行，
而且一個有一定修行程度嘅人，係可以利用佛法處理人與人之間喺社會嘅關係

雖然樓主話佛法修行最重視的從來只有冥想修行，
但依我所接觸，戒定慧呢三者/ 八正道 等等 先係最重視嘅嘢，就好似一粒種子嘅發芽需要唔同嘅條件，例如適合嘅泥土，足夠嘅雨水 同 陽光，適當嘅氣候溫度 等等.
而冥想 只係其中一項條件，而我哋就係果粒 識得行走嘅種子.

樓主：

在內觀之中觀察體會自己潛意識當中生起的各種虛幻不實的情緒，訓練覺知力與平等心，是為「觀自在」， 是一種絕對的個人的行為。

當覺知力 同埋 平等心 應用喺內觀之中，係內觀嗰時運用，但係喺生活中就沒有覺知力 或者係平等心，咁係唔係真係識得運用 覺知力 同 平等心 呢？
係內觀中 修習 覺知力 同 平等心， 咁係日常生活當中 應該都要？ 就呢個post黎睇，暫時未見到樓主平等心嘅運用

同埋 呢一種絕對的個人的行為 即係 自我修練，係需要應用喺日常生活當中，而且我哋並唔係生活喺冇其他人嘅世界 呢一種個人嘅行為的而且確 會同外界有所連結，打個譬如，每一個人 同 唔同嘅人都有一條連結嘅能量線，喺內觀當中你是否能覺察？
有沒有覺察到自己同其他人嘅關係？ 等等

哲學可以係誤解

問題係，首先要搞清楚究竟某一個哲學解讀，佢係想做啲咩？係想講經文嘅原意？抑或係想疏理當中嘅概念，將其理論化，哲學化？又或者係想將當中啲一啲概念加以發揮，分析，或者同其他學說比較？

譬如，樓主話哲學家將佛法解做空性哲學
但以我所知，呢類哲學工作從來冇話自己係解讀原始佛教
而係討論緊中觀學/空宗
可參見吳汝鈞下文：
https://www.thenewslens.com/article/103588

當然佢有可能誤讀
但呢種哲學詮釋冇針對原始佛教
話佢唔係原始佛教嘅原意，只不過係打稻草人嘅批評

我諗你誤會咗 非台巴打 所講嘅嘢，
佢係問緊達到「正覺」嘅價值在哪？有咩價值？
而唔係問 用內觀（冥想）去修習原始佛法 嘅價值係邊.

同埋，

人總會對某種事物會有執著、有好多唔好既情緒。目的咪就係清走呢d野

其實又點會目的剩係得清野呢？ 不如你搵一個好啲嘅師傅跟啦….或者再深入去了解你所喜愛嘅佛教經文

同埋控制一d 過度既慾望對身體／精神都係好事。

仲有其他嘢㗎 ……建議你都係搵一個好啲嘅師傅去跟

同埋上座部從來冇咩巫術，嗰啲唔係佛教，係婆羅門教

同埋巴利三藏都係佛滅後由第子集結撰寫，如果要質疑都可以話同佛說可能有出入

樓主，建議你睇番自己講嘅野.
究極係對方有問題， 定係你太忙所以 思路唔清晰引致表達出黎嘅意思 同 你原本想講嘅有出入.

你好清晰咁留言 覆佢問題 ：達到「正覺」的價值係邊？
你答：價值在於就係人總會對某種事物會有執著、有好多唔好既情緒。目的咪就係清走呢d野。

認同……

你未能覺察到嘅情緒 不等於 你無情緒，單單你之前一個 「唉」字，入面就存在你可以去內觀嘅課題.

似乎樓主對「起心動念」唔認識，
所以先會認為自己冇起心動念.
你去表達自己想講嘅說話時，
去做想做嘅事時，
需唔需要首先起左個念頭？
咁樣已經係起心動念.

咁我提出左巴利文原文概念係點，其實係咪應該從我提出既理據反駁？

你需要重新睇下你所講嘅野 唔單單只係 提出左巴利文原文概念係點 仲涉及到 例如 指出用哲學嘅角度去睇佛經係會曲解 等等.
同埋，其他人係可以用唔同嘅角度 去提出理據，唔一定要從原文概念角度出發，你咁樣就係一個限制性概念出現咗.

咁 「淨空」講「習近平係菩薩」，咁其實我係咪都可以質疑佢既講法呢？

你想嘅話，你可以做

「何必著執 哪些是謬誤 還是 正確 呢？」當然係要啦，你要知出面好多人玩性交轉運

唔明白你開post提出嘅 原始佛法「為意識學」為何佛法卻常常被誤解成….（下略） 可以牽涉到 出面好多人玩性交轉運呢一個話題……….. 可唔可以解釋吓

咁就需要樓主去清晰比一d佢所參考到嘅資料去 輔助佢所提出嘅論點


利申唔係讀哲學

//至於你講既大乘既大師們，我都係對佢地既注釋提出質疑。//
//我既論點係，d所謂大德大師佢地提出既佛教文化／同佛教概念，同原始佛法概念有好大沖突。//

不如再具體D?唔好講咩星雲、淨空﹐唔好講乜春「習近平係菩薩化身」
唔好簡D唔簡D﹐要批大乘緊係去打大佬﹐去批大乘佛學既代表人物。龍樹、世親你到底質疑佢地乜野?窺基、玄奘到底有咩問題?
不如確切D論證下﹐睇下大乘幾咁不堪﹐比我地開下眼界嘛

認同師兄有料 我自身嘗試修習"觀因緣"呢個做法 就算只係一張檯 諗到嘅因緣係無窮無盡 諗唔哂的 但正正因為張檯出現係眼前係咁難得 提升返自身對接觸呢個因緣嘅感恩心 當然 講到最尾 張檯都只係客觀地暫時出現係度 無其他

同個我自己嘅感受係 當我非禪修緊時 "注意力"仍必須被安放 放落觀因緣/觀數悉 都係一種止觀嘅方法姐

自身理解某d被誤解嘅慨念都係經時代轉變而生 去方便本來無乜接觸嘅人去接觸呢個法

自己修行緊記係為"解脫"同"離慾" 我已經覺得好足夠

認真答，霍韜晦嘅《佛學》，入面除左節錄唔同佛經原典，仲喺每篇起訖度梳理左當時佛教發展同重要概念嘅定義，幾適合入門

其實我從來無話否定其他修行方法，只係我用我既理據提出「依家既佛法概念同當時係有好多唔同」。好多野係睇結果，你做到經文講果d狀態你咪行緊岩既路。
你見到「壇城」又好，瀕死都好，甚至出體。呢d現象出現得總有佢原因係度。唔需要太過迷信d 咩咩大師講既野一定係岩。我就做到喇 基本上係完全符合經文所講既異像（副作用）。

因為講是沒有用的，好多野係自己驗證到。

同埋講到明「眾生平等」。即係連無佛法傳承地方、動物都解脫到。d 原始人邊度有依家現代人咁多野煩。人地係唔會諗自己有冇錢、有冇社會地位。d原始人係無佛法傳承嫁。你估動物會聽得明d人講果d 所謂佛法咩？

補充多句
既然上面有巴打認同我可以質疑「習近平係菩薩」呢個說法。
咁點解我唔可以質疑埋淨空既其他「說法」，如以下各點：
「極樂世界只有男子全無女人（出自淨土宗《無量壽經》）」
「在電玩遊戲中殺人也算造殺業」、
「愛因斯坦發明原子彈，所以正在核爆地獄受罪」。。。等等等等呢 ？

講屁到咩佢
來來去去咪巴利三藏 再搵啲九流野插下

一邊話自己冇情緒
另一方面又識「唉」
咁同講「唔好意思 講撚咗粗口」有咩分別

一方面又話自己涅槃
另一方面又話自己傳道有私心

總之入佢個 discord group 先講啦
覺得佢有料 可以交下智商稅

為什麼極樂世界沒有女人？ － 淨空
https://www.youtube.com/watch?v=PtcaJGwYCgE

小弟既discord 谷，歡迎各位入來討論：
https://discord.gg/fRT2Em5e

笑出黎開口中

呢點都係你既謬誤。依家東南亞佛教好多法器係來自於「薩滿文化」。如果你對法器文化、象雄以及吠陀文化源流有番些少認識同研究。因為你指既係印度教、婆羅門教神靈融合佛教。但d 符、法器、儀式、甚至對動物靈的註釋，都係來自於薩滿文化。

甚至當時佛陀未出皇宮之前。其實當地已經有好濃既修行文化。

你話冇否定其他修行方法，咁相信你一定係人貴事忙所以先喺之前嘅表達上面表達得唔清晰，令人地誤會你否定其他修行方法 你依家用

「依家既佛法概念同當時係有好多唔同」

唔同呢隻字眼 同 謬誤 真係好大差距

我就做到喇

哦多謝你特別講出嚟喎 多謝你基本上係完全符合經文所講嘅異象喎

同埋講到明「眾生平等」。即係連無佛法傳承地方、動物都解脫到。d 原始人邊度有依家現代人咁多野煩。人地係唔會諗自己有冇錢、有冇社會地位。d原始人係無佛法傳承嫁。你估動物會聽得明d人講果d 所謂佛法咩？

不如你了解吓當初釋迦牟尼佛出現喺印度嗰陣，印度當期時嘅情況先啦

乜嘢叫做果d所謂佛法？
同埋，點解動物會聽唔明呢？ 你點樣知道動物聽唔明？

東南亞佛教佢地係自稱「上座部」。佢地係做和尚係會學埋控靈術。同早期座部已經係好唔同。

無情緒已經落於空無