原始佛法本為「意識學」為何佛法卻常常被誤解成「哲學」或「心靈雞湯」甚至「宗教」

有啲好笑

唔同角度解讀，就講到一定係誤解
講到啲哲學解讀一定唔提及呢啲主觀意識嘅野

其實冇乜哲學人覺得哲學解讀就係唯一正確完整嘅佛教解讀
因為哲學解讀係理論，唔係真係帶你修行

你講既野其實都係誤解。
我無話哲學一定要包實修，只係從哲學角度出發係本末倒置。 好多你認為既哲學概念其實都係想你係冥想果陣放低多Ｄ 自我。你當佢係哲學咁睇其實都係實修既一部份。

但係，原始佛法理論並不是哲學，係研究意識同潛意識之間既關係。你當然係所有既事物度都睇到哲學概念， 但佛法原意並不是哲學，係意識學，即亦係當時所提出既聲聞乘（當自己意識既了解）

哲學就西方野，原意就梗係唔會係哲學

我講嘅係，哲學只不過係提供其中一種 reading
根本冇點聽過哲學學者覺得自己嘅解讀可以壟斷佛學嘅理解 (如果有，你可以指出)
根本從！來冇哲學學者主張「只從哲學解讀」

反而聽過哲學教授會講明 佛教哲學同真正佛學有分別
實踐係其中一個最大分別
當然有其他分別

你講啲 point 根本或多或少有哲學解讀會講過
當然冇話任何哲學解讀係完滿，有錯當然可以指出
亦唔見得哲學唔可以提你講呢啲論點

純粹鳩空泛咁講到哲學解讀必錯
而唔提及有乜哲學解讀，當中有乜錯
大概因為你以為有哲學學者講到「只從哲學解讀」

其實應該咁講, 原始佛法既原意係「為了從禪修當中達到涅槃的意識狀態從而達到阿羅漢境界的修行方法開示」。
根本同哲學係完全無關, 係一套意識學方法令人達到涅槃(一種瀕死經驗), 後解脫。再簡單講，教你點樣令到自己感受死亡後因死亡解脫一切。

同哲學係一D 關係都無。
哲學係禪修當中既應用範圍只係對自己意識既理解， 打座就係感受同體會意識既變化。
所以用哲學去睇佛法， 去認為哲學係佛法既全部係誤解。

利申：已經成功涅槃過一次，經文記載名為有餘涅槃。

笑咗 ok

同坊間Ｄ人話食完死藤水／ＬＳＤ係一樣，信不信由你。

同埋根本係個個都做到， 唔係咩神秘野來
無神無佛，單純係冥想到一個位瀕死。

仲要照住巴利三藏正確方法花一段時間就做到。根本係一種意識學現象來，令自己分泌多左Ｄ瀕死先會分泌既荷爾蒙

即係點做？

咁你有飲過死藤水/食LSD?

雖然我唔了解咩野係涅槃，
亦都只係對佛法處於淺微認知，
但我諗 如果真係達到涅槃境界，
一個人嘅悟性境界應該好高
會放下好多好多嘅我執、貪嗔痴慢疑等等，
亦了解到現世佛法單單只係一個修行嘅指南，
了知萬法唯心造 唔會執著佛法，亦對佛法有自己嘅一套（因為法從心起，經文所示現嘅法只係當時佛陀修行發現嘅法而已）

純粹淺略見解

無食過呢d野，只係收集左好多相關人士食過呢d 既response，發現我唔使食都去到果個位。

1，涅槃係巴利三藏有講得好清楚係咩來。
2，所謂既「悟性」，其實就係有幾了解自己意識係點運作，同埋知道你見到既野都係假。因為冥想到中後期會見到金／白蓮花，會見到好多畫面。如果有人太大執著／恐懼，會見到好多令你驚既野（同bad trip係一樣）。

方法好簡單
首先唔好當係d 咩好迷信既野，要理解禪修既最終目的係令腦分泌一d 瀕死先會分泌既化學物質。
第二，方法係好多，我試左好多種，包括特殊呼吸法、深度冥想、薩滿鼓、止觀、回光。仲可以配合食supplement 去提高效率。
方法有好多種，目的只有一個，就係呃個腦令你既「自我（潛意識）」以為自己死緊，佢就會分泌。
例如你過度換氣瀕臨休克果陣，古代d道士係食d重金屬金丹令自己瀕死（唔建議亦唔評論）等等。

當然你有宗教會好好多，因為去到某個位你會好似唔識游水但係係個深海到掙扎。有信仰會易d pass呢d野。但係去到後期你既信心就會被自己挑戰，因為你會見到「好多野」。
有信仰易入難精，無信仰雖然一開始好難，但你好多野睇開左後期會易好多。

咁你理解出涅槃 姐係咩野？

「悟性 」若果只局限於了解自己意識，咁就唔叫悟性
應該算只係 對自我ge覺知力高左

冥想經驗呢d太過 個人化

諷刺既係，巴利三藏一開始就講明唔好拜咩神咩佛。因為佢唔會幫你呢個先係原始佛教既精華。
好多人做善事為左福報果d 係「貪」。原始佛法從來無講過你要去幫人，從來只係叫你地冥想克服心魔自救

總之我對住巴利三藏做我係成到達到佢所謂既涅槃（當然仲有好多神化野唔多講）。從來原始佛法只係要求你了解自己既意識，然後冥想感受同面對。涅槃定義係咩你可以自己去睇，或者你會有自己既睇法。

從來禪修都係個人化，唔係為左咩社會進步，定令自己聰明d。你所講既係原始佛法的角度「悟性」作用點都係係自己意識度，了解自己意識係點運作，你可以唔同意或者有自己既理解。

但我既經驗就係咁，信不信由你。

師兄 有齊六通未

禪修（冥想）本質係係在生既時候模擬死亡。亦即係所謂「緣覺乘」既目的。你模擬到某個位令自己相信自己死亡緊，個腦就會分泌好多野。
好多人臨前前都話見到既白光定咩光，都係同一樣野來。

呢度唔講呢d。所謂六通係要求你係某種意識狀態下先用到，有人會叫呢種狀態－「出體」。做唔做到我當然唔會講，因為：

1。如果我話做到，就比人話神棍
2。如果我話做唔到，就會比人話「憑咩話自己試過涅盤」

更正：
其實係有叫修行者去幫人，前提係幫人果個人最少有初果。即係「菩薩乘」「菩薩」即係當時既義工，唔係神靈來，係傳播冥想方法同教意識學。佛陀堂弟開頭維持左初果好耐，中間都培育左好多阿羅漢，但佢冥想境界都唔夠佢d學生高。直到第一次集結佢先成為阿羅漢。

對意識既唔了解，就會變左「比鬼壓」呢d 訴諸宗教／古怪既解釋，其實「比鬼壓」係可以重現而且係可以練習。

好多人以為「涅槃」＝ 「高僧死亡（去極樂世界）」
但其實「圓寂」先係解「死亡」，係因為「涅槃」對身體沖擊好大，你太老涅槃頂唔順會死。

咁如果勁得滯會唔會直接死咗 幻想力驚人

呢d 腦分泌係睇你個意識咩狀態，如果你冥想前夠放鬆甚至有少少愉悅，就會係中途到達「禪悅」。即係會令你開心愉悅。
如果你人生太多執著同陰影，你就要勇敢面對佢，過左呢關之後先會有「禪悅」。呢度睇你有幾智勇雙全。

至於話會唔會死，我未聽過有死既case。但呢種腦分泌好睇你既意識運作，我聽過好多係「見到鬼」、「屋企火燭」、「覺得身邊人害佢」。呢個時候你要知係假先，再觀呢d 念頭既生滅，頂硬上面對佢就解決。

呢d 層次已經唔係一般講阿婆因果既程度，或者坊間d大師叫你捐下錢佈下施做下善事就解決。係真係面對你人生既陰影去解決佢，唔好比呢d野成為你人生既苦。

笑咗原來白卡post

唔覺得樓主講嘢似白卡，又或者佢嘗試好有邏輯咁引導出白卡嘅結論

lm

極度懷疑係嗰個咩 蛀米蟲 youtuber入嚟