186 Like
12 Dislike
末世紀的呼聲
2017-07-17 13:54:36
「你而家想點做呢綸大師?」
「你由而家開始要學識做曬所有家務,洗衫而家就算係識啦,但係都要學其他!包括拖地抹塵執屋洗冷氣機...」她說光了我要學的家務,足足十多樣有多。
「唔係啊?咁多?」我大吃一驚。
「唔通你要你阿媽成日上黎幫你打掃啊?你都過意唔去啦!」她說,說的也是。
「仲有,學識做家務仲有好多好處架!你慢慢就會知。」她依然十分雀躍,仿佛不會累似的。
在她的督促下,我花了兩、三個小時把她所要求的家務都全做了一遍,把我弄得十分累。
「啊..好攰啊,做死人咩?」我攤在沙發上說。
「咩啊?好濕碎炸呢啲,同埋你好多都做得唔合格啊!聽日要繼續啊!」
「唔係啩?」
「咁..今晚可唔可以食外賣啊?我唔想煮啊..」我說。
「好啦,今晚就放過你!」
雖然我不知道若我違抗她的命令她能拿我怎麼辦,但我是感受到她的用心,既然她有心,我也不好意思拒絕她。
「啊係喎,你點識做我份卷?」我吃飯時問小綸。
「以前學過囉,雖然隔咁耐已經有啲唔記得,但係果日睇一睇又好似記得番。」
「嘩..原來你都係個學霸。」我驚嘆道。
「好過你咁啦。」她又再挖苦我。
「睇住黎啦你!」
不知道為什麼,我的生活..好像起了一點點的變化。
末世紀的呼聲
2017-07-17 20:42:01
接著這兩個星期,每一天回到家後除了打掃房屋外,便會到公園跑一會兒步,接著便到超級市場買些輕便的菜。
「好,今日就教你炒菜遠牛肉啦。」小綸說。
每天她都會教我不同的菜,由於只有我一個人吃,所以份量不需要太多。
她也倒是厲害,什麼都懂得煮,即使她只用說話教我,煮出來也挺不賴。
「嘩,譚仔你搞咩,呢排好似大隻咗喎。」阿晨說。
「我呢排秘密練緊功夫。」我在他耳邊輕聲說。
「屌,咩年代啊,仲有功夫學架咩?」
「你試下俾阿豪聽到你咁講,睇下佢打唔打你!」隔壁班的阿豪是個武痴。
「好驚啊,認真啦,其實你呢排好似唔同咗咁。」
「得閒去做下運動姐,成日瘦瘦弱弱唔太好嘅。」
「兄弟你終於開竅啦?」他突然抱緊我,小綸也在旁嚇得退後數步。
「喂..抖唔倒氣,咳咳,你洗乜咁大反應?」
「你唔明架啦,之前見你死蛇爛鱔咁,都唔知點幫你好。」
「我地一齊去做運動!叫埋阿峰!」他說。
「嗯?咩?」這時阿峰也回到學校。
「我地一齊去做運動啊,去唔去啊?」
「噢,好啊。」
「你班兄弟都幾好喎。」小綸說。
阿峰聽到小綸讚他們,也暗暗對她單一單眼。
這倒也是真的,在這間學校最大收獲便是認識他們倆,總是義無反顧地支持我。雖然也沒什麼值得他們支持。
高登超人
2017-07-17 20:55:57
感動
終於有故睇
利申: 你啲讀者過咗隔離睇金仔
末世紀的呼聲
2017-07-17 21:01:27
感動
終於有故睇
利申: 你啲讀者過咗隔離睇金仔
對唔住啦
咁我同金仔冇得比嘅 人地高質咁多
高登超人
2017-07-17 21:16:34
放心
我仲係度
唔洗驚
末世紀的呼聲
2017-07-17 21:43:32
無名好用
2017-07-17 22:06:05
我係唔會走架樓豬
末世紀的呼聲
2017-07-17 23:53:31
感謝大家!
美詩
2017-07-18 00:07:12
番嚟了
末世紀的呼聲
2017-07-18 01:12:22
「加油喎你。」阿峰阿晨走後,天凝在後面對我說。
「咩?」
「加油去改變自己囉,雖然唔知你為咗啲咩,但係見到你踏出第一步都戥你好開心。」
還不是為了你嗎…
「得米啦你!女神都咁支持你。」小綸說。
「嗯,我會努力,多謝!」聽到她的鼓勵也感到很有動力。
「你多謝我先啦!幫你咁多!」小綸在我身旁氣炸了說。
哈哈,真是小氣。但這個也是需要的,若不是她,我也未必能夠堅持到現在。
「有咩功課唔識都可以問我喎。」天凝說。
讀書這個問題..也真的是我的一個難關,畢竟我與書本已經脫了節。
「我一定會!」
「嘩你發燒啊?」回到家後,小綸大叫。
末世紀的呼聲
2017-07-18 01:56:58
仲睇緊嘅揮下手啊
末世紀的呼聲
2017-07-18 02:03:45
好啦,為咗你我再出下
末世紀的呼聲
2017-07-18 02:27:29
我竟自動拿書本出來溫習,連小綸也嚇了一大跳。
「你係咪會幫我先?」我問她。
「好啦好啦,你要求到我實幫!」她說,真的挺感動的。
然後她便開始教我一些英文,我的程度太差,難一點的生字已不懂。
一些文法也被我弄得一塌糊塗。
「睇黎真係要花多少少時間去學..你啲英文真係約咗啲。」小綸說。
「你真係要救救我啊咁!!」
「盡量啦盡量啦。」
「Hi,做緊咩?」天凝突然MSN我。
「聽你講溫緊書囉。」
「咁聽話哈哈。」
「搵我做咩?」
「想約你囉!」看到這一句不禁耳頭熱一熱。
末世紀的呼聲
2017-07-18 02:27:50
「下?做咩??」
「你去唔去啊咁?」
我不禁躊躇了一下,不料小綸大叫。
「去馬啦仲諗!」
「去!」接著她控制著我的手回應了。
噢..send出了。
「喂!搞錯啊!」我吆喝她。
「我驚你諗到聽朝啊。」
「問題係你點可以偷睇人傾計?」
「啊..係喎哈哈,對唔住啦,下次唔睇。」
「咁話好架啦!禮拜六見!」天凝回應道。
「放心啦,我會傍住你嘅,唔洗緊張。」小綸說。
不瞞你們說..其實我十分高興!哈哈!
星星之火可以燎原
2017-07-18 02:44:52
星星之火可以燎原
2017-07-18 02:46:16
推
末世紀的呼聲
2017-07-18 03:17:52
「喂?」
這是一個美好的早晨。
「嗯..邊位?」
我原打算跟周公大戰三百回合。
「我係天凝啊。你仲未起身啊?」
嗯?…糟糕!
「唔唔唔係啊!我..我起咗好耐啦,未開聲姐哈哈。」
「咁記得一陣一點喺尖沙嘴等啦!」
一點..一點?現在是幾點啊?
我看一看手機,已經是十二點十五分!
「小綸!小綸啊!」
沒反應..她竟比我更嚐睡。
我馬上作出梳洗,洗澡刷牙剃鬚根放在同一時間做,然後以9秒9的高速換好衣服,再把所需用品全放盡褲袋裏便出了門。
「呵欠..咩事啊,走咁快去邊?」在我跑往地鐵站時,小綸終於醒過來。
她拖著疲倦的身軀跟著我飄了起來。
「旨意你死得啦大帝,又唔嗌醒我!」
「啊係喎,哈哈。都唔記得你約咗女神。」真是的..
「咁幫幫你啦。」
她把我輕輕的一推,我又再度跑得快了點,不消一會兒,我便到了車站。
高登超人
2017-07-18 08:12:49
小綸將德仔輕輕一推
我就幫樓主輕輕一推
末世紀的呼聲
2017-07-18 12:50:03
為鳥而下雨的雲
2017-07-18 13:31:04
有文了
放學再追
末世紀的呼聲
2017-07-18 15:26:45
推一下
末世紀的呼聲
2017-07-18 16:14:47
小綸說過她的超能力會因應她所使用的能量而發揮不同效果。
瞬移本來是大傷元氣的功能,她不會隨便使用。但這種加快速度的能力卻費力少,但威力已十分大。
但即使不使用超能力,只要過度活動也會耗損能量,就好像上一次在課室搗亂一樣。
也因如此她其實使用超能力的機會其實很少。
結果我也是遲到了,第一次跟天凝約會便遲了十分鐘,這次真的糗大了。
「小心後面!」小綸突然又大叫。
我馬上擺出黃飛鴻陣式,以防小偷來襲。
「哈哈,你做咩?」
「啊..umm..歡迎儀式嘛,surprise?」shit!原來是天凝。
「啊..sorry嘛,我感覺到有人想拍你膊頭咁。」小綸伸著脷說,真不知道她是來幫忙還是幫倒忙的。
「傻仔,好surprise啊我,哈哈,我地行嚕。」真他媽的尷尬。
話說回來,天凝今天真的穿得十分美。除了把那頭頭髮放了下來,還化了個淡淡的妝。
一件海藍色的短襯衣,配搭一條牛仔短褲,露出一條修長的腿。
這身造型十分考功力,稍為矮一些或胖一點都不能穿著得好看。但配在天凝身上卻恰到好處。