末世紀的呼聲
2017-09-03 18:55:22
//「天凝同佢去街都唔係因為想同佢發展..只係想同佢講清楚炸..」什麼??!是真的嗎?
我豈不怪錯她了..慢著..
「講清楚都唔洗約會講姐..」
「佢地都冇約會,天凝一去到地鐵站同佢講完就走咗啦..」
「你又怪錯人啦...」阿峰和阿晨異口同聲說。
「我點知咁多..」
此時也要上堂,我硬著頭皮走回座位去,畢竟她是在我後座的。//
「你個死人頭,人地都解釋完佢去嘅目的,你都係唔信,係要打爛沙盆問到篤,到搞清楚一切果陣你有冇一絲絲嘅興奮啊其實?」
「係喎!唔知點解果陣又真係好似唔係太興奮..即使知道咗之後..」我低著頭默默承認。
「仲要唔到上堂你都唔番去哄番佢,好差囉。」
「你係咪唔鐘意佢啦?」她突然這樣問我。
「啊..」我答不上口,連我自己也不太清楚。
經小綸這樣說後,我終於知道那種陌生的感覺是什麼,就是我對天凝..好像少咗份熱情同心跳加速嘅感覺。
末世紀的呼聲
2017-09-03 18:55:46
「我諗係因為我地太熟啦,接觸太多,所以變得發生咩事都失去咗果種衝動..」我這樣向她解釋,也是在跟自己解釋。
「最好係啦,你自己講嘅我都唔質疑你。」
「你點解可以知道咁多嘢,你唔係瞓教架咩..」我問。
「我係休息,唔係瞓教!我仲可以去窺探你嘅思維。」
「嘩,我咪好冇安全感同私隱?」
「係架啦,你最好搞清楚同佢啲關係。」
「做咩姐,你唔係唔鐘意佢架咩?」我問小綸。
「邊..邊有啊!」
「冇你上次又喺到搞破壞?」我是指火鍋那次。
「你.你..你唔問過我就請人黎我梗係嬲啦!!」
「真係咁..?」
「唔係咩啊!!再問唔理你啊 !」只見她氣急敗壞的飄走,我馬上追回她。
但一路上我仍然在思索我對天凝之間的感覺,無可否認我們之間是存在著一絲絲的改變,但我真的不再喜歡她了嗎?
回到家後,我打開了MSN,隔了一會兒便收到天凝的訊息。
「番到屋企啦??」
「係啊,番咗好耐啦,哈哈。」
「咁你做緊咩啊?」
「聽緊歌囉。」
「聽咩啊?」
「張國榮啊,「你這樣恨我」,超正!」
「我都唔聽中文歌嘅,我唔識咁多!」她說。
「咁係你走寶啦~」
在對話中,我試圖從對話中扮作輕挑,嘗試找回當初的感覺,她也很熱情地回答我每一個問題。
我還是喜歡她的..........................................?