186 Like
12 Dislike
Bug頭人
2017-07-26 20:45:48
黎料喇,黎料喇
末世紀的呼聲
2017-07-26 21:56:47
黎料喇,黎料喇
係開始有少少嘅
唔係會有種停滯不前
痾拔甩
2017-07-26 23:54:06
有冇甜
高登超人
2017-07-27 01:11:52
等小弟估下劇情先:
搬屋後見到小綸
👉🏻同天凝熟咗,亦令天凝鍾意咗譚仔
👉🏻本身鍾意天凝,但同小綸日對夜對,鍾意咗小綸,所以就拒絕咗天凝
👉🏻同小綸一齊
👉🏻因為同小綸一齊咗太耐,無意間比小綸吸曬啲陽氣
👉🏻比小峰留意到,然後最後要譚仔離開小綸
所以我之前先覺得會係sad end
戴個頭盔先: 以上嘅嘢只係ff,唔好屌
開始嚟料
末世紀的呼聲
2017-07-27 18:02:37
一陣出
末世紀的呼聲
2017-07-27 18:47:53
「啊…死啦,聽日就考,仲有好多未溫好點算?」我抱怨道。
「咁你不如瞓啦,抖足精神好過。」小綸說,不知怎麼,她對我仿佛變得十分冷淡。
一早起床回校,整段路程皆坐立不安,不安感籠罩空氣周圍。
「你定啲啦,吟吟噚噚咁。」
「定唔倒啊,好驚啊大佬。」
但其實我也不知道自己在怕什麼,或許是因為這次考試真正考驗的是我在這段日子的特訓成果。
「You may now start..」監考老師宣佈開考,我們也把試卷打開。
「啊…咩題目黎架?」今天考的是中文科,那些題目壓根兒不知道是誰想的,如此的抽象啊..
我不斷在思考題目,想著想著..竟然睡著了。
.
.
在宣佈收卷的時候,我才恢復了意識,試卷竟然又被填好答案了。
一定又是小綸的好事….
「譚仔,你識唔識做啊?」考完過後天凝問。
「嗯..唔太識啊。」
「唔緊要啦..仲有其他科。」
「我地遲啲一齊溫數啊,我想你教我。」
「下…」
「你唔得啊?」
「好啊。再約時間啦。」
「好啊好啊,今晚MSN再講!」
其實我不是在猶豫,而是心不在焉。是為了小綸…
末世紀的呼聲
2017-07-27 19:18:55
「你醒啦?」回到家後,小綸才醒過來,剛才上我身的能量消耗過多。
「嗯….」
「頭先點解又上我身?」
「我見你又唔識..」
「唔識咪由我囉!點解你要咁多事姐?」我大聲地呼喝她。
「係啊!我多事啊,我多事唔想你喺女神面前失威,我多事唔想你升唔到班!我衰曬得未啊!」
「就算拎都好高分又點?都唔係我自己爭取嘅!我又點可以接受呢啲虛榮?」我理直氣壯道。
「我..你鐘意啦!」說罷她便回到項鍊,整晚沒有再出來。
其實我知道她的出發點是為了我,但這次的方法真的錯了。
更令我自責的是,仿佛自己的努力已付諸東流,原來一直以來的努力還是不足夠,我氣我自己的愚蠢和無能。
這是我第一次和小綸吵架,也是第一次真正一個人在這間屋過生活。
還是會有一點兒寂寞。
末世紀的呼聲
2017-07-27 19:29:53
「HIHI!!」過了一會兒,天凝便在MSN找我。
「Hi..」現在我其實沒甚麼心情。
「你唔開心啊?」天凝問,這樣她也知道?
「啊..冇啊,點解咁問?」
「你唔知人打Hi嘅時候唔同方法都反映緊佢地果陣嘅心情架咩?」
「下?真架?」我問。
「假架,咁你都信,哈哈。」
「車!」
「好啦,入正題啦,聽日放學溫得唔得啊?」
「哦,好啊。」
「喺邊到溫?」我接著問。
「學校Café啦,夠舒服啊!」
「好~」
到了第二天起床,小綸已經坐在客廳看電視。
「早..早晨。」我尷尬地跟她打招呼。
「早晨。」依舊那麼冷淡,應該還未生氣完吧。
接著我便去梳洗,然後便出門口,豈料出門口前…
高登超人
2017-07-27 19:33:35
唔知點解,我都睇過其他故
我都係覺得樓主寫嘅故最啱我口味
利申: 想知樓主中文作文攞幾?
末世紀的呼聲
2017-07-27 20:53:07
唔知點解,我都睇過其他故
我都係覺得樓主寫嘅故最啱我口味
利申: 想知樓主中文作文攞幾?
4咗
Bug頭人
2017-07-27 21:39:11
1日出多少少啦
末世紀的呼聲
2017-07-27 23:13:01
兼職陰陽師
2017-07-28 00:09:58
美詩
2017-07-28 00:20:44
一日一推
末世紀的呼聲
2017-07-28 00:51:55
「喂。」她叫住我。
「嗯,咩啊?」
「放低條鍊啦,我今日想留喺屋企。」
「下?」我有點愕然,她竟會提出這樣的要求。
但我還是照做了。
「wow,少有喎,今日得你一個。」一到學校,阿峰便拉著我說。
「有幾少有?」
「日日小綸都喺你身邊飄黎飄去架啦!」
「日日小綸都喺你身邊飄黎飄去架啦!」
「日日小綸都喺你身邊飄黎飄去架啦!」
這句說話在我耳邊不斷縈迴,阿峰說得對,這數個月,她都無時無刻在我身邊出現,她已成為我生活的一部分。
「唔好講啦,考試啦!」
「喂!」她又再用原子筆戳我。
「加油啦!今日係你最弱嘅英文!」說罷她又再笑一笑,很溫暖的笑容。
但不知為何我卻感受不了。
「嗯,你都係。」
開卷後,我很沒有安全感,懂得做的題目也沒有信心做。
我停了筆一分鐘,整理一下思緒,想一想小綸平日教的技巧。
然後再做試卷,果然順暢得多。
最後幸好也總算順順利利完成。
「行得未啊?不如去食野先?」考完後天凝便說。
「噢..好啊。」
豆子先生
2017-07-28 02:28:45
新讀者留名
有乳溝無代溝
2017-07-28 11:28:53
推推推 推到小霖出番黎
末世紀的呼聲
2017-07-28 12:23:21
末世紀的呼聲
2017-07-28 13:38:02
末世紀的呼聲
2017-07-28 14:17:48
「想食咩啊你..喂,喂!」
「吓,咩..咩啊?」我不知不覺入了神,連天凝叫我我也聽不到。
「做咩啊你,神不守舍咁?」
「冇,仲諗緊頭先份卷之麻,哈哈..」
「考完就算啦,人要向前望啊嘛。」
「咁都係嘅..」
整頓飯,天凝不斷說著不同的話題哄我,這真的是第一次她對我的主動。
然後我們便回到學校的café 溫習,卻想不到看見阿峰和阿兒也在這。
「哦..Hi..」我們不期而遇,既沒有驚喜,反之十分尷尬。
「阿兒!你地都黎溫書啊?」天凝馬上走過去。
「嗯!阿峰有啲數想問我,咪幫下佢囉!」想不到他那麼進取噢。
「咁一齊啦!」
所以整個下午我們都在這裡研究不同的數學題目,氣氛相當愉悅,但卻反映我心愈加空虛。
溫習完後,我迫不及待地跑回家,她一個人在家,一定比我空虛很多很多倍!
「小綸!小綸!」我回到家後,只看到家中一片混亂…
Angel_B
2017-07-28 16:20:17
小綸