186 Like
12 Dislike
末世紀的呼聲
2017-08-01 22:44:15
「做咩啊?」
「索..索..索..」只見小綸突然哭了起來。
「媽咪…」
「媽..媽咪?邊到啊?」我被她的舉動嚇倒,頓感手足無措。
她緩緩地指向從大樓步出的中年女人,那女人的臉上盡是憔悴,只看一眼也感受到濃濃的可憐。
更何況是小綸,那種想見不能見的悲痛肯定比肉割還要痛。
「點啊..洗唔洗跟上去?」我問。
「唔洗住…我地走啦我地..走啦好嘛..」小綸逐個字艱辛地說出來,讓人聽得一陣陣心疼。
「好好好,我地番去先啦。」
不知過了多久後,她才把心情平伏。
「冇嘢啊嘛你?」
「冇..冇啊,咁耐冇見屋企人,一時忍..一時忍唔住姐,哈。」到了現在她還在死撐,真的十分堅強。
「其實佢地以前好錫我架,我諗我離開對佢地傷害一定好大..」
「我細佬而家應該有你咁大啦,個百厭星以前就最鐘意痴住我...索..索..」說著說著,她又再次哭了,而這一次,她哭得更傷心,更斷腸。
而我卻只能看著她哭,一些安慰的說話我也說不了,我不知說什麼去安慰她。
我情不自禁地伸出了手撫摸著她的頭,其實我什麼也捉摸不了,但那種感覺不知為何很實在,好像真的摸著她似的。
連登毒撚
2017-08-01 22:57:21
樓主ho ball
你就係咁嫁啦
2017-08-02 20:47:23
Pish
香港鳩柒回歸
2017-08-02 21:40:34
末世紀的呼聲
2017-08-02 23:21:18
今晚出
為鳥而下雨的雲
2017-08-02 23:42:29
今晚出
就黎過12點變聽日
女朋友係邊啊
2017-08-03 01:51:09
文呢
末世紀的呼聲
2017-08-03 02:44:52
「唔好喊啦,再喊就唔係果個堅強嘅小綸啦。」我說。
「乜你覺得我真係好堅強咩?」小綸最後拋下了這樣的一個問題。
「好啦,都攪咗你成日,你快啲去沖涼啦。」她說。
「嗯,咁你早啲瞓啦。」
在洗澡的時候,我不斷在思考小綸的問題。
難道她一直以來在我面前的形象都是裝出來的嗎?
是因為對我仍有戒心才把內心的自己藏起來?
「喂!」我在MSN找天凝,但只是碰碰運氣,或者她已睡了。
「點啊?」想不到她又應了我。
「你係真下線定假下線架?應得咁快嘅?」熟悉MSN的,也知道可以把自己的狀態改為下線。
「你估下,哈哈。」女人,就是喜歡搬出這些似是而非的答案。
「嗯..我唔估。」
「唔估就算!咁你搵我做咩啊?有事啊?」
「...都係嘅。你覺得我平時對朋友點啊?」
「嘩..突然問呢啲嘢嘅?」
「咁你答唔答啊?」不知道為什麼,我在MSN上才能比較放開地對著天凝。
「嗯...我覺得你平時對人都好真啊!」
「雖然你有時睇落好似對所有野都唔嗲唔吊咁,但係其實都好肯幫人。」
「對普通一啲嘅朋友都有一定嘅幫助同關心,對兄弟更加係兩脅插刀!」
她很快地打了很多字,我也還未來得及消化一句,另一句便接踵而上。
「有冇你講得咁好啊?」
「車,又係你問嘅,講完你又唔信!」
「信信信,趙大小姐絕無虛言啦!」
「嘻,你知就好。」
末世紀的呼聲
2017-08-03 02:46:01
久等了
以為冇人等仲慢慢打
星星之火可以燎原
2017-08-03 03:12:41
唔好傻啦,一直都有人,放工攰到pk都睇2眼先
乜都比人用哂
2017-08-03 03:13:07
末世紀的呼聲
2017-08-03 03:41:03
唔好傻啦,一直都有人,放工攰到pk都睇2眼先
好多謝
末世紀的呼聲
2017-08-03 03:43:16
末世紀的呼聲
2017-08-03 03:44:23
翌日,又是要上課的日子,這一晚我睡得壓根兒都不好,我仍然在思考小綸說的話。
為什麼她的一句話..會令我那麼牽腸掛肚呢?
但無論如何,我總算想通了,不論是否符合她心中的答案。
「得未啊,就遲啦,你仲唔行!」她在催我。
「等陣!」我穿好鞋後,站在玄關前說。
「做..做咩啊?」她好像被我的舉動嚇倒了。
「我想講..我唔知你喺我面前嘅形象係唔係扮出黎,亦唔知原因係咩,但係我希望你可以相信我,將自己真實嘅一面展露出黎。」
「唔好再壓抑自己啦,想喊就喊,想笑就笑啦!」
我說完後,又再度換來寂靜,隔了一會兒後,小綸才說:「哧,傻佬,我應承你啦!番學啦!」
「嘩,係喎,真係遲啦!」
末世紀的呼聲
2017-08-03 03:56:39
回到學校後,我便開始緊張起來..
是因為快派發試卷了,這決定了我跟天凝的賭注,還決定了我特訓的成果。
「放心啦,應該考得唔太差嘅你!」小綸在身邊安慰我說。
第一節便是數學課,對於這科我不太擔心,反正只要能發揮一定的水準也不致於太差。
「好啦,派卷之前循例都講下頭三名啦!」
「第三名係...陸天兒!」阿兒的數學也那麼厲害麼?!但一山還有一山高呢..我不是說我。
「第二名係譚浩德同學!」都說了,正常水準嘛。
「第一名係凌志峰同學!84分!」這就是更高的山啊!
我們班的水平是較弱的,因此所謂最高分也不是出類拔萃那種。
「車,你數學咁勁就唔洗我幫你補啦。」阿兒對阿峰說。
「就係你補咗我先咁有進步啊..」放屁!你平常就是那麼厲害的!!
「好嘢啊,第一科就高過我!」天凝說。
「數學都高唔過你仲洗乜玩。」我自豪的說。
「懶叻啦你,仲有兩科啊!」
我確實開心得有點早了,因為接下來的科目,可謂全軍覆沒,不是成績差,而是沒能比她高分。
香港鳩柒回歸
2017-08-03 04:27:18
末世紀的呼聲
2017-08-03 04:48:01
乜都比人用哂
2017-08-03 05:08:58
末世紀的呼聲
2017-08-03 11:07:57
末世紀的呼聲
2017-08-03 13:22:49
但還有挺意外的科目,那就是英文閱讀,想不到分數挺不錯,連班主任兼英文老師MISS CHIU也意想不到。
「叻啦,唔洗需要我啦咁!」小綸說。
「唔係唔係唔係啊,有你幫我補習我先有進步!」我驚惶失措地道。
「哈哈,講笑炸,睇你驚青到!」這小鬼!又再耍我!
我是多虧了她才真啊!她讓我今天出了一點點小風頭,但我可是沽名釣譽的啊!
「各位同學,我而加宣布一個好令人吃驚嘅消息,就係今次中文考試全級最高分嘅係..譚浩德同學!」
「WWOWOWOWOWOW!!」全班的歡呼聲大聲得破了天,蓋了地,特別是阿晨。
「係真唔係啊?佢都咁勁?」
「出貓炸掛?」此等的聲音此起彼落,基本上只有阿峰能保持鎮定或明白當中真倪。
「哈哈哈..你睇下你嘅好事...」我跟小綸說。
「咁咪幾好,你又出風頭,又可以有科高分過你女神。」
我是要感謝她麼...
但奇跡並沒有因此而降臨。到了最後一科通識也將要派發..
「你幾分你幾分!?」天凝急切地問。
「你講先!」我說。
「嘻嘻,計番100分有75!」她說。
「吓...咁高..」
「我得70分炸...」命運之神果然沒有把我眷顧。
「唉喲..最後都係得2科高分過我。」
「唉..算!」
「唔洗咁灰嘅!」
「嗯?」為什麼呢?
「你今次所有科都進步好大啊!都係抵請你嘅!」
「認真咩??你講真架?」我也不敢相信自己的耳朵。
「係啊,去唔去啊?」
「去去去!」不要覺得我為了一頓飯而呼天搶地那麼低俗,我還不只要想跟她共進餐罷了。
「都唔知你成世行咩運。」小綸也沒我好氣。
末世紀的呼聲
2017-08-03 19:25:15
「從哪天起我不辨別前後,從哪天起我竟調亂左右..」
「你上緊咩網啊?可以播片咁得意嘅?」
她平常不會在我旁陪我上網,但今天不知為何好像對電腦很有興趣。
「呢個叫YouTube,平時可以上網聽歌或者睇短片。」
「吓?咁咪冇人買碟聽歌囉?」
「啊..其實係啊,個個都上網聽,冇乜人買碟。」
「咁點得架!人地辛辛苦苦整隻碟出黎冇人買!」也難怪她那麼激動,她當年身處的時代還是樂壇百花齊放的時候。
但現一眨眼,這樂壇已變得良莠不齊,青黃不接。
「科技愈進步就愈黎愈多嘢被扼殺架啦..」
「唉...唔講呢樣啦,呢首歌好聽啊!左右手..當時一出好多人都著曬迷啊!呢個演唱會我都想去睇..」
她是說著張國榮的熱情演唱會..他的最後一個大型演唱會。
「我都好鐘意呢個版本,好有感染力。」
「佢再開演唱會一定要帶我去睇啊!!」她說。
「啊佢..」我也很想再看啊..但真的沒機會了..
「咩啊?」
「冇..冇嘢啊,好啊佢開演唱會我即刻買飛!」
「你話架!唔準反口!」她伸出了尾指,以示要勾手指尾。
「洗唔洗啊!」我口裏說不,但還是把手指勾過去了。
那管它能不能碰到小綸,只要我倆能感覺到就行了。
「快啲教我上下網!我要學!」她不斷叫嚷。
「好好好!我教你我教你!」就這樣嘻嘻哈哈的,又過了一個晚上,不知是否已習慣這樣的生活,竟有點希望以後也是這樣。