【人鬼殊途】無啦啦..有隻女鬼跟住我！

人同鬼，本來係河水不犯井水，我係話本來。
如果....我係話如果，有一日，你突然發覺你俾隻鬼跟住，你會點做？
我係阿德，呢件事..聽起黎好荒誕，但係確確實實發生咗。
我真係俾隻自稱有超能力嘅鬼跟住咗！

大家好，又係我呼聲。

紙言link: https://www.shikoto.com/article/130059/%E7%84%A1%E5%95%A6%E5%95%A6..%E6%9C%89%E9%9A%BB%E5%A5%B3%E9%AC%BC%E8%B7%9F%E4%BD%8F%E6%88%91%EF%BC%81.html

唔識我嘅話可以睇番我上個拙作

我只不過喺自修室溫書，點知比我遇番佢。
https://lihkg.com/thread/228808/page/1

facebook page:https://www.facebook.com/thevoiceofthelastera/

「啊！」

「譚浩德，你又喺到瞓教！」

「對..對唔住Miss Chiu。」我又再次被英文老師Miss Chiu用暴力喚醒。

她是個二十多歲的女老師，雖然為人不錯，但卻十分暴戾，畢竟是女人嘛，總是雙面人。

她除了是我們的英文老師，也是我們的班主任。



「哈哈哈….」整班皆在恥笑我，我又再度出醜了。

經過漫長的等待，終於放學！簡直是學生的福音。

「喂，譚仔，食乜？星矢吧好唔好？」

我渾渾噩噩的又過了一個上學日，臨走時有位男生問我。

來者的是凌志峰，我死黨之一，高高瘦瘦，身手卻異常敏捷，明明沒有很深近視卻經常戴著眼鏡。平日很毒舌，但卻沒有惡意。



「好啊，叫埋阿晨啦。」我說。

「佢實又去咗溝女啦，唔洗理佢。」

「我邊有啊！去咗廁所炸，星矢吧啊？行啦。」

他就是阿晨，全名凌志晨，沒錯，名字中跟阿峰有兩個字相同，但他們並沒有血緣關係，或許同姓真的三分親，他跟阿峰十分投契。

他十分健碩，樣子也是男神級，經常到處「撩女仔」，但卻從未戀愛過，他說逢場作興和談戀愛必須分得清清楚楚。



話說回來，我叫譚浩德，是馬嘉諾二世中學的中四學生，仿佛所有姓譚的都會被稱為譚仔，我也不例外。

說到底我只是個平平凡凡的中學生，身材普通，幸好五官尚算端正，資質平庸，生活苦悶。

哪料到接下來發生的事會令我的生活有翻天覆地的變化。

「娜姐，三杯凍奶茶先啊唔該！」

「好！即到！」星矢吧老闆娜姐也是個廿多歲的可人兒，深受我們學校學生歡迎。


「係喎，譚仔你搬屋搬成點？」阿晨問我。

「今晚搬過去啦。」

「做咩會冇啦啦搬嘅？」

「屌，你問我老豆啦！佢話我唔夠獨立，所以掟我去叔公間空置咗嘅屋住，除咗定期俾錢我洗就要我一個自生自滅。」

「嘩，你老豆都幾狠。」阿峰說。

「咁我地以後咪多個竇去玩？正喎。」

「你就想啊，間屋人地架，間唔中去下好啦。」

說罷我們便各自回家了…回我的那個新家。

「咦，叔公？」一回到家便看見叔公在這裡。

「啊..德仔，你番黎啦？噢，冇啊，想睇下你有冇咩嘢唔慣之嘛。」


「我都未住，點知慣唔慣。」

「啊..係喎，哈哈。」怎麼他好像怪怪的，一副欲言又止的模樣。

「你係咪有咩想講？」我直接問他。

「冇，即係呢..你小心啲間屋啊，夜晚有咩嘢都..當睇唔到算啦。」

「下？咩意思？見到咩？」

「啊..係咁啦，我走啦。」然後他就往玄關走。

「你自己保重啦，你怪就怪..你老豆唔信呢啲嘢啦。」他臨走前說，說罷便頭也不回，絕塵而去，只剩下茫然的我呆呆地站在門口。

樓主

樓主

我認得你 多謝你咁快手

「嘩..睇真啲間屋都真係幾大。」我站在玄關凝視著，只有我一個人住在這將近千呎的房子..未免太浪費了吧。

叔公也真的十分客氣，把一些電器都換過新的，電視、冷氣機、DVD機也是新型號。

故事..也就這樣開始了。
.
.
「喂..大佬..唔好嚇我啊..我第一晚黎住架炸..」

我一直緊閉雙眼，腦中突然浮現剛才叔公說的話：「夜晚有咩嘢都..當睇唔到算啦。」

不是吧..真的有..那個嗎？

我一直把被子蓋得自己緊一緊，久久不敢鬆懈，過了一會兒，發覺好像沒動靜了，才敢把頭伸出來。



「幻覺黎姐..嚇我唔到嘅。」想不到小時候看唐牛擠眉弄眼的演出，今天會成為我定驚的方法。

這一晚我睡得很差..不，根本像沒睡過一樣。

「嘩，你搞咩啊？做賊黎啊？」第二天阿峰看到我就問。

「你就做賊啊，瞓唔慣之嘛。」

「咁大個黑眼圈，又俾趙天凝笑嚕~」

「屌你啊，收聲啦。」說罷我便回到座位睡覺，我真的十分睏。

說真的..若這樣能哄到她一笑，我倒也無所謂。

「喂，喂。」突然有人拍我膊頭。

「點啊？」我很不耐煩地向後望。

「你又掛住打機唔瞓教啊夜晚？」噢，原來是我的後座，正正就是趙天凝。

看到她對著我嫣然的一笑，令我頓時心頭小鹿亂撞，只因我喜歡她很久了。她的一顰一笑皆令我為之動心。

「啊..唔..唔係啊，搬屋搬到攰之嘛。」

「搬屋？你搬咗屋咩？」她問。

「係..係啊，所以連MSN都冇上。」

「唔怪得啦..今晚上番啊！」

「好啊。」不知為什麼，一跟她說話便仿佛患上語言障礙，口齒不清。

其實上學對我來說真的沒什意義，每天上學放學都不知為了什麼，也許..為了見天凝吧。

一到放學，我便立刻打給叔公。

「喂，叔公啊？」

「啊..德仔啊，點啊？」

「點？好問題啊，你間屋有污糟嘢架？！」

「啊，唔講住啦，我一陣再打俾你啦。」說罷他便掛了線，之後當然也沒有再回我電，真的是神經兮兮。

以我父親的倔強性格，我要回家斷一定沒有可能，唯有...

留名

留名

多謝

「我番黎啦！」欸，我再跟誰說話呢？

看著空無一人的房子，頓時空虛感驟生。但一陣驚慌的感覺更湧上心頭。

我回到房間，打開抽屜放回手錶，突然看到抽屜裏有一條紫玄石項鍊..大概是吧，但看著都挺漂亮，所以便把它戴上頸。

「都幾靚喎。」我對著鏡子自言自語。

我把電腦開啟，登入了MSN找天凝，我承諾過她的。

「HI。」我一開MSN便看到她昨天的訊息。

「對唔住啊，我尋日唔得閒上。」我馬上回覆她。

不消一會兒她便很快回覆：「唔緊要啦，我都係想問下你啲功課姐。」

「問我？搞笑咩，我成績咁差。」

「你其他差姐，數學好啊嘛。」

「不過你冇諗過去努力溫下書架咩？」她問。

「我...」當我在思索自己應該如何回答時，電腦無端端自己熄了。

「搞咩啊？入到黎之後咩電器都有事嘅？」

「嘻嘻嘻..」突然空氣中彌漫幾聲笑聱，嚇得我毛骨悚然。

幻覺！是幻覺！

「你唔洗驚我架喎..」是昨晚那個聲音。

「啊！！」我嚇得馬上衝進廁所，不斷在洗手盤洗面，令自己冷靜一下。

我緩緩抬起頭，看到鏡子出現了一個..青色的鬼影。

「砰！」

隔了很久很久，我才漸漸有知覺，原來我在洗手間昏死了過去。但我感覺自己在異空間魂遊了很久。

「你醒啦？」那個鬼影又再出現。

「嘩！」我馬上衝出洗手間，走進了房間並把門緊緊關上。

「呵..呵..呵..」我緊張得氣也喘了。

「你真係唔洗咁驚架喎。」鬼..鬼影穿過門口進來了。

對啊，鬼可以穿來穿去有何奇怪？

「嘩..啊..你放過我啦，我路過架炸..我聽日搬啦...」我緊閉著眼睛，急得快要哭了。

隔了一會兒，周遭好像沒有了動靜，我才有勇氣睜開眼睛。

它坐在床邊看著我，我認真的看一看..

是位美女..鬼。

她的臉龐尖尖，眼睛大大，嘴唇薄薄的，身材中等，一頭長直髮加上旁分瀏海，樣子挺為可人，不失為一個美人胚子。

但她的臉色十分蒼白，剛才的青色也不見了。

「點解你..塊面唔係青色嘅？」

「你鐘意青色啊？」說罷她便馬上把臉變回青色。

「唔..唔..唔係唔係。」我馬上把臉別過去，她這個樣子很恐怖。

「嘻嘻，你好得意。」

「你尋晚已經喺到..？」

「唔止尋晚，我喺到好多年啦。」

「即係尋晚係你搞鬼？！」我頓時憤怒多於害怕，橫豎她的樣子也不是太可怕。

「哈哈，冇錯。」

「CD機係你整嘅？」

「係！」

「電視個台係你轉嘅？」

「YES！」

「電腦都係你熄嘅？」

「答對了！」她用國語說。

有沒有搞錯？害我害怕了一整晚，原來是這隻鬼靈精！真希望是一隻厲鬼，那麼我還有藉口害怕。

喂 又幾好睇喎 衰鬼

Lm

喂 又幾好睇喎 衰鬼

多謝啊衰鬼

Lm

你好你好

「你點解咁勁，可以控制曬啲嘢？」

「我有超能力囉！」她噠一噠手指，全屋的燈也亮了。

「嘩，係真唔係啊？咁點解我尋晚見你唔到？」

「玩你仲要俾你見到咩，哈哈。」說罷她在我眼前消失了。

「喇，係咪啊，我可以控制埋邊個睇到我架。」

我突然..想起天凝！我還沒有回她訊息。

「喂，你快啲開番我部電腦啦！」我心急如焚，不想錯過與她攀談的機會。

「我啪咗個總制炸低B仔！」我向拖板一看，果真是這樣。

我馬上把電腦重開，當我再次登入MSN時，她已經下綫了。

「唉啊..佢OFF咗啦..」我一邊說，一邊回覆天凝。

「邊個黎架？」她無緣無故飄到我身後問。

「嘩屌，你想嚇死我咩，你到底行定飄架？」

「行又得，飄又得。」她立刻作示範。

「唔好扯開話題喎，你意中人黎架？」她繼續問。

「關你咩事啊，走走走，快啲出廳，我要換衫！」

我不能推走她，幸好她也願意暫時「飄」出房間。

我在房間一直在思索...從今以後，我真的要與這隻女鬼同住嗎？



「我驚我努力起黎連自己都驚。」我答天凝。

原則上，這幾個小時所發生的事，我應該很難才能消化，但不知為何，不消半小時我便接受了所有。

這一刻，我竟然跟一隻鬼在看電視！

「嘩..張智霖啊！」現在電視正播放張智霖做壽司的那一套。

女鬼看到張智霖便瘋狂起來。

「洗唔洗咁興奮啊..」

「佢靚仔啊嘛..呢套舊劇黎架？我死之前未睇過嘅？」她問。

「新劇黎架，呢個時間點會播舊劇。」那時的我怎料到..2017年的TVB，真的播起舊劇來。

「你呃我咩，2011年嘅張智霖點會咁後生？」

「佢..食咗防腐劑。」

「下？乜防腐劑食得架咩？」她真的是..毫無幽默感啊。

「等陣，你點知而加係2011年？」

「有個男人成日上黎打掃加麻，仲換埋日曆，咁我咪知囉。」她是說叔公吧..

「哦..你知道自己死咗架？」

「點會唔知。」她抱著她的腳，剎有介事的說。

說真的，她的形象跟我知道的鬼出入頗大。她是沒有影子，但她的外表卻跟常人無異。

與其說她是隻鬼，倒不如說她是個影像。

而且她好像很和善。

「不過都咁多年..都睇化曬啦。」她說。

「咁你唔去投胎？」

「我都唔知..等我有番意識果陣，我就一直喺呢到，走又走唔到，好似坐監咁。」

「好耐冇人..同我講嘢啦。」

「咁我都未試過同隻鬼講嘢嘅..」

「點解你仲有記憶嘅？做鬼唔係會冇曬記憶架咩？」不知為何，我開始對她有些好奇。

「未過奈河橋同飲孟婆湯掛，是但啦，有冇記憶又有咩分別..」言語間也感受到她的一點點淒戚。

「係喎，你叫咩名？」她問我。

「我隨風而來，隨風而去，名呢啲嘢..」我竟然跟她開始說起笑來。

「講你就講啦麻煩佬！」

「我叫譚浩德，啲人叫我譚仔，我屋企人叫我德仔。」

「嗯..咁我叫你阿浩啦！呢個名得我先用得！」她真的有夠古怪呢...

「隨你喜歡啦，咁你呢？」

「嗯...叫我曉綸啦。」

「幾好聽喎你個名，好少女仔用個綸字，我叫你小綸啦。」

「好啊，你好阿浩。」她向我微微鞠躬。

「你好小綸。」

「其實撞鬼..又有咩好怕喎」我有一刻是這樣想的，但只是一刻的事。

最尾嗰句…姐係之後仲有更多恐怖野

舊讀留名

好好睇啊樓豬 繼續支持你

文！

留名 夜d再睇