終於睇曬，一見到個結局才醒起原來以前睇過架，
應該係多年前在電視睇過，結局神神化化又荒謬。
演繹方式懶係抽象的感覺，所以有催眠效應。
當時未有soundbar、未有訂閲 Netflix ，在電視上看了下半部分。
至於在Netflix上，我睇了超過十次，第一次：看了25分鐘，第二次看了半小時，
總之就是每次看都被悶到抽筋而要放棄，不過昨晚我終於一口氣看完。
呢套戲我相信係最被 overrated 的電影：又長、又沉、又悶，
片長接近3小時，其中半小時係手握Joystick 在玩game（應該係玩緊合體或飛行）；
另外半小時就係坐在駕駛艙，好似便秘或生仔甘七情六欲，背景就是不停閃光；
跟住一小時就係口水戲，講一大堆科學物理，唔知是真是假反正聽不明白個d。
還要迫人聽成兩小時教堂電子琴聲。如果你有宗教背景可能會有共鳴但我無。
呢套戲有兩樣野夠厲害，唔知電影公司請了咩PR大神去推廣？鋪天蓋地處處滿分評價，
好多評價口吻一致，“wow，that's incredible” 公式化開場，我真係佩服。
對我來講是催眠神片，日後我睡不着會播呢套野幫助入眠（開 Night mode 保持音量一致）。
基於本身喜歡太空科幻片，呢套被高估的世紀大長片，部分特技場面唔錯，其中就係大波浪個一場，
至於結局走入咩5維空間，穿越時空，呢度真係兒戲垃圾，總體我評分 ok，6/10。
（完）
