【愛情】《青梅竹馬真係最難追》//　你有無一個由細就默默暗戀住嘅人？

利景遙攞返啲錢
即係個故完咗之後先發生嘅事嚟

利景遙

應該係話，會表白嘅戇鳩都係攪錯用途，啫係beta走去同佢j緊嘅dora表白，成功嘅可能性係零，三唔識七/唔夠熟話自己鍾意人，點會成功。

利景遙bb

童童對條狗公真係好，
畀我係遊仔見到咁嘅話，
應該會即刻死心

遊仔真係慘過撚 呢個工具人故黎？

絕對唔會
利景遙只係黎客串露個樣，廢事太多連結

利律師發達史　AKA 獅子山恩仇記
暫時生平巔峰之作

PENANA已全文上載

https://www.penana.com/story/98653/%E7%8D%85%E5%AD%90%E5%B1%B1%E6%81%A9%E4%BB%87%E8%A8%98/

呢幾日速刷魔法師2同末日前
終於發覺你啲故係要睇兩次

轉頭翻煲獅子山

屌係我聽到條女咁講一定翻去訓先，傻嘅先會理佢
利申：傻傻地

試下三次
何樂悠最後出現應該係決戰，請視為決戰後自行離去
當然，我有諗左後續俾佢
如果外傳成事既話應該會再出場，始終佢值得詳寫



　大家有興趣可以睇下

紙言：https://www.shikoto.com/articles/207789.html
遲下搬去PENANA

你唔講我都唔知方舟係差過其他
可能雙線發展無咁緊湊掛

搞藝術好複雜，好多時慢慢累積，到達臨界點就會「市場爆發」，一爆發就連以前的細節都會被人拿出來研究讚揚。

本周出文時間特別提示

星期一二三四:出文

星期四會係本POST既最後一次出文
然後新POST

------

七月一 二 三 停文
七月四日 新POST回復出文, 之後完全回復正常

--------

七月三日 Patreon副連載超絕爆文

--------
多謝呢段時間既支持
本故事應該係POST 2 內完結
最多POST 3 頭10頁

預計完故日期係八月中旬

新讀者LM

兩條女都係臭雞，成世同隻狗一齊算

一日爆完獅子山故

第八章：萬物至極端後即崩壞

在這種情況下，本應該說早就成年的我們三人如變回小孩子一樣，只能跟著利律師看著她處理。面對我們眼中的鋼鐵囹圄，她倒是氣定神閒，不亢不卑，既沒有激起警員的對抗心，也不會示弱好使他們得吋進尺。

真是成熟的律師姐姐呢。

終於天亮時，植嵐晨就被保釋出來了。

「記得按時間去報到。」利律師說。

「係。」植嵐晨沒精打彩地說。

「放心啦，場官司有得打，唔使咁悲觀。」她輕拍植嵐晨的肩膊說。

「……已經唔係有無得打既問題…總之，唔該晒你，多謝你，利律師。」

「我仲有其他事做，如無意外我地下次再見就係岩岩約個個時間。」利律師說，「有事你可以打俾菁婷，背左個電話佢，你幾時打過去都去，五秒內佢就會聽。」

菁婷把一張卡片交到植嵐晨手上點點頭。

「咁好好保重啦，拜拜。」

話畢，一架超級跑車帶著隆隆聲停在警局面前，一個年輕的小伙子下車把車交給菁婷，利律師鑽進車子後便馬上絕塵而去。

好帥。

「你見點呀，陰公囉個樣謝晒…」Kay說。

「無咩事…我地去食早餐？我請。」植嵐晨勉強地擠出笑容說。

也好，我也想聽聽內情。

「咁樣，佢告你D咩？」

「記得唔好同人講。」他說。

「梗係。」

不過也沒甚麼好說，典型的案情：二人當年是喝醉後發生關係，男方說女方明明就是同意，女方卻說男方是借醉行凶的那種羅生門。

「挑，如果真係既，又使咩等到依加先黎告，死八婆！」Kay罕有地激動地說，還氣得用叉子碰向桌上發出「噹」一聲。

「Kay.」童桐叫她，她才發現附近的顧客都在望過來。

「嘁！」Kay真的氣瘋了。

「呢段時間又官司，大學個邊又要查你…我怕，學校會查埋你紀律方面，你要支持住，嵐晨。」童桐說。

「我…盡量，哈哈，支持唔住既都要支持架啦。」他愈是這樣強裝開朗，愈見他眉間的抑鬱。

「如果有野要我地幫手既記得開聲。」

「梗係，你地連利律師都搵到黎。」他突然望向我，「呀遊，特別多謝你，明明我地只係識左一陣你都咁幫我。」

「嗄？」我反應不過來，「我，我其實咩都無做…我只係，陪童桐過黎。」

「半夜三更，只係黎都已經好appreciate。」

自High男應該是醒不過來吧。

「唔好客氣，呢段日子咁辛苦，你最緊要照顧好自己。」我心虛地說。

既心虛，也真誠地說。

真的發自心中。

我真的沒有想過核彈的殺傷力會這樣巨大，我想像中最多是破壞他形象，使童桐不再喜歡他罷了。

如果真的害到他要坐牢，毀掉他一生的話，我…我真的是始料未及。

他也算是個大好青年的那種，受歡迎，有才華，陽光外向，我沒想過這雪球滾著滾著變成了雪崩。

「我會啦…放心喎，我由found dip到Asso到Degree 咁都捱到上黎。」植嵐晨說，「你先係，我聽講最近你箭會個度有比賽你出左線？加油呀！」

植嵐晨還反過來鼓勵我起來。

「萬一…萬一如果因為呢件事同撞橋單野，搞到大學要踢你出校既…咁你咁多年既努力未…」Kay不安地說。

「……」那一瞬間我捕捉到了植嵐晨臉上極為陰沉，抑鬱，甚至說是絕望的表情。

如果用畫作來說，那不是「吶喊」的那種尖聲厲叫。

而是如梵高的「在永恆之門」的那種深邃絕望。

老天。

我做了甚麼。

「努力呢D野…好…好廉價既啫！」植嵐晨那表情瞬間即逝，「去外國又得，由頭黎過又得！」

我連忙說：「唔使咁悲觀，大家都有自己既供詞，陪審團未必唔信你，而且…而且都過左咁多年，一定有疑點，咁…咁疑點利益係歸於被告架嘛！我覺得有得打既！利律師都係咁講架，係未先！」

我賣弄著連皮毛都算不上的法律知識安慰著他。

「咁既然利律師都話有得打…我都唔驚既。哎呀，你就唔好為我咁操心啦，射箭唔係要好專心？你拎個盃返黎，童桐一定好開心。」植嵐晨說。

童桐說：「你如果無事，我都會好開心。」

「不過都要靠利律師，早知當年讀Law啦，哈哈！」

寒暄著，寒暄著，市面上漸變多人，漸變熱鬧。這城市又再醒來，又再運轉，日復一日，日復如是。

「返去抖下啦。」植嵐晨向我們三人說。

「我送你返去。」Kay說。

「邊有男仔要俾女仔送返屋企…」

「你當我女權撚啦！」Kay堅持，然後掏出一張鈔票憤然拍到案上。

Kay最近怎麼這樣關心植嵐晨？最近二人好像親近過以前，連我這種路人都發現了。

莫非…

我們步出茶記外，外頭的晨光過於耀眼，與植嵐晨臉上的鬱悶相反，卻照不到他腳下漆黑如深淵的黑影中。

如果我去問Beta有沒有收回核彈的方法他可能真的會揍我，所以我決定在這念頭產生後一秒不夠就拋於腦後。

過去可不是這樣輕易改變的事。

而且如果撤回核彈就有機會要讓出童桐…抱歉了，植嵐晨，自求多福吧。

散去後，我與童桐又再次一起踏上回家的路。

「坐Uber啦。」我說。

「唔好啦，反正地鐵開左…唔係，都好。」她掏出手機。

「做咩突然轉軚？」童桐家境不及我，多數是她說甚麼等Uber的時間還比地鐵巴士久不如算了之類，今天竟然一反常態。

「尋晚…呀唔係，係今朝你唔係請左我搭？」童桐輕搖手上的手機，「依加到我請返你。」

「我同你無計啦。」我笑。

我最不想她和我計，我寧願被Beta笑我做兵也不想童桐和我斤斤計較，我更想和她如家人，如情侶一樣…

…唉。

「好啦，咁打和。」我無可奈何地說。

「…同埋，多謝你咁樣陪我。」

她輕輕地，似有還無地…用手臂輕輕碰到我手臂。

牽得住。

現在只要左手一晃，我就能緊緊牽住童桐。

就在咫尺之間，就在伸手可碰的距離，她的手就在那兒，我的身旁。

「做咩對我咁客氣？」我插袋問，「你做左咩對我唔住？」

馬川遊，去死吧，現在馬上給我立即去死，你這廢物，你這垃圾，你不配當男人，你不配當人，給我向父母道歉你這活著浪費氧氣的人渣…

咦，童桐為甚麼這反應…

首先，我和童桐是青梅竹馬，但即使怎樣也被歸類為「朋友」，朋友之間很少能對不起對方的事，最多是說說壞話，佔點小便宜之類。

但童桐現在的反應卻—

「下？！邊邊邊有呀！！無！！無啦啦咩對唔住…無…無呀…」

這演技我給０分。

「你真係有。」我說。

「……」她沉默。

「算啦，遲下再算。」

「下？你咁就算？明明你都已經…」

「你做咩對我唔住我都唔會理。」我說，「可能我會嬲，但係嬲極都好，我上次咪同你講過，點樣都好，我都唔會改變我點睇你…同埋我地細個應該過對方架嘛，無論幾嬲都好，都一定要搵返對方。唉…個兩條友仔聽到一定又笑我…」

童桐聽到後卻低頭說：「…唔值得…」

「咩話？」Uber剛好駛到我們面前，引擎聲把本來就是耳語級的音量遮掉，我只看到童桐兩片垂滴般的粉唇開合數次。

「無野啊？上車啦，成身汗，返去沖涼訓教。」童桐一馬當先上車。

當然了，她在車上也一如以往地把頭靠到我肩上酣睡著，對她來說這也許是理所當然的事，但對我已經不再視為青梅竹馬而是視為追求目標的我來說，這可使我砰然心動。

［師傅，有咁慢揸咁慢］我在手機輸入，然後在後視鏡中亮出。

司機舉起姆指。

我帶著私心，心虛地享受著童桐髮絲的香氣，身上的溫度，以至肌膚下的脈動。

好美，好動人，好可愛，好想抱住。

好想和她＊＊＊

「嘁…」我在想甚麼。

但這是我透過背後中傷得來的溫柔。

但這是童桐對我信任，我卻心懷不軌地貪婪享受著的體香。

好人嗎？童桐眼中我也許是，甚至眾人眼中童桐視我也只是一個好人。

但我其實連個好人也不是。

我把視線從童桐身上艱辛地移外，頃刻一霎間我看到街上一起走著的那二人。

新舊讀者請禁一下正皮掣睇下正皮左未，多謝大家

唉 睇嚟都係sad end

睇嚟童童真係連環殺人魔

樓主加油 聽啲讀到N2嘅朋友講
N2啲野 係日本人都好少用