【愛情】《青梅竹馬真係最難追》//　你有無一個由細就默默暗戀住嘅人？

beta都幾狼 唔關事嘅學校野都隊埋落去
真係勿得罪it毒撚
但攪到男神個ex

童桐呢啲女溝到都算啦 撐妍妍

開始覺得童童係因為一啲苦衷，所以刻意唔同遊仔一齊
仲寧願識埋啲仆街，等遊仔死心

尤其佢一聽到遊仔話唔介意女仔經驗豐富，即刻放下心頭大石
都幾肯定佢鍾意遊仔

但可能未玩夠？

「其實唔係個個都會對你隨傳隨到仆心仆命，童桐。」

見到呢句打從心底覺得好撚爽

電視劇mode：
童童照同嵐晨一齊
之後阿遊就同妍妍一齊
然後互相扮恩愛激大家

其實我拖慢緊節奏 諗住拖到呢個POST到7月考完試先新POST
但好似真係太慢太靜?

唔緊要, 我知道你地睇緊就得, 今日考完考內試
7月考埋個死人JLPT就全盛回歸

但是事情不是這樣簡單。

舉個例：我只是發射了核彈，程式自動向植嵐晨EX的父親通報這件事，我能干涉的部分就結束了。

那個世伯痛扁植嵐晨一頓，就已經不是我們能控制到的事，這是他自己的決定。

所以其實現在我們是沒法控制核爆的範圍和威力，從頭到尾也只能控制引爆的時間。

接下來發生甚麼事，我和Beta都無力制止了。

晚飯過後，我們各自散去，我和童桐回歸到獨處的時光。

「童桐，頭先見你咁…」我害怕地說。

「我點？」

核彈是終極手段。

如果連核彈也沒用，恐怕就真的無計可施了。

所以我一定要確認這件事。

「你…唔會仲鍾意植嵐晨…架可？」我小心翼翼地試探。

一步接一步的走著，童桐卻沒有馬上回答。

我們二人的影子在街燈之間漸漸拉長又拉短，童桐在思考著。

但。

這是甚麼需要思考的問題嗎？

他可是學術造假加上會對自己女朋友做出這種事的人喔？

雖說我沒有經驗，但是如果我真的結識到女朋友，一定會把她奉為掌上明珠的疼愛，畢竟是我廿多年來才得到的愛情。

也許有點自滿，也許一些有戀愛經驗的人會說「你有之後就想有自由時間」架啦云云。

但我是這樣認為的。

植嵐晨這樣帥氣，受人歡迎，人啊，手到拿來的東西才不會珍惜。

「你好驚我仲鐘意佢？呀遊。」童桐慎重地回答。

「我…梗，梗係啦！佢係呢種人，咁對自己女朋友，你都知你成日話自己易遇到渣男，好似上兩次咁，萬一你仲係死心塌地…」我砌詞狡辯。

「我都接受唔到佢咁樣，所以…我唔會話自己仲鐘意佢。」

「呼～」我舒了一口氣，今晚多開一個罐頭和亞基賀一賀它吧。

「但係，我始終覺得可惜。」

「條路自己揀，無咩可惜。」我冷冷地說。

「佢唔似呢種人。」童桐說，「一路上佢都真係好似組爸字面意思咁，照顧我地，我記得個時入u唔識Print野，一個Message佢就係Hall跑過黎幫手…講緊係凌晨。」

「大學生凌晨未訓有幾奇。」

再說我對這種組爸媽文化沒甚麼好感，但我根本沒去過任何ocamp便是。

「我地同佢相處落，真係覺得佢係個好人…我，阿Kay， Johnny都咁講。」

那個Johnny？啊，是自High男。

「知人口面不知心。」我說。

「咁…每個人都會犯錯既。」童桐說，「只係佢既錯特別嚴重。」

那麼希特拉都只是特別嚴重的錯啊—當然我沒有說出口。

「呀遊。」

「係？」

「我明白你感受…你始終同佢真係唔熟。」童桐說，「但係你諗下如果…犯錯既人係我，你就明。」

「……你會犯咩錯啫。」

童桐吃笑道：「我都係人，我點會唔會犯錯？」

「……」我沒法想像，童桐一向在我眼中是最乖巧，最完美的人。

「明白未？」

「你點樣樣都好，我都唔會改變我…對你既睇法。」我把「鐘意你呢件事」吞回。

「真係？」童桐小跑步往前然後可愛地回首問我，她雙手放在背上彎腰的動作叫我心如鹿撞。

真的好可愛。

「當然。」我認真地說，我對童桐有著１０００％的信心。

「你明就好。所以即使我唔鐘意佢，都難免會覺得可惜。」童桐走回我身邊說。

「咁都係既。」我放下心頭大石。

「話說…頭先，做咩咁惡？」她靠近我說，我手肘幾乎要觸到她的胸脯。

「咩…咩咁惡。」

「隨傳隨到個句呀！」

是有多小氣啦！

我說：「無…我唔鐘意麻煩人地，特別係呢D咁複雜既事。」

還好我算是了解童桐，及早已經在心中想好了應對。

「唔慣你對我咁惡啫。」童桐扁起嘴向我撒嬌。

「好啦，呵返，呵返～Beta佢D脾氣都係怪人個種，搵佢分分鐘搞到件事仲複雜。」我輕撫童桐的頭髮，她也閉上眼輕輕蹭向我手掌。

「不過，我可能都無自己想像中咁鐘意嵐晨。」童桐幽幽地說。

「下…？」

「你夠有個咩妍妍啦。」

「下？？我唔明…」

「唔明就算！哼！」童桐反客為主，撥開我的手，然後輕拍我的頭一下說。

不明白，但很可愛。

但即使現階段我把植嵐晨形象重挫，也不代表我能成為童桐的男朋友。

只要時間足夠，童桐早晚會遇到下一個心儀的男生，或有條件好的男生遇上她，我總不能來場核子雨。

問題沒有被解決過，進度也沒有推進。

關於這問題，情聖和Beta那天酒聚時是這樣說的。

「其實以我拍拖經驗，你同埋童桐兩個已經唔只曖昧咁簡單，我同我D女朋友，除左上過床嘴過下之外都無你地咁Close.」情聖說。

「D女朋友…量詞係Ｄ，屌你老味…」Beta牙癢癢說。

「不過，呢個就係問題所在，佢地唔止係友達以上，直接已經係戀人以上，換句話說，呀遊愈追童桐，其實關係係會愈倒退，由靈魂伴侶倒退返成普通情侶，因為佢地早就超過左情侶既親密度。嗯…咁先難搞，親密度仲高過好感度。」情聖說。

現時童桐的好感度：30％
現時童桐的親密度：70％

「多謝兩位分析啊，咁依加點？」我無奈地問。

「我建議你試下直接表白。」Beta說。

「哈！表白…哈哈！」情聖嗤之以鼻。

「又點啊，錦鯉有咩高見？」

「一手拖落去！拉佢埋黎！然後望住佢話：童桐，我其實鐘意左你好耐！其實，我唔想只係你既青梅竹馬！我…」

「你收皮啦！」Beta說，「你就得，呢個係呀遊喎！呀！遊！」

「喂，唔好借Ｄ依隊鳩我喎！」我抗議。

「總之，千其，千其，唔好表白！」情聖斬釘截鐵地說，「需要表白既關係，失敗率係百分之一萬！！」

「需要表白既關係，失敗率係百分之一萬！！」

抄低佢，考試會考

Yes sir!

牙遊都係唔明
愛情唔係單單你付出多啲 你會錫佢多啲人哋就同你一齊
與其耍小手段不如好好裝備自己 唔係淨係為女而係為自己

我們又想了不同的方法，但是始終想不到把童桐從青梅竹馬變成女朋友的計劃。

約她出去嗎？合理，如果是追求其他女生約出來也是指定動作。

但沒用，因為我平時也常常約童桐出去。

那麼約她去一些比較煽情，曖昧的場景，例如Staycation嗎？去酒吧把童桐灌醉？或者有用，但感覺上也不對，而且有被拒絕的機會。

三個臭皮匠，未必勝過諸葛亮。

Beta率先放棄：「我除左搞下小動作睇黎都幫唔到咩手。」

接著是情聖：「難度太高啦，其他女應該仲簡單。」

最後是我：「咁算啦，見步行步。」

「無得見步行步，依加Sem Break都算，九月開Sem後佢遇到其他對象既機會就會大增。」Beta說，「到時，只會係另一個植晨。」

所以…還有時間限制嗎。

「總之最後…去到八月尾都唔得既，我就一下錫落童桐度！」我說。

「都得，我幫你搵定律師。」情聖說。

「我會幫你求情信，如果你真係咁有膽既話…講你就凶狠。」Beta說。

「唉～」我們三人一同嘆氣。

感覺只有我們不夠。

如果問妍妍意見？反正她說不會喜歡我，那麼作為朋友問一下女生的意見應該也有幫助吧。

再看看甚麼時間找她。

「我地再諗下計啦，」情聖說，「你呢段時間，記得唔好只係對童桐好，你要展現個人魅力。」

「我盡力。」我站起來，「咁我走啦。」

「我同Beta仲有野傾，拜拜。」情聖說。

「竟然？咁你地慢慢啦，拜～」

個人魅力，個人魅力，我到底有甚麼魅力可言？

射箭吧。

於是第二天我去了箭會練習，反正在魚腩盃中奪冠應該就是情聖和Beta口中的展現個人魅力了吧。

倒也簡單。

「咚！」

正中靶心。

「抆箭。」我放下反曲弓說。

//////

那天晚上，我本來已經睡了。

「沙沙沙沙…」客廳傳來怪聲。

「衰亞基…」我痛苦地爬起來，馬上確認了聲音來源，「你三更半夜，同我係度抓門？！」

「汪！」

抓門了幾下後的亞基跑進我房間吠了聲還舔一下我的臉，然後又屁顛屁顛地跑回客廳中繼續抓門去！

「死肥狗…你聽日個罐頭係唔係想我加夠兩碗水當煲粥俾你食…」

我如喪屍一樣站起來，走向客廳，亞基正一邊抓門一邊回首看我。

咦，這好像真的有點不對勁。

我把亞基抬到肩上，拉開大門，一個人影站在外頭。

「童…桐？」

收回前言，明天獎亞基多一個罐頭。

「係唔係…嘈醒你？」童桐低頭說。

「技術上黎你係嘈醒左亞基，佢再嘈醒我，咩事咁夜？」

「…算啦，廢事你有Hard Feeling，對唔住，打搞晒。」

瞬間開門！

「童桐！」我拉住童桐的手。

「…係關於嵐晨。」

門外走廊，被我拉住的童桐垂下頭說。

半夜三更準沒好事。

「做咩事？講啦，我唔介意。」

「個女仔告佢強姦，佢俾人拉左，依加佢係差館等緊人去保釋佢。」

我馬上整個人醒來。

這可不是開玩笑的，我沒想過會把植嵐晨逼進這地步。

「入黎。」

「係…？」

「唔通半夜三更俾你自己一個去咩，我同你去。」我把亞基塞到她身上逼她抱著，「入黎等我五分鐘。」

又要被Beta說我是兵了。

童桐的樣子也是沒精打彩，我跑到雪櫃拿了一罐咖啡給她，然後才回房換衣服。隨便梳梳頭後，我向睡夢中的我媽傳個訊息給她醒來再看，便拿過手機錢包出門。

「咁夜搵你對唔住…我本身應該自己直接去，但係…就係忍唔住想搵你陪…對唔住…」

「個日我係醫院已經講左，你有需要既就搵我，無野比你重要。我已經叫左Uber，行啦。」

升降機一開門，我便一馬當先進去按下G鍵。

但老實說，我完全不懂這種司法程序啊？！

下樓上車子後，我們在凌晨夜色中飛馳，還好這種時間路上車流疏落，我們很快就來到了警局。

「童桐，呀遊！」Kay竟然是第一個到。

「Kay!」

「我…我地依加點？」童桐問。

「係唔係應該搵律師？」我問，「我淨係睇戲睇過呢種情況。」

「應該會有當值律師之類…」Kay說。

「當值律師會唔會差D架？」童桐說，「如果…請正式律師會唔會好D?」

「其實當席律師都係正式既…你估個個都做到律師咩，但應該請既律師會勁D。」我說。

「仲貴D添。」Kay沮喪地說。

「錢問題唔好擔心，我可以出住先。」童桐說，「你地有無識既律師？」

「無。」我與Kay異口同聲地說。

話說童桐這樣有錢的嗎？我還打算打電話給我爸借錢呢，反正他現在這時間在上班醒著。

「都係先搵當值既律師搞左保釋先…然後再睇下有無得搵出面既律師…」

「又或者。」一把聲音從外頭傳來，「由我黎做植先生既代表律師，如果佢唔介意既話。」

回首一看，兩個女士在後面出現，是兩個穿著正裝的成熟大姐姐，正向我們走來。後面跟著的人比較像是助理之類的人，拿著手提包，胸前別著一個胸針，我認得…

…那是瑞士銀行的盾徽。

「你係…？」童桐問。

「我叫利景遙，係個多管閒事既律師。」利律師說，「菁婷。」

那個叫菁婷的人拿著三張卡片，優雅地發到我們三人手上。

〔獅子山女爵律師事務所〕
〔另有提供義務律師服務，歡迎查詢〕

是有多中二才會自稱自己是獅子山女爵，我重新打量眼前的利律師。

「你點識我地…」童桐問。

「件事係網上鬧到咁大，我點可能留意唔到。」利律師正氣凜然地說，樣子相當專業，叫人值得信賴。

「利律師，我地應該請你唔起…」

「啊，放心，我有一樣野同其他律師唔同。」利律師說。

「係咩？」

「我錢多。」她自信滿滿地說。

「下？！」她突然炫富起來了！

旁邊叫菁婷的人熟練地補充：「即係佢唔需要你地既錢…換句話說，佢鐘意專幫D又無錢又請唔起律師既人，因為佢唔缺錢。」

後來我們知道這個利律師可是全球富豪榜有排名級數的女鉅富。

「晚安，PC4641。」利律師走向櫃台，「我係植嵐晨先生既代表律師，黎幫佢辦保釋手續。」

利律師直呼那警察的號碼，全身揮發著懾人的氣勢。

第七章：怪物都是自己所創造

完

第八章：萬物至極端後即崩壞

未睇過前面故事 呢個利律師係咪獅子山恩仇記嘅角色

會唔會搞搞下最後迫左beta出黎
咁有義氣嘅老友千奇唔好有事

係

獅子山故有冇提起過呢單