【愛情】《青梅竹馬真係最難追》//　你有無一個由細就默默暗戀住嘅人？

可能太破壞氣氛係咪
驚太沉重

我寫都寫到喊喊地…你估下我點解寫得咁切膚之痛…

多謝你
讀者有FEEL就好了

我好似見過但都搵唔返

呀遊似爸爸

早抖

文法還好
係無咩生字量
同當年學英文死法一樣
成日睇Vtuber 聽力反而OK

我文筆點會好
我覺得寫故最緊要夠得閒好有組織力
有朋友同我講一講自己尋日既事
只係10分鐘既事我聽到1999
組織力好緊要

大家點睇妍妍呢個角色
雖然我未交代佢動機
但會唔會好亂
好似係咁切換態度咁
不過我專登的

其實靚女多機會Social,
所以久而久之就會識對唔同人用唔同嘅態度,
聽落好正常呀

好睇 新讀者留名支持

準備緊啦

傻傻哋真係好正

先大膽估計 童桐會因為坐近少少呀遊而乘機串柒柒

女人唔係本來就善變咩

好好睇啊新讀者LM ,睇睇下睇到live 左

人類本質黎

早文

lm

第五章：並非所有戰爭都見血

我媽正親切地為我們三人盛飯，我打開串流播放起作為背景聲的地理頻道，即使我心知肚明根本沒人會理會。

「條魚係佢老豆新鮮係海釣既。」我媽說，「保證生猛。」

「Uncle成日出海？」我右邊的妍妍問。

「係呀，佢兩父子都係個Ｄ一但專注於自己愛好就旁若無人，咩都唔理個種人黎。」我媽說。

閒話家常呢，很好很好。

「係呢。」童桐望向妍妍，「我同你先第二次見，你又無同呀遊見咁多年，我地三個了解下大家呀。」

我媽停住了筷子，一臉期待，她連裝也不裝了。

「我地報下Status先 ？」童桐說。

我停住了筷子，一臉不安。

「哦，好呀。」妍妍笑著說，「呀遊，你先。」

看吧。

「A0。」

「噢。」兩位請不要一臉理所當然的臉。

「後生野黎既？咩係報Status？」我媽決定落井下石。

「報Status，即係自報自己的戀愛歷史和狀態，通常開頭係A，Ｏ；Ａ代表單身，Ｏ代表拍緊拖，雖然仲有其他代號，但多數係呢２個。」童桐解釋。

「點解單身係A?」我媽望住我問，「Alone？」

你問對人了。

「無錯。」我故意點頭，Alone這解釋非常合理。

「唔係囉！」童桐說，「A係Available, 唔係Alone呀！而O係Occupied，拍緊拖咁解，後面既數字係包括現任既拍拖次數。」

「所以Ａ０就係單身而且從未拍過拖…」我媽一臉如夢初醒，以後向我投以憐憫眼神。

「係呀，生而為人，好對唔住。」我說。

「咁你呢，妍妍／童桐。」兩個女生異口同聲地問對方。

撞聲後，化成一片安靜。

這如同劍客決鬥前的肅穆，牛仔拔槍前的蕭瑟。

飯廳中，只剩下亞基的呼吸聲，冷氣低沉的隆隆聲。

身邊恍如升起了重重的蜘蛛網，蛛絲卻在腳下交錯成棋盤，對奕就在某看不到之處開始。

我清楚知道童桐是A3，中學兩次大學一次，這年紀很正常的數字。

至於妍妍，就要視她如何定義拍拖了，如果生意來往也算的話恐怕數字說出來嚇死人。

「……」大家都不說話。

狗窩中的亞基正伏在地上搖著尾巴左看看童桐右看看妍妍。

但其實二人都不知道對方真實數字。

換句話說，撒謊也是可以的。

但這關係到自我形象。數字說得少，就好像自己是個沒人要的廢物，沒長大，入世未深的小女孩。

相反，數字說得多，自己就如見一個愛一個的濫交女一樣，來者不拒，見異思遷。

這是一場如大話骰的搏奕。

「你咁靚女，一定多人追到A380啦，妍妍。」童桐說。

「A380又不至於，正正常常，都係大家都有Feel先一齊咁，我都係個對感情認真既人黎。」

妍妍在撒謊。

「咁咪幾好，我都唔鐘意D人只睇樣，內在，有Feel，夾到對方先最緊要。」

童桐也在撒謊。

雖然這也是她的官方說法，但只要想想植嵐晨便知道她完全在胡說八道。

「咁你Status係？」妍妍問。

「A3.」童桐小心翼翼地坦白。

不過因為這是很合理的答案，根本沒說謊的必要。

「你呢，妍妍。」輪到對方回答。

「…A1。」

這謊撒得太明顯了，連我媽也把眼神挪向一旁以免自己發笑，我把西蘭花猛塞到口中以免自己胡說甚麼。

「你之前個３個，包唔包括呀遊？」妍妍明知故問。

「無啦。」我搶先回答。

「岩岩你話唔只睇樣，內在，有Feel，夾到對方先最緊要…睇黎呀遊無內在，同你無Feel，亦夾唔到你。」妍妍說。

「唔…唔係咁…」馬上被自己回力鏢擊中的童桐落於下風，又不好意奚落我。

不要緊的，童桐。

自我踐踏可是我強項。

「咁我都知自己同其他人比，無咩可取之處既。」我救場說，「你同嵐晨進展成點？童桐。」

「…約緊睇戲，間中會出黎食飯咁。」

「哦？個日個個大隻仔。」妍妍說，「男神女神，都的確襯既。係未呀，呀遊？」

「……」才不…

「呀遊？」

「嗯…嗯。」我回過神說。

連我也在撒謊。

我媽說：「童桐又識到新男朋友啦？」

「未！姨姨，未呀！我地只係朋友…」

「咁未同呀遊一樣囉，朋，友。」妍妍笑著說，「咁你都有機會啫，呀遊，你試唔試下追童桐？」

單刀直入！！

「我…呃，我，嗯…呃…」

感覺所有腦神經都纏成一團，雖說我早就在追童桐，但說出口又是另一回事，在童桐面前說出口更加等於表白，這這這…但說不會又是自打嘴吧自斷後路…

「定你唔想追？」妍妍。

「又唔係…」

「即係想追喇，所以…即係你其實鐘意童桐啦，呀遊？」

妍妍一口氣把我與童桐同時逼進死角，如上演著甚麼將軍抽車的精湛棋藝一樣，我突然發現那天在水上樂園之中，她的心計是真實的。

童桐望向我，卻好像在期待甚麼答覆一樣。

但有時沒答覆也是一種答覆。

「再唔行動，佢就同個個植嵐晨係埋一齊架啦。」妍妍這句倒中肯。

「…咁都無計。」我淡然說。

「呀遊你…」

「岩岩你都識話，佢兩個襯。」我冷冷地說，「我去拎梳打水飲。」

［邊輪到我］我把這四字吞回肚中，離席走向雪櫃。

「童桐有鐘意既人，而呀遊又唔介意你同個個植嵐晨係埋一齊。」妍妍在我身後總結起來，「所以呀遊並唔係鐘意童桐，而童桐亦唔鐘意呀遊。」

「我當童桐係…屋企人咁。」我說。

「呵呵，屋企人，呵呵。」妍妍的笑容不懷好意。

「我都係…雖然呀遊細過我幾個月，但我當佢係阿哥咁…」

「好呀，咁我追呀遊啦？」妍妍不以為然地說。

「唔得！！！」童桐激動地拍案站起來。

「汪！」亞基高興地跳起來起哄。

……

…

又是尷尬的死寂。

「你唔係有自己鐘意既人？我追呀遊關你咩事？」妍妍問。

童桐面對這樣正面而猛烈的強襲，只能紅著臉低頭坐下支吾其詞。

不愧是PTGF, 在與人接觸交際談判方面，妍妍展現出強大的壓制力。

「我…呃…我…」

「你只係自私，童桐。」

「嗄？」

「你愛既人既唔係植嵐晨，而唔係呀遊，而係你自己。」

「我…先唔係…」

「你既想有植嵐晨呢種高大靚仔既男朋友，但又想呀遊留係你身邊，有咩事佢可以對你溫柔同保護你，你想魚與熊掌兼得。」妍妍嗤之以鼻說，「你愛既人，只係你自己。」

我媽不但沒生氣，還看得樂在其中，也不打算解圍介入。

「點解你要咁講？搞到好似你對童桐抱有敵意咁。」我輕拍童桐肩膊以示安慰。

但…

妍妍說得好像，有點說服力。

被我一問，她卻是一臉如夢初醒的樣子，然後別過頭去：「無…無咩，只係睇唔過眼佢咁貪心，一時間就…」

「妍妍，你咁多年無見過我，所以你唔明。但我同童桐有自己既相處，自己既距離。」我說，「你唔好再難為童桐，佢有佢既自由，佢既幸福…係屬於佢自己既選擇。」

而不是屬於我。

但我還是試圖保護童桐。

「…但佢講得岩，我對你好唔公平，呀遊。」童桐卻說。

甚麼。

「我唔應該浪費你時間，唔應該一路拖住你，我應該俾一個確實答案你。」

不要。

童桐深深吸一口氣：「其實我……」

「咩都好啦，我覺得有Ｄ野在心中就可以。」我瞬速打斷。

「咦？」

「唔使講出口，亦唔使講到明，呢份係我同你之間既默契，唔係咩？」我輕摸童桐的頭髮，「唔好逼自己。」

童桐輕輕地把頭湊向我，不知是在撒嬌還是有其他意思。

「要唔要？」我笑著看她，把一罐梳打水放到她旁邊。

「要～唔該，嘻嘻。」

妍妍搖頭嘆氣，從嘴型上可以看得出她在說［傻仔］二字。

但這還未結束。

女人的戰爭

「你只係自私，童桐。」

「嗄？」

「你愛既人既唔係植嵐晨，而唔係呀遊，而係你自己。」

「我…先唔係…」

「你既想有植嵐晨呢種高大靚仔既男朋友，但又想呀遊留係你身邊，有咩事佢可以對你溫柔同保護你，你想魚與熊掌兼得。」妍妍嗤之以鼻說，「你愛既人，只係你自己。」

多謝妍妍,
我個青梅竹馬exactly 就係呢種態度.
我當妍妍鬧埋佢ga la

妍妍上馬啦

想要個青梅竹馬