【愛情】《青梅竹馬真係最難追》//　你有無一個由細就默默暗戀住嘅人？

文呢？

打緊
一向即出即打

出文

心痛

阿布

死曬成個故啦
今次我支持呀

又諗起自己嘅往事...

本故事唔係完全虛構…

我懷疑D讀者俾我玩壞左
由我寫咩都都覺得會死人
變成好期待死人

唔止你一個…
有複數讀者同我講勾起左佢地往事

作者序已出，penana已更新
進入第一分歧點後開始寄名信片活動

樓主加油
我經歷緊類似既事
我應該唔會有Good End既結局
都希望睇故都可以有Good End

巴打你加油先岩
人生唔係架空存在
希望你既故事可以自己決定到G/B End

又讀者決定
有女有狗
變哥哥陪我玩是常識吧

*發出PTSD的叫聲*

唔會
上個故玩左下大哥哥個留言食左一堆負皮

要幫心愛嘅旅人追仔
究竟係咩拷問嚟

依啲時候係毒撚反而有著數
未體會過唔會

....

推

文呢

打緊，一半

第一章：人要失去先會珍惜

姓名：植嵐晨
性別：男
性向：異性
年齡：２４
住址…
電話…
學歷：…

我有氣無力地把Beta遞給我的資料略略看了一次，無力地繼續軟癱在桌上。

他之前不知道是做記者還是私家偵探之類，有這種本領不足為奇。

那又怎樣？

童桐喜歡的人是他，不是我。

不是我。

不是我。不是我。不是我。不是我。不是我。不是我。不是我。不是我。不是我。不是我。不是我。不是我。不是我。不是我。不是我。不是我。

從小到大，從來都不是我。

上次，每次，下次，也不會是我。

「唉，屌！」我仰頭把玻璃瓶中的手工啤喝盡，平日相當有風味的手工啤現在好像喝餿水一樣。

空了。

「飲夠啦，你等陣貓撚左我地傾咩都無用。」情聖拉住打算走向雪櫃的我。

「呢個人，係典型既Alpha男。」Beta說。

「我知我知！高大靚仔個Ｄ啦嘛！」我煩躁起來。

「你又唔好咁無自信，你都高大，至於後面兩個字就…」情聖試圖逗我笑。

隱去的兩字才是重點吧！

「……」我有氣無力地坐在那兒，連發怒的興致也沒有。

「你睇，佢次次都係咁。」Beta冷冷地說。

「咩次次。」

「講真，童桐邊次拍拖一開始你唔係咁？」

「我，我之前都…無話要追佢…」

「你只係知道自己追唔到。」Beta攤攤手。

「……咁…」

「算啦，岩岩收銀個邊黎左條新女，應該係中六雞考完DSE返暑期工，試唔試下溝？我有佢IG…」

「唔呀屌，言歸正傳先。」我說。

「咁你想點呀？」

「咪話我想追佢，我，想，追，童，桐，啊！」我有點燥了。

「我指既係依加，佢鐘意既人唔係你，係呢條Alpha植嵐晨。」Beta說，「你想點贏佢？」

「我咪就係唔知點贏先搵你地？！」

感覺已經變成了那張兩個老外吵架的迷因圖。

「我黎答，我黎答，你兩個都冷靜Ｄ先。」情聖打完場，這正是他發揮的時候。

畢竟他的確擅於呃蝦條…我指與異性交流。

「我覺得，童桐一定唔係討厭你先。」情聖說。

「咁…呢點我都有信心既。」

「問題係在於點樣令佢唔只係唔討厭你，要佢變得鐘意你。」

「咁…點做？」

「童桐同埋你既關係，一定深厚過個嵐晨，點解佢鐘意個金毛仔唔鐘意你？有冇諗過？」

「佢靚仔。」

「唔好受Beta影響。」情聖說，「佢上得太多連登，4chan, reddit，無撚得救。」

「喂？！」

我認真地想了想。

肌肉線條來說，嵐晨在我之上，但是童桐不喜歡大隻佬，她喜歡那種韓系的偶像。

至於外表…嵐晨高我一點，大約在１８０上下吧，他打扮得的確比我好看，著衣也有自己的風格…

錢嗎？我不覺得童桐是那種拜金的人，而且我自問比上不足，但比下也有餘…

至少和她是物理意義上的門當戶對吧。

「係新鮮感啊！」

「新鮮感…」我說，「童桐對我都無新鮮感啊？我都鐘意佢。」

「啪！」

二人一同額手稱慶。

「先生，因為依加係你要追佢…」情聖試圖解釋。

「我受夠呢條垃圾，我返房先，等陣有公會戰…」

「喂喂喂，唔好先喇…」

我求救，除了這兩個傢伙我就真的只能寫信去那些甚麼夫人專欄問了，這是上世紀的方法吧。

「總之，你要俾新鮮感佢。」

「得！聽日去染頭，電髮，買過晒Ｄ新衫…」

「唔係咁。」情聖說，「你同佢太熟，你個樣點變都無新鮮感。係你既行為，你個人個格呀你明唔明…」

「直接講。」Beta說，「你點打算回應佢呢個請求。」

……這…

「呢個植嵐晨係英雄片既Fans黎，童桐應該係睇中你都熟英雄片。」Beta指指資料中嵐晨於IG上Following的項目。

「嗯，我都識…ＭＣＵ太大規模，如果係新手，我建議可以由諾蘭既蝙蝠俠三部曲開始…」

「你真係打算幫佢追啊？！」情聖傻眼地說。

「…」

「你傻撚左？」Beta甚至有點生氣。

「……」

「人地根本當你係兵，當你係工具人，當你係臭四！你仲幫佢？！乜春青梅竹馬呀！醒下啦馬川遊！屌！！」Beta一向對女生抱著敵意。

「我…一向拒絕唔到童桐。」

「就係呢樣啦！呀遊！」突然情聖拍枱大叫。

「嗄？」

「頭先講緊既話新鮮感就係呢樣，唔係你個頭有幾金，你個袋有幾貴，就係講緊你對童桐既態度，同佢相處既距離！」

「我完全唔明…」

情聖解釋：「係！你係同佢好熟，但係溝女黎講，熟係障礙黎！好使好用，千依百順既只會係工具人，你要改變視佢係青梅竹馬，甚至屋企人既態度！」

他拿過剛剛的資料翻到空白的背面。

［好感度］：０％
［親切度］：１００％

「依加你對童桐黎講就係咁。」他說。

然後他圈起好感度。

「追到佢，就係要提升好感度，親切度係幾多唔重要，甚至愈低愈好，咁先有新鮮感。」

＞現在開始呀遊與童桐之間的關係會同時以好感度與親切度表現
＞好感度代表「喜歡」的心情
＞親切度代表「家人」的心情
＞增加好感度，以完成目標：與童桐成為情侶！

「係唔係架…」我半信半疑。

這時。

［叮～］
［未讀訊息１：童桐］
［做咩咁夜都未返？又去左飲野？］

「唔好覆佢，KEEP住在線上俾佢睇！」

我硬生生停住了手，那句［係呀，未返住，咩事？］留在我手機沒有發出。

現在她手機顯示我在輸入中吧。

［…做咩輸入咁耐？］

「拿你睇！佢即刻緊張啦，你睇返上面，佢從來都無咁追問過你！」情聖說。

＞［好感度］：０％
＞［親切度］：９５％

「我一向秒覆架嘛，你地我都係架。」

「咁你咪正傻仔囉。」Beta說。

［你嬲我？］童桐已經是連發第三個訊息。

「女人唔係要一個呼來喚去既人，呢Ｄ只會做兵，你唔係要順從佢，討好佢，你係要展現你既價值，你既魅力，證明俾童桐睇你都有市場。」情聖說。

「人係唔會珍惜輕易到手既野，你陪左佢廿二年，更加。」Beta道，「人係要失去先會珍惜，喂，情聖，不如咁。」

然後兩個大男人在我面前咬耳仔。

「嗯，可以試下。」

「試咩？」我問。

「你唔好理住。」情聖飛快地在自己電話輸入。

「咁我依加點呀…」

「覆啦，總之以後你唔好秒覆佢先，短就十分鐘，長既你鐘意。」情聖道。

已發送：［係呀，未返住，咩事？］

童桐：［無，驚你嬲左我］

「十分鐘後先好覆。」情聖指指自己手錶，「放低手機。」

＞［好感度］：０％
＞［親切度］：９０％


「好囉…」我鎖機放下。

「咁言歸正傳，你打算點，佢好快就會問你幫佢追嵐晨既事。」Beta道。

「按你地所講，我唔應該幫佢。」

「咁梗係，個個係你情敵，你點可以幫佢？」情聖道。

「但我又唔想佢唔開心…」

「唉救命，有Ｄ人真係抵佢Ａ０，唔係話你，Beta。」情聖沒好氣地反白眼。

Beta卻不以為然：「又或者可以主動出擊。」

「出擊？」

「令童桐唔鐘意個嵐晨咪得。」

Beta的話，在我腦中炸開成「嗡—」一聲。

「咁…好似唔係咁好…」換句話說一定是一些搬弄是非，冷箭中傷之類的事。

要知道嵐晨到現在，還是甚麼也沒有做，更別說做錯甚麼。

他只是一如以往地活著，只是就憑這樣便吸引了童桐。

輕而易舉，輕而易舉得叫我牙癢，但他真的沒做錯甚麼，也沒開罪我。

「睇你想要道德高地定係要童桐喇。」Beta道，「魚與熊掌兼得咁開心呀？」

「我再…諗下先。」

「依加都夜，聽日童桐就會問你幫唔幫佢追個植嵐晨。」Beta說，「你得一晚時間考慮。」

當下，我其實已經下定決心，如剛剛二人所言回絕童桐的要求。

但是實際上可沒這樣簡單。

世界上唯一比我媽更最可怕的，是童桐的眼淚。