【愛情】《青梅竹馬真係最難追》//　你有無一個由細就默默暗戀住嘅人？

咁應該係之前beta睇嗰個dora

其實第三個分類我只係揀個最接近
悲劇範圍都大,唔使咁認真
依加咁既局面你都可以視為悲劇

其實都久唔久就興一次
你咪寫呀，又死全故啦

根據樓主嘅做法，妍妍一定無咁好，童桐都唔係咁，一定會反轉
唔可以跟車太貼

Live jor

幾時到聽日想睇文
Btw 妍妍好感up

心CC想睇文

妍妍太好一定有古惑，或者係特登扮好女仔加分
我童必勝

好想知妍妍做咁多事究竟係為啲乜

童桐派站出來

錯字檢查

埋位

箭似流星，心如止水。

弓弦響之不絕，那瞬間的我眼前只有靶心的Ｘ，甚至連四周的燈光也如暗淡起來，除了箭靶外一切都不復存在。

這種感覺…很好！

貫穿，貫穿，再貫穿。

「首名出線，馬川遊！」

「WOOOOW！」

「嘿。」我微微一笑，理所當然呢。

我向裁判和其他對手點點頭致意，然後走到箭靶拔回箭矢。

６箭全部１０分，但只有２支射穿了Ｘ，要奪冠還是有風險，而且也不知道之後能不能達到今天的精神狀態。

把箭放回箭袋後回首，看到妍妍在觀眾之中看著我，還可愛地輕輕拍手。

「贏左啦？」

「只係小組出線。」我忍不住輕拍她的頭，「仲有半決賽，然後仲有決賽。」

啊糟了當了她是童桐這樣對待。

我連忙收手，妍妍卻是不以為然：「咁加油啦。」

「之後我無比賽架啦，我應該會係度睇多陣，就睇你想去邊定…係度繼續睇？」

射箭比賽不如足球，籃球，沒這樣緊張刺激，沒興趣的人感到悶是正常的。

「唔睇啦，睇完你就夠，我仲有地方去。」妍妍站起來。

「咁之後再約啦，拜拜。」

「拜拜啦。」

手機震動。

不對，手機在不斷震動，這是來電。

［童桐］

「喂？」我看著妍妍走出箭會的背影說。

「………」怎麼沒聲音。

「喂…」

「呀遊。」對面傳來童桐的聲音。

「嗯？做咩？你把聲咁既？」有點低沉，有點沙啞，是哭過嗎？

「…我…我有無阻到你比賽？對唔住…」

「無啦，我岩岩已經比完賽，你唔係同植嵐晨出左去？」

「我…依加係急症室，你可唔可以黎搵一搵我？阻到你比賽，對唔住…對唔住…」

「急…？！下，咩事？！你有無事？！」

「我無事…你黎左先，我再同你講。」她告訴了我自己在那一間急症室。

還好我是上午比賽的Ｃ組，如果是下午比賽的話就糟糕了，不但是精神受到衝擊，恐怕還要退賽吧。

要在比賽和童桐之間選擇…不，我不懂選。

「哦…咁我依加飛的過黎！你真係無事？」

「無，放心。」

我高速拆解弓身，塞回弓箭袋後和英姐說聲再見後便跑出箭會。

「喂，你唔睇下其他對手呀？你下輪要同佢地鬥架喎！！」英姐問。

「急事！急事啦！拜拜英姐！」升降機門關上。

離開工廠大廈，躍上的士，說出地址！

好貴！早上不應該坐Uber的…

「童桐！」

在急症室的膠椅上，看到滿身是血的童桐！

「你，你成身血…姑娘！姑娘！！」我瘋了一樣叫住路過的護士。

「我無事啦，呢Ｄ血唔係我架。」童桐眼角還閃動淚花，似乎嚇壞了。

「咁…咁係邊個…」

「嵐晨既。」童桐指著急症室中的其中一塊布簾後。

「你地搞咩…」

「……我地本身約左係佢屋企附近食早餐，然後…行出黎後…」

／／／／／／

植嵐晨與童桐一起步出早晨的咖啡店，空氣中濃郁的咖啡香消散了不少。

「你今日唔去睇呀遊比賽？」

「…唔啦。」

「竟然啊，我仲以為你地感情好好。」植嵐晨說。

「…佢對我…似乎…好似…唉，我都唔知點算。總之，我呢兩日唔好搵呀遊會好Ｄ，更加唔好提去睇佢比賽。」

「點解？」

「英姐之前話呀遊退步左，無以前咁穩定，問我同佢係咪有咩事，我估…係因為我既關係…所以為左佢著想，我同自己講呢兩日唔好搵佢…」童桐說。

後方突然傳來一聲吼叫。

「植！！嵐！！晨！！」

二人回首，只見一個中年漢子正凶神惡煞地站在路上。

「……」植嵐晨面色發青。

「嵐晨，你識佢？」

「童桐，呢件事有Ｄ複雜…」嵐晨說。

「你個賤人！！你俾我一個交代！俾我個女一個交代！！」

「世世世世伯，有事慢慢講！」

怒氣沖沖的中年漢跑過來：「慢慢講？！你搞大我個女個肚！」

童桐與路人傻眼。

「仲教佢落仔！！！」

童桐與路人都後退了一步。

「仲教佢呃我地全家話係去旅行，原來係去落仔！！」

童桐與路人吃驚得下巴差點跌到地上。

「然後！！仲要！！飛！左！佢！」

「嘩？！？」

童桐與路人嘩然。

「世世世世世世伯你聽我解釋，個年我地先中五，中中中中五嘛，拿你唔好郁手郁腳先！！」

中年漢完全不聽講，直接撲向植嵐晨揮拳就打，二人扭打成一團。不知道是剛剛的發言過於衝擊還是甚麼，竟然一時間沒有人阻止！拳來腳往，還撞飛了咖啡店的座地餐牌！

／／／／／／

然後兩敗俱傷的二人便被送來了急症室。

「本身我都唔想搵你…驚…驚阻到你比賽，但係我唔知可以搵邊個…」

「無事無事，嚇親啦係咪？」

猶有餘悸的童桐全身震抖著抱到我懷中，在我這邊聽起來挺荒謬挺好笑，但是事後在網上看到的影片顯示現場還是挺血腥的。

植嵐晨身形高大，但那個中年漢是體力勞動職業，鋼條身材，力氣一點也不弱，二人都痛揍對方，也被對方痛揍，難怪童桐怕成這樣。

「本身我都唔想搵你…真係好驚你因為我而輸左比賽，但係我真係唔知可以搵咩人…我…」

「童桐，如果你再遇到危險就搵我。」我低頭對著她說，「對我黎講，無野比你更重要。」

看到她這個受驚樣子我便於心不忍。

不過二人都沒受甚麼重傷，中年漢最嚴重是被打飛了一顆牙齒，植嵐晨最嚴重是被打斷了鼻樑，死不了的。

兩塊布簾幾乎同時打開，坐著輪椅的中年漢和被包紮好的植嵐晨一起走出來，互相怒目對視。

「呀遊，黎左呀？」植嵐晨說，「俾你睇到我咁狼狽添，哈哈。」

「依加唔係玩既時候，嵐晨。」我與童桐走向他，但我以頭輕點向走過來的警員示意。

「ＯＫ，兩位先生，老規矩。」警員拿出兩份文件，「一係你地就和解，一係我就告兩位公眾地方打鬥罪。」

「…嘁。」植嵐勝不忿地簽名。

「我實上網幫你宣傳啊你老母！你睇撚住啊仆街！」中年漢揮筆簽名，然後步出急症室，似乎有點經驗的樣子。警員看看兩份文件，然後也拿著回到急症室的警崗中，還碎碎念著：「日日都咁多交打，煩唔煩…」

總之他似乎不會被捲入官非中。

「童桐，你要聽我解釋。」植嵐晨說。

「你無必要同我解釋。」

「唔係！你聽我講，件事唔係個阿叔講到咁爛聽…」

「你返屋企抖下先啦，我都想返去休息。」

「童桐！」他追！

「喂！」我擋！

我瞬間攔在植嵐晨和童桐之間，一掌拍開植嵐晨想捉住童桐的手。

「我建議你冷靜少少，嵐晨，以保住你最後少少形象。」

「……係有人想害我。」

「如果你無做過，人地又點害你？」

「……」他低頭不語。

「童桐，我送你返去，俾你著住先。」我脫下自己外套給童桐穿上，平日顯得有點過大的男裝外套這時用作遮掩血跡剛剛好。

「嗯。」她也沒甚麼精神。

與童桐登上的士後，她把頭輕輕靠在我肩膊上，即使她全身也是血污和汗，我也沒有嫌棄。

童桐即使怎樣，我也不會嫌棄她。

車子離開醫院，只剩倒後鏡中植嵐晨在等車的身影，然後也在片刻淹沒在風景之中。

即使這樣，直到那一刻我也沒有一絲內疚或良心譴責。

而且我還以為這已經是核彈的結果，卻不知道這是個開首。

第二天是星期一，是工作天。

植嵐晨被召到大學，似乎有人向大學舉報他學術造假，論文抄襲之類。

第六章：無需權力人亦會腐化

完

第七章：怪物都是自己所創造

「如果你無做過，人地又點害你？」

爽爽爽爽

呢句型撚到

留名童童會發現係遊仔做嵐晨

咁都有得和解會唔會懶咗少少

根據我睇咁多年小說同電影，十成都會咁發展落去