兜兜轉轉 濕疹終於好番

嚴重濕疹
呢兩年反反覆覆
食完抗排斥藥都唔好
其實有時真係好絕望
有女嘅見我濕疹嘢即刻彈開
喺街好似俾人啤住咁
其實真係好唔開心
唔知搵邊個抒發下悲傷情緒
最嚴重嗰陣成身冇一處係好
有冇咁多位大佬幫幫手

有冇戒口同運動

我有一排淨係我日日飲水乜都唔飲
當然鴨鵝我都係冇食
個效果都好似差唔多咁
凍嘢呢如果夏天太熱我真係頂唔順
Feel到想中暑
運動我都想做，啲汗喇我啲傷口好痛

屋企做簡單運動
睇YouTube片做伸展運動30分鐘已經可以

凍野、凍飲、刺激性食物可免則免

多喝水都好重要

保持輕鬆心情都好有幫助

其實我想知甜嘢可唔可以飲
我自問已經好少食刺激性野

可以食 不過自己要有分寸
雪糕, 蛋糕我都好少食

零食間唔中食下可以
不過唔好揀影響皮膚的零食

我間唔中都會睇中醫調理身體

類固醇反彈仲癲過濕疹

頭皮炎嘅巴打會唔會甩頭髮？

啪完疫苗有冇復發？

呢對有冇師兄着返好耐冇着過嘅衫會即刻好痕同埋起粒粒？ 係咪衣物/洗潔精敏感？

次次換季著長袖都會 出晒風癩
一定洗咗先著

可能係霉菌

我想問初初睇我西醫話我金錢癬，圓形一個個圈
但係今年個個位置愈嚟愈大撻， 中西醫都話係濕疹
其實會唔會

有冇人打過不含類固醇既敏感針，今日聽人講喺普通診所，打左兩枝就斷尾，想知有冇咩副作用

買咗，點樣搽最好？
沖完涼搽？洗唔洗等X分鐘之後抹走佢？

唔洗
最好買舒膏帶或者搵野包住佢 可以用紗布

沖完涼訓教之前搽 再包住佢訓教 起身就除左佢

需唔需要我俾啲正能量你？

我曾經試過好幾次濕疹（或急性皮膚炎），有兩三次都好嚴重，但每次我都好好彩，用唔太長時間就搞番掂，但每次用嘅方法都唔同。

最近一次係全身上下都寸寸爛肉咁嚴重（但塊面無事，所以我堅持返工），直至發高燒，右半邊身全腫，我嗰時唔知點解個腦有問題仲堅持唔睇西醫，其實係非常咁嚴重因為已經細菌感染。個中醫一見我就立即寫紙我入急症。結果喺醫院住一星期。

喺醫院上咗病房就立即注射類固醇，打咗應該有4、5日類固醇（唔太記得），我嗰時諗幾弊，應該會有後果…（事後當然就係傳說中的steroid withdrawal，紅皮症）。我影咗相俾屋企人睇，我家姐話我係一條腐屍！但我個性格係超正面，我仲攞咗公司嘢出嚟喺度做！啲姑娘仲因此成日嚟同我傾偈好開心。一星期後出院，繼續類固醇。

出院後就係惡夢喇⋯⋯我開始咗同類固醇後遺症嘅戰鬥。我好好彩，先生幫我research 到有其他人提過嘅丹羽療法。我開始食佢嘅supplement 叫SOD。另外，我開始睇某大學中醫，日日浸藥，浸到個浴缸都變咗色。初時都有跟丹羽去戒口，但過咗一個月左右，我嘅後遺症好得好快，連中醫師都問我點解可以好得咁快？無再戒口，繼續咩都食，食好多海鮮、牛肉、煎炸、凍飲。

個steroid withdrawal 過程漫長，但我同e隻怪物打仗我係次次大勝。紅皮症、翻發、出疹（小水疱）嘅嚴重程度、頻率愈嚟愈少。應該最後經過一年，我就完全好番，不留痕跡。宜家已經6年都無事。（其間無再用steroids,但仍keep 住食SOD)

濕疹係各施各法，用時間耐性去根治

SOD即係乜

你Google 吓丹羽療法 SOD 應該搵到，有好多資料睇，但我唔sure 係唔係得日文。可以喺日本Amazon 買到

我跟左你買clinica 益生菌同 gnc 魚油
另外我自己有 vitamin d3
希望可以好似你咁控制住啦
見到你好返好似有個希望咁


本身都濕疹底 之前類彈大爆發
睇中醫幾年控制到 之後太貴無再睇中醫
然後打完bnt開始嚟料
依家太勁太痕都有忍唔住搽類固醇
好驚又類彈

講真 真係唔好用類固醇。。。。

生係塊臉到 眼周圍
好影響到我
女仔影響外表好難唔用