你好
我平時份人都好杞人憂天,好易緊張。
中咗肺炎之後,就好焦慮會有咩唔舒服之類,試過有一晚有輕微panic attack 嘅情況,之後有驚咗瞓覺,好彩有朋友日日online陪住,到好返之後返翻工一排,發覺仲有啲暈,去睇中醫,醫師話仲有菌未清,我第一次食完藥覺得好辛苦,又作嘔又周身痛,但嗰位醫師話我係自己放大咗個感覺,嗰陣朋友都有講話如果好影響到你不如試吓睇精神科?
如是者我就keep住食藥食到佢話我已經清晒啲菌。但我仲有啲暈所以尋日就真係去咗睇私家精神科醫生。
因為我怕血清素嘅副作用(我本身好怕嘔、暈同唞唔到氣),所以未開始食,跟住我又醒起兩年前我失戀都有過類似情況,只不過嗰陣一直都以為係唔開心only,雖然我尋晚都有輕微panic attack(少少暈、心悸,喉嚨有異物),但我覺得兩年前都可以靠自己走返出嚟,今次都想靠自己。
所以想請問吓醫生意見,sorry for too long,唔該晒。