我就食咗一年半嘅精神科藥物,之前食開Pristiq 25mg,後來加到50mg,至後75mg,好似有加到100mg。
但上年11月,醫生寫定封信俾我有需要時入A&E,當時先發現自己係中度至嚴重抑鬱復發,轉食Brintellix,頭幾日食5mg,之後轉10mg到依架。
另外有食Abilify 2mg,但我同醫生講屋企人好似覺得我肥咗(佢哋唔知我睇緊醫生同食緊藥),當然自己都有留意到肥咗,醫生轉咗食Latuda 40mg到依架。
好彩嘅係q仔25mg唔洗加,靠佢瞓得幾好
因為我睇緊私家同時接觸緊表達藝術治療,雖然復發個段時間好痛苦,但起碼可以提早覆診,有條救命繩支援自己
最近情緒都算平穩,希望我同依度嘅巴打絲打情緒平平穩穩
不過我想問樓主其實我係咪屬於中度至嚴重抑鬱?
因為我睇私家醫生,醫生比較貼地,話唔會叫我剔問卷,之後就診斷我係咩病,但其實我對自己嘅病況唔太清楚
同埋依排情緒好似穩定一段時間,雖然偶有小反覆,但嚟緊生活上會有轉變,就係轉工,我有同醫生傾過有時食藥食到唔知為咩,而醫生話有機會減藥,不過都想問樓主嘅臨床判斷,醫生係幾時先會決定減藥?