公立醫院精神科醫生 你問我答 （2）

上一個post

政府精神科醫生 你問我答
- 分享自 LIHKG 討論區
https://lih.kg/bkipkgU

問題太多 會繼續喺度答
唔該晒有巴打幫手答啲問題

介紹下先：
我哋係喺公立醫院做嘅精神科醫生 冇自己診所

如果有時間可以like/ follow 我哋IG或者Facebook：
https://www.facebook.com/bigheartsmallheart
https://www.instagram.com/bigheartsmallheart

常問問題

點拎白卡?
https://crr.lwb.gov.hk/crr_public/doc/CRR4.pdf
搵醫生填咗佢就拎到
緊記： 白卡=/= 精神病

點解做精神科？
因為鍾意同人傾偈 同埋對個腦有興趣

可唔可以停藥？
要詳細睇病歷先知
好難喺網上咁答到你

有冇人扮病？
一定會有
有經驗嘅醫生會睇得出
但我嘅取態係 你得睇醫生嘅人一定有佢嘅原因
與其話佢扮病 不如睇吓佢點解要想嚟睇

係咪睇過就會有record?
公立醫院睇過就會有record
就好似睇過糖尿病咁
Record可以問醫管局嘅檔案部拎

我咁咁咁，有無病？
不如睇吓下面呢個網啲測試
對你來講有冇用：
https://shallwetalk.hk/zh/mental-health-information/psychological-distress-test/

點樣睇到精神科醫生？
拎任何一位醫生出嘅轉介信
去你住址所屬嘅精神科診所排期就可以

點叫人睇醫生？
如果擔心屋企人有問題
要有一個關心嘅態度
睇吓佢會唔會有其他身體唔舒服
例如失眠體重下降胃痛肚痛頭暈等等….
氹吓佢去睇醫生

如果你一開波就話：「你都黐線嘅 你快啲同我去睇醫生啦。」 你一定唔會成功。

臨床心理學家同精神科醫生有咩分別？
大多數臨床心理學家係
首先讀一個心理學嘅學位，再讀一個臨床心理學嘅碩士，再過埋實習。

精神科醫生係
入醫學院學咗一個全科嘅醫生 再做一年實習醫生
之後搵其中一間醫院嘅精神科部門入training


你可唔可以唔好再扮醫生?
我每日朝早就返去扮醫生
六點就Home leave 返屋企
冇得Home leave 嘅話 就留喺醫院on call

覆番上個post

#410

你係Leo定蜜蜂

有時係Leo有時係蜜蜂


#412

醫生會唔會轉/接counseling /therapist 工作?

醫生都可以做心理治療

#422

如果有需要
拎返封轉介信 再排隊


#435

我之前屋企火燭，
而家喺個朋友度暫住，
雖然我朋友個人做野有啲亂黎，但係相處都幾開心，
而家有人話我個朋友係我幻想出黎，
究竟我點做好

參考下 2:07:
https://youtu.be/9ghUMVaThdU

#440

長期食精神科藥物，除咗會肥個D，會唔會影響日後生B？

某啲藥會導致畸胎
懷孕前一定要諮詢醫生意見

#443

醫精神病啲藥係咪淨係得食到人呆呆滯滯???
冇得正常醫??

有時藥物會令病人覺得攰
但有啲病例如思覺失調 會有陰性病徵
未必一定關啲藥事



#449

有冇咩擔心令你唔想食藥？食藥有時未必一定係壞事

#454

係咪睇過就會有record?

公立醫院睇過就會有

#456

想問吓精神病有無遺傳？
家族有幾個親戚都有精神病史 入過院
屋企人成日有啲奇怪諗法 例如俾人換咗屋企個雪櫃
自己都成日諗嘢好負面好易depressed 覺得人生無意義

如果屋企人有精神病
你患精神病嘅機會率都會增加 但唔一定會有


#460

Bpd borderline personality disorder 點救
呢種人做情人老公老婆好恐怖

好時就奉你上天當你公主王子一樣， 但極端控制
只要你唔係佢100%perfect list only miss1% 就無限精神折磨你😞

伴侶係呢隻點幫佢

點解最初你會揀佢做伴侶嘅？

#461

會唔會驚俾病人打/殺?

會有少少擔心 但慣咗
其實最危險係病人助理
佢哋接觸病人嘅時間最長

#466

一定要有一封轉介信

#468

多唔多政府員工睇精神科

唔敢講多唔多
都有

#469

master in nursing可唔可以入到行做精神科護士？

我哋病房都有啲general牌嘅護士

#470

老母有燥鬱症，一直睇開政府精神科，但都係反反覆覆，都差唔多成2x年，醫生每次都係話調教下d藥，仲有冇得搞？

如果想跟進得好啲
考慮吓向醫生要求密啲複診
咁調教完藥之後都可以睇到個狀況

#492
​​

有人講過咁多個專科既醫生

精神科係最渣 你同唔同意

咁有冇講過邊個專科最叻？


#493

失眠點處理

試吓上網search吓睡眠衛生

#498

徐晃幾大

啱啱好轉到身

#505

認真問
我屋企人有精神分裂思覺失調 會話比人hack電腦同埋成日話想攻擊人 攪到成日三更半夜比佢揼野嚇醒 同埋成日仍住佢會想傷害埋屋企人 但我老母又唔肯簽佢入番去醫院 想問下有冇咩推薦嘅解決方法？

阿媽點解咁擔心佢入院？
同埋食藥情況點樣？

#517

我知門診好多都未係專科醫生黎, 你係普通科醫生係精神科門診做定係已經做左專科醫生?

我自己覆開精神科, 不過最大問題係一個case 得好短時間睇, 你點平衡自己盡量唔hea 得黎又可以幫到病人?定已經放棄左好似一念無明個種醫生咁?

已經有專科資格

唯有
如果嗰日少啲病人 就睇慢啲傾耐啲


#519

朋友有被害妄想，點樣可以幫佢

除咗被害妄想佢有冇其他唔舒服
試吓用其他原因帶佢一齊睇醫生
跟住再同醫生講佢妄想嘅問題

#520

點解安排CP個時間咁撚長

因為佢哋人手真係好少….

#512

你嘅patient 多咩職業
或者行業
有冇話男多定女多

乜嘢職業都有
家庭主婦 無業 專業人士 都有
女人會多啲

#524

覺得自己有躁鬱症狀，應該點求助好？唔該樓主

拎轉介信睇醫生

#528

男護有咩優勢?女人就多數細心有同理心啲。
利:巴 為錢讀緊

男護都可以細心同有同理心
唔好Stereotype左自己

#529

今日有個人同我講佢受精神病影響所以近幾日開始有喉嚨痛，絕對唔係感冒都唔係武肺病徵。

信唔信佢好?

好難講信唔信
盡量聽吓佢講

#533

你地精神科醫生覺唔覺好多精神病患者唔願睇醫生, 仲歧視返肯去睇醫生的院友同埋精神科醫生, 變相被人覺得白卡都係扮, 身邊唔少人仲癲過白卡.

的確有好多精神病嘅人未必咁願意食藥或者睇醫生

但後面嘅就唔同意…

#537

焦慮症點解會咁多胃氣

的確
好多有焦慮問題嘅人 腸胃都特別覺得唔舒服
所以有人提出 brain gut axis 呢樣嘢
幾有趣

#539

老人精神科由
好輕微嘅認知障礙症
都嚴重到有行為問題嘅都會睇

好可惜認知障礙正症個病暫時係冇方法根治 只可以諗方法拖慢佢退化

#541

想問下
之前發生好多唔開心事 又有長期病
我訓覺經常發惡夢 會從夢中嚇醒
揸實拳頭 心跳好快
好驚
要拍下心口冷靜下
都成年幾了
係咪情緒有問題？

可能係情緒問題嘅先兆 建議你搵專業人士睇一睇

#546

老人家？
老人家有屋企人可以氹吓 聽吓佢講
好多時都好願意睇醫生
你可以試吓話： 你成日覺得咁唔舒服 我哋搵人幫下你啦



#548

幾歲
幾多年經驗

後生D果批
唔自爆
行頭太細


#551

俾人判無限期醫院令係咪成世都出唔返嚟

唔一定

#553

asperger+adha攞唔攞到殘綜

要睇嚴重程度

#544

考試御守

#555

有長期情緒低落 似真係有啲抑鬱嘅症狀

問題太多
盡量逐個逐個答緊


#556

想問係咪半年會轉一次醫生

如果你睇嘅係初級醫生
逢一月同七月都有機會轉
因為佢哋會轉去唔同Team同唔同醫院

#559

點解我兩三年先可以覆一次診

你睇咩病

#560

病歷冇你同意唔會放出去
但我理解好多政府工有機會 要求你同意俾佢睇病歷

#561

朋友有焦慮症同強逼症(完美主義)
可以點醫法？

如果係一個完美主義嘅性格 我哋未必會當佢係病

#567

精神科醫生診斷嘅方式私家同公立都冇乜大分別
都係會診 觀察 問病歷同 屋企人攞資料
再加抽血+/- 其他檢查去排除身體問題

#569

你做開邊範？邊間醫院做？

我哋邊範都做


#571

如果父母有精神病，
係咪會直接影響到個確診機率？
醫生睇唔睇到病人家屬嘅精神科記錄？

醫生睇唔到屋企人嘅精神病記錄
除非你同我哋講

#573

點睇精神科護士

精神科照顧團隊入邊重要一員

#579

有無診斷過有解離症/多重人格障礙病人？點醫法？

無

#582

葯廠有無回佣著數比醫生/採購部？

無
如果收咗 等飲咖啡

#591

如果你唔同意比病歷
理論上冇人可以睇到



#602

覺唔覺心理學家好撚廢，書呆子吹下水就逗十皮八皮

心理學家好重要架。。你有不快經歷？

#605
​​

呢排我係連登呢到同左一位都係有depression既巴打傾計 雖然佢有睇psychi 但一直都唔太信任個醫生 而且keep住有suicidal idea 應該點幫佢好 佢唔係好信d藥 同埋怕抽血所以加唔到藥
可唔可以幫手諗下計呀 見佢成日depress好擔心

要鼓勵佢同醫生慢慢建立互信 坦承說出他的問題 才能對症下藥啊


#608

好奇問下精神科既病人通常係點開始黎睇醫生？

有時候社工轉介，或家人建議，或自己求醫
Venlafaxine 是抗抑鬱藥物
抱著關心開放的態度，跟他了解下現在的狀況




#615

想問點樣讀psychiatry 有無tips ?

你讀緊咩？

#617

ching 有冇係cu做mentor……

無

#618

門診係唔係枱底有個制

一㩒就成team人衝入黎捉人

係呀
我有次唔小心hi 到
D 護士入到嚟….

有冇試過真係要用個制
可唔可以講下咩情況？

病人情緒不穩定，自身安全受威脅

#619

點睇allied healthcare professionals in mental health? E.g occu

擔當很重要的角色

#612
​​

alprazolam係咪會令記憶力下降？

有可能，甚至導致疲倦和集中力下降，長期服用會依賴

#622

呢科多唔多靚女醫生

見仁見智

#625

一齊屌爆樓主老母
公立醫院精神科新症要排5年
我護士朋友話就係樓主呢班廢閪日日喺度鳩做hea 做先所以要排咁耐

屌你老母呀樓主

不如一齊X政府

#628

同小鳥醫生熟唔熟

秘密

#629

確實 香港人每日真係面對好多
學會苦中作樂 乃是生存之道
多外出 見人 社交 , 溝通能力自然會慢慢提升

尋找自己的興趣很重要！
可以試下參加興趣班，興趣班很多時候都需要與其他人交流
慢慢來，慢慢練習，不用逼自己太急進

#631

成日係街見啲人自言自語，果啲係咪精神病

唔出奇
可能同幻覺對話緊

#635

強迫症
睇左差唔多兩年政府精神科加心理學家
但個病好反覆，甚至有差落去嘅趨勢
點算好？

繼續複診
繼續見醫生同埋心理學家
試吓可唔可以要求見密少少


#636

有冇男朋友/女朋友

秘密

#637

焦慮（強逼）加抑鬱，政府醫院會開咩藥

一線藥物會開SSRI

#650

當然可以

#662

點diagnose schizophrenia? 有冇遇過有人扮schi? 點分真係有schi同扮

利申 OT 想了解下schi

當時 schizophrenia 發作嗰陣 主要 有幻覺同埋妄想嘅情況
有機會自言自語 情緒可能會有波動
同埋仲有啲陰性病徵
可以試吓睇吓ICD10


#674

上下晝各睇幾多症

門診嘅話多數睇20左右

#678

點先入到psychi speciality,近呢幾年競爭好大，好多人都想揀psychi

試吓去唔同醫院做attachment

#688

有無D咩建議係可以唔食藥又可以改善個Tics

困擾多年

有冇試吓見心理學家
有樣野叫 Habit reversal training

#701

答到盡量答

醫生 想問下一個成年男人 大叫吵到成層樓都聽到 係咪有精神病？ 同埋每次有人同佢傾過計 佢都會大大聲不停重覆之前講過嘅嘢

答唔到你要見到個人先知

#704

點解住院唔准上網同玩電話？

因為上網同電話都做到好多嘢
例如投資 轉錢比人等等

#709

http://atp.tungwahcsd.org/index.php/Mobile.html
有冇試吓搵佢哋幫


#711

強烈建議去搵一啲專業人士幫手

#715

成人ADHD有咩方法或者藥可以改善？

ADHD藥物第一線都係會用ritalin

#718

想問下普通嘅精神科門診同思覺失調診所有咩分別?
普通精神科又唔係開唔到antipsychotic
個精神科醫生refer我去

思覺失調診所係精神科入邊嘅其中一個診所
跟進三年之後
會轉返去普通精神科繼續跟進

#724

點樣做精神科醫生

讀六年醫科
做一年實習醫生
再入醫管局做六年精神科 一邊做嘢一邊讀書
就得㗎啦

成績固然會睇
但最最最緊要係你houseman嗰年做成點

#726

可能醫生要再收集其他人嘅觀察
例如學校老師等等


#733

青山同葵涌醫院係分別服務新界西同埋九龍西嘅病人

如果你係呢兩間醫院嘅舊症
你去邊一個急症室都會送返去嗰度

#737

ODD其實有無藥食？

多數唔使食藥
除非有其他病症

#743

你有冇精神病？

應該未有

有冇試過一啲位會好Anxious 或者Depressed
（例如考fellow 果陣時）
咁你會做/用啲咩non pharmacological 嘅方法去get through 呢？

我鍾意做運動 例如跑步同埋游水
大壓力嗰排 會特別做多啲

#749

睇嚟好熟我哋嗰行喎 🧐

#755

點解精神科藥咁多都要夜晚食 轉去朝早食得唔得

因為有啲藥會令人攰
放喺夜晚食 順便可以幫助睡眠

#756

認真問
1) 小欖 (SLPC) 係咪冇常駐嘅精神科醫生 即係話全部都係青山 (CPH) 度抽調過去嘅 Visiting Psychiatrist? 就算有 係咪都冇常駐嘅醫生做 forensics 嘢?
2) 通常俾人告老謀嘅喺SLPC住的話 通常都會想話自己一係精神失常(insanity) 或者係減責神志失常(diminished responsibility) 而呢啲個被告一定要搵精神科醫生做專家證人 咁如果律政司唔同意 佢哋就通常會傳召呢啲 visiting psychiatrist(s) 去反駁嘅 對於呢樣嘢 有幾個問題
(a) 你哋點樣去決定要見個被告幾多次 (我見有啲可以見幾十次 但有啲又得幾次)?
(b) 如果佢哋唔合作嘅話 咁單靠搵啲護士嚟監視佢哋嘅行為舉止嚟協助寫份報告又係咪可行?
(c) 啲政府醫生係咪傾向唔同意被告請嘅私人執業嘅精神科醫生? 究竟係因為單純係私人執業醫生多數傾向寫得對被告favourable 啲吖 定係政府醫生見啲被告嘅時間長啲所以係at a better position吖 定係有其他原因?

暫時係咁上下 感激不盡

SLPC 係青山醫院抽調過去嘅精神科醫生

即人俾人還押咗SLPC 都有探訪時間
每個病人都有權利去見自己嘅醫生 包括自己選擇嘅精神科醫生 冇得咩同意定唔同意
理論上專家證人 無論係控方定辯方請
個目的 係要幫法官搵出個真相
包括被告嘅精神狀態

有時你見得一兩次就寫個報告 個官可以挑戰你
點解咁短時間可以作出一個咁嘅判斷

#762

通常焦慮症會開咩藥或者有咩舒緩方法？認真問

藥第一線會用血清素

睇吓呢個post幫唔幫到你
https://www.facebook.com/104138272247967/posts/111679401493854/?d=n


#767

做一年實習醫生
搵工嘅時候搵精神科
完咗實習 就可以開始精神科嘅training

#772

私家同公家嘅醫生其實係咪都係咁醫？差唔遠？
會唔會有"睇公家先醫得返好，睇私家反而唔得"嘅情況？
睇咗一排私家 好貴 未睇得出有冇好返幾多 都仲係咁上下
咁但如果轉睇政府嗰邊 會唔會有機會好好多？想知

我相信無論私家定公立醫院嘅醫生都係專業嘅


#775

要睇病情
肯定診斷係抑鬱症？

#776

覺得連登邊個台最多白卡

考慮叫連仔開個白卡台


#785

食得多精神科藥會唔會變蠢?

唔會

#807

有個friend恐慌症發作，我喺佢身邊應該點安慰佢好

試吓陪佢一齊慢慢呼吸
或者用一個紙袋俾佢 對住個紙袋呼吸

最緊要係要 減慢個呼吸
啲徵狀就會隨時間消失

#808

唔識社交關唔關精神科事

唔一定

#817

驚恐食左fluxotine (唔識串） 1x年
如果想停藥有無可能，定係要食一世
想生仔ge話要停左幾耐先可以

有可能停

如果食得耐 呢隻藥個half-life 好長 即係停咗藥都會留係身體一後長時間
如果要懷孕 要先同主診醫生商量
因為要睇你詳細病歷

#834

多唔多psychi轉cp and vice versa
同埋想知你個人係prefer medication定psychotherapy嘅approach多啲?

我個覺得最ideal 係兩樣野加埋一齊

兩樣好難轉..
一個undergrad 係MBBS 另一個係 Psychology

#848

政府精神科係咪多數由HA普通科門診轉介CASE比你
定還是係由其他途徑轉介比你地
轉介比你果條友如果係普通科, 醫生點先會覺得佢需要睇精神科?
印象中好似有D大殺傾向問卷比病人填, 仲有冇其他判斷方法?

任何醫生既轉介都會收
普通科醫生做學生果陣都有教過精神科
所以都有少少認識

#858

病人同你講大話你分唔分到，
或者佢認為嘅嘢同真實情況唔同咁點
病人未必會自己帶家人朋友嚟
你點分佢同你講嘅係咪真同埋無隱瞞

有時唔肯定
會搵護士探下 拎多d資料

#859

樓豬男定女女女想識

TG: hugo1991

#876

兒童精神科係咪無咁易開藥/有無啲趣事？

兒童精神科開藥會好小心

試過喺急症室睇症
個阿媽帶咗一個小朋友入嚟話要睇精神科
因為個細仔喺屋企 唔俾佢打機所以發脾氣

我心諗：我細個打機都打到天昏地暗 比阿媽小到飛起 我阿媽都都冇送我去急症室

如果係自閉小朋友通常會開啲乜大路野但以我所知自閉症係無得醫，開藥係改善佢神經？

有無啲案例食食下要住青山？

青山醫院只係serve 新界西既病人
唔係嚴重d先入去

#878

10幾歲中7果陣睇睇下電視好似透唔到氣咁，之後一段時間訓教好似被鬼壓咁，成日個人醒左但身體要好用力先起到身，去過公立照腦又冇事，之後一兩年忽然好驚搭地鐵飛機，心跳加透唔到氣，去到頂峰就落番黎，上網search覺得同驚恐症好似，到宜家事隔左近廿年，都從未再睇過醫生，但自己好似認定左係呢個病咁，每年平均病發唔超過五次，而我都學識病發點令自己好d, 咁其實到底係咪驚恐症，要唔要睇醫生

就咁聽落真係好似驚恐症
睇吓情況會唔會再嚴重落去 如果真係令到你咩都做唔到
可能有需要見醫生食血清素
當然如果你可以舒緩到啲症狀 可以再觀察下先

#922

每次見outpatient嘅時候究竟會入咩資料落電腦？ 會唔會好詳細？

我哋會打低History:
例如心情 瞓覺 食嘢 等等…
同埋 mental state examination (呢個係一個好大嘅topic)

#927

其實點分精神病同壓力大？

睇吓幫唔幫到你
https://www.facebook.com/104138272247967/posts/115200424475085/?d=n

#959

的確醫生嘅主要範疇係開藥
但當然對心理治療有基本嘅認識

#969

其實點解病人唔睇得自己排版

你可以問檔案部攞copy
要比手續費

#974

抑鬱簡單黎講係咪 對事物、人過份執著 ?

睇吓呢一篇有冇用

https://www.facebook.com/104138272247967/posts/110046294990498/?d=n

#991

答到盡量答

其實精神科醫生做asd的assessment 係based on乜野去做？

問症 問屋企人 問學校 臨床觀察 等等

上個post 既回覆可以睇 #3 - #9
如果漏咗 唔好意思
麻煩再問

青山入面護士照顧得好唔好？同埋青山醫院係咪對精神科既治療係對比出面更全面？

今日先第一次見公立
想問下強迫症可唔可以申請白卡

青山醫院係服務新界西聯網嘅病人

咁出名係因為青山醫院歷史悠久 以前好多精神科嘅病人都會送去嗰度 但而家已經唔係咁樣做法

唔一定
要問一問主診醫生

想問巴打覺得香港有邊個精神科醫生係有心幫人或者有料
定其實個個都差唔多開啲藥來來去去都係嗰幾種冇乜分別

要好嚴重既精神病先會批

強帖留名

唔方便開名講d醫生 （不如睇吓個post 有冇人 睇過邊個好）

做得醫生都會有心去幫人
識點樣用藥緊要 識點樣去同病人溝通都好緊要

較嚴重嘅情況會批

都係果句
要主診醫生決定