公立醫院精神科醫生 你問我答 （2）

原來係咁

如果本身做創作係寫嘢/畫畫
會唔會無咗感受寫/畫得無咁到肉

香港興唔興用ECT?

醫生睇過幾多病人係真係可以完全好番唔洗再睇？

唔知點解覺得返工/出街總之個人keep住有野focus 分散對焦慮症嘅注意力
對焦慮症舒緩嘅效果仲好過食鎮靜劑或者血清素

有啲人係咪寧願走去返工都好過留喺屋企休息胡思亂想

宜家睇緊私家一次四千幾（一個月一次），寫信嘅話一封500，開始覺得負擔唔到想轉公立，加上我覺得我同醫生唔係好夾，一方面我表現唔到最真實嘅自己，另一方面佢成日都唔記得我講過嘅嘢，同埋次次都係重複一樣嘅問題，但因為以下原因一直冇轉：

1. 聽人講政府精神科醫生質素參差，有啲過咗半分鐘就叫病人出去

2. 有啲人話睇公立醫生次次唔同，係咪真？

3. 轉過好多次藥，轉到去公立醫生會唔會知道我之前試過啲咩藥？

4. 唔想再同人重複自己嘅情況/創傷

5. 雖然我覺得而家個醫生同我唔夾，但其實我試咗好多隻藥之後開始真係有好轉，我驚重新適應/如果新醫生更加唔夾會惡化我嘅情況，我唔夠膽冒呢個險

醫生你可唔可以俾啲建議我，唔該
P.s.見你覆咗好多comment，成十幾頁，好人一生平安

點解要寫信嘅

請假信/醫生証明，醫生紙嗰啲囉
之前一次過叫佢寫兩封，佢真係收1000

依啲唔係免費架咩

都有唔少㗎 要睇個診斷 情緒病會比較多啲 完全好返
即使好返 冇食藥
我都會叫佢哋長d時間 例如半年來睇一次

醫生質素我覺得冇話好唔好，反而夾唔夾係一個問題。每間醫院精神科都會嘗試安排同一個醫生，但有時初級嘅醫生會轉team同轉醫院，不能避免每半年至一年要轉醫生。

公立睇新症，醫生會問番你病歷。可能都要講多次你嘅經歷。但如果你唔太想詳細講都可以，簡單咁講就得，最緊要你舒服。至於試過咩藥，可能真係要靠你或者你個私家醫生嘅紀錄，因為電腦睇唔到私家醫生啲

其實，公立醫院同埋私家醫生可以兩邊睇。最緊要兩邊醫生都知道大家開緊咩藥，唔好double 咗。

得閒俾多啲時間睇門診啦
玩連登？