IH電磁爐真係先進過煤氣爐好多好多

淨係睇唔到入面都爭好遠

其實點解唔得

咁佢嘅經驗的確幫唔到佢解決問題 佢只係用佢經驗黎判斷溫度夠唔夠 代替用溫度計測溫 而如果實際溫度同佢想要溫度差成一百度 我相信唔使幾熟手都睇得出個分別 而器材問題唔係一個廚正常應該識解決下話

你仲係唔明我講緊乜。
你衣家立即做一個空燒實驗，你攞一個普通幾百蚊家用電磁爐黎做，用一個普通圓底生鐵鑊就做到，做幾個唔同嘅設定。

邊爐mode
設定1：
就咁放隻生鐵鑊上去開2000W空燒，要放正中間，你計下幾多秒後會同你停機。

設定2：
呢次要加多個工具，一個鑊架，用黎將鑊底移高爐面用，我自己係買左呢個。

將鑊底設定離開爐面約5-8mm左右位置，總之要保持到一定火力，又唔可以太貼近爐面就得，然後又係開2000W空燒，又係計下幾多秒會同你停機，呢次要注意多少少野，有冇燒到個鑊發紅光，你要紀錄埋幾時開始發紅光呢個時間。

做完邊爐mode, 之後就係用爆炒mode：
設定1：
又係就咁放隻生鐵鑊上去開2000W空燒，要放正中間，你睇下會唔會燒到自動熄機，你應該會發現係唔會熄機，咁就睇下又有冇燒到發紅光，有就紀錄低開始發紅光時間。

設定2：
又係用返個鑊架，又係將鑊底設定離開爐面約5-8mm左右位置，又係要保持到一定火力，又唔可以太貼近爐面就得，然後又係開2000W空燒，又係睇下會唔會同你停機，但又係嗰句，應該唔會同你停機，之後係有冇燒到個鑊發紅光，如果有，紀錄埋幾時開始發紅光呢個時間。


就係以上嘅實驗，你自己實際做一次睇下。
我做呢個實驗時用左鑊架係可以燒到個鑊出紅光。

如果你唔肯做呢個實驗，就麻煩你自己去問電磁爐生產商，問下我講嗰啲野啱唔啱，問佢地個爐功率輸出設計喺唔同模式下會係點。

廢老集中post真係無錯，不學無術唔去了解原理，自己「經驗」當真理，人哋質疑就問你用過未
世上所有鑊只係得易潔，生鐵，碳鋼，不銹鋼，其他都係variant嚟

不學無術

點解有人會講得出鑊氣係拋鑊嗰下，商用火爐你開最大火你唔拋，特別埋尾嗰下開最大火攞鑊氣時，你唔拋，好易燶，你拋係不停翻滾啲食物先唔會咁易燶，屋企個火慢溫度冇咁高先可以用鑊鏟慢慢兜。

我前面都有問你係整咩需要燒到發紅光

咁你都認證左啲「一家之煮」話喺屋企一定要用煤氣爐拋獲先有獲氣，其實都係FF岀黎

係，好多人用緊呢啲，但好多人唔知呢啲模式係有乜分別，其實最主要分別係煲水邊爐mode同炒餸mode。
前者溫度過高保護，如果你用黎炒餸，係會好易出現溫度過高而停機情況，廠方話呢啲係防止你空燒，炒餸mode係唔會，但啲廠做左啲手腳，炒餸mode係唔會停機，但佢會減少輸出功率，而你煲水邊爐mode係唔會咁做。
你用嗰啲應該係啲高級家用電磁爐？其實啲模式我基本都唔用，因為真係冇乜用，我只想佢唔好因為高溫減少輸出功率就得。

其實我不嬲都係想平反啲人對電磁爐嘅誤解,我自己好中意電磁爐,我成日都覺得好多係因為唔識操作電磁爐同埋唔理解唔同廠商對電磁爐嘅限制而對電磁爐出現左唔同程度嘅誤解。

我一直問既原因，係因為所謂獲氣，根本唔係來自拋獲

煎西式野都係用電磁爐嫁啦（唔計牛扒）

有冇人會明火煮意粉咁on9？

其實普通爐升得慢,係因為出現左個溫度保護機制,2400W如果你可以做到唔觸發個爐嘅保護機制,其實唔會咁慢。

我係用厚身嘅生鐵鑊,加埋一個鑊架,等個鑊可以唔接觸爐面,唔觸發個爐嘅溫度保護機制就可以燒到見紅光,但問題係,你升高左個鑊,會減少加熱範圍。
一勞永逸嘅方法,最好就買啲商用少啲溫度限制保護嘅,以前舖頭買商用單頭嘅,行大圓三腳,好似只係二千幾蚊,同一般嘅家用雙頭差唔多價錢,如果搵到圓面可以用中式鑊嘅就最好。

唔怕爆,不過怕熱到溶左入面啲塑膠零件啫
睇下遲下玩唔玩命

駁唔到

呢度啲廢老仲喺度咩人手明火拋鑊再加埋環境熱先有「鑊氣」
magnetic field又話有害

Golden咪用明火煮意粉

其實佢又話要改又話要拆
淘個爐可能仲安全過

講得好好，不過梅納效應百幾度就做到，家用爐應該都做到，易潔鑊就算把啦，我諗呢度話喺屋拋鑊啲人應該都係用易潔

巴打有料