IH電磁爐真係先進過煤氣爐好多好多

我唔會質疑電磁爐，我好中意電磁爐，所以我先會想改裝衣家部電磁爐，因為一般家用嘅電磁爐都係被封印住嘅好野黎，我甚至想買埋商用嘅，以後唔洗用明火。

我唔知你有冇做過廚房，其實我真係靠睇就會知個溫度夠未，出面做中式廚房唔會有人攞住個溫度計你度，可以試到，之後就會睇到啲油溫度夠未，就算猛火逼油，你會睇得出啲油嘅狀態係唔一樣，我炒野比啲客都係靠睇啲野夠鑊氣未先會起比客，唔會攞溫度計去度，因為炒野夠唔夠鑊氣真可以喺炒時睇得出，你去用一次商用爐頭就會明我冇呃你了。

你假設左電磁爐一定加熱慢過煤氣？

電磁爐/煤氣爐都冇用過
企唔到立場
你地繼續努力推爆個post

你本身呢行搵食嘅話
當然唔使睇溫度計就知道大概幾熱
佢嘅意思係
好多行外人其實都唔知啲嘢幾熱
只係人云亦云
一味9噏電磁爐冇火力
其實同一般家用煤氣爐比唔會爭好遠
你話同出面啲鼓風爐比當然冇得比
嗰啲就真係有鑊氣

唔係要夠薄導熱快先可以爆炒咩？

你不如去了解下IH電磁爐運作原理再講

其實屋企火爐都可以做到接近出面嗰啲鑊氣，只係差在好多人未必肯開咁大火，同埋手腳未必有咁快。

都係嗰句，質疑電磁爐唔得嘅人，只係買錯爐，誤會左電磁爐，電磁爐根本唔差。

証明你真係唔多識煮飯... 完...


我上次見個FRD 拎D 電磁爐炒熱

DKLM 炒到水汪汪.... 以為佢煮 RISOTTO ????

原來佢炒緊野, 我真係屌都廢時

當你係商業mass production ，習慣左一套流程之後當然可以省略左測量個部分
例如實驗左炸薯條方法，第一轉130度，第二轉180度
真係熟手用眼睇到油溫，或者有啲人插筷子落去睇岀泡唔影響成品質素咪冇問題

我估five guy啲人炸薯條都唔會測溫度
但係前提係確定左一套標準化流程之後

你依家係器具岀左事，你都解釋唔到，但係就不屑用溫度計去搵岀問題喺邊，因為你習慣嘅中廚係從來唔用，已經係中國人差不多文化嘅問題

我想學整日本mr cheese cake，人哋公開左食譜，寫明份量，溫度，時間
我一個完全未整過嘅人照住做可以整到一模一樣

但係照你講你個中菜廚房，就完全係經驗主導，簡單啲講就算一個師傅想教，都冇能力用科學方法去教

當然唔係話中菜一定係咁，佛跳牆都有人用化學解釋吊湯原理，但係明顯大部分中廚都冇西廚嘅系統化同精準

我咪就係咁意思囉

咁究竟邊款電磁爐掂拎個五百蚊2100w pan記煲水蒸野好爽手 做其他野真係投曬降 炒鑊陶瓷煲用唔到 炒野溫度唔均衡
一定要幾千蚊個 再換曬成set專用廚具先得? 咁我繼續兩邊各用各算

有得兩邊就兩邊啦
不過5舊水pan記應該係冇變頻嘅垃圾
你買個五舊水露營卡式爐都冇得同屋企煤氣爐比

依個係即刻火滾到掉爛佢嘅程度

咁我個雙頭煤氣爐都係千零

你唔信冇問題，其實你可以直接問電磁爐生產商，佢地應該有技術部門可以直解答你嘅問題，驗證下我講嘅野到底啱唔啱，一般家用電磁爐喺炒餸模式下，爐面溫度越高，輸出功率就會下降，再問埋如果將貼近爐面嘅傳感器移去爐入面其他涼嘅地方，再用炒餸模式甚至直接用煲水 邊爐模式炒餸，會有乜野事發生。

其實嗰時讀中廚時都要考理論，衣家中廚西廚其實一樣咁讀，一樣要讀油溫嗰啲野，啲野要點切，切乜形狀，切幾多cm，好多野其實都有所謂標準化，特別係中式點心，一樣會有個步驟同份量比你，你係必須要跟足，根本成套已經同西式一樣，但到你出黎做時，好多時都要自己執生，有時啲野係冇儀器幫到手，呢樣係好體驗到喺煮食，我自己都有學過西式包餅同中式點心，包餅點心係同煮食有啲唔同，煮食因為好多時係唔用焗爐，要你自己親手操作，好多野就會有出入了。

其實講咁多，點解你唔乾脆自己用電磁爐炒幾次炸幾次？用下唔同模式，再用埋火爐黎試，再去搵個商用嘅爐，用返同樣2000W黎試睇下效果，你只要試下就知我有冇講錯，到時你可以指出我有邊度講錯，我好歡迎你講下我嘅觀察有乜遺漏左嘅地方，我都想知道下更多現象嘅背後嘅原理。

其實真係中上價位嘅電磁爐(例如siemens iq700系列)果啲係有好多段火(17段)，我自己整南瓜布甸果陣可以好精細調到個火煮到佢唔滾但又可以煮杰嘅熱度，無relay 啪啪聲果種開關情況，呢樣係平價爐做唔到嘅嘢

至於最頂級嘅iq700 lcd 控制面版電磁爐直情標榜有四十幾個線圈平均分布接觸面，佢嘅溫度分佈應該比平少少嘅iq700更平均

2000幾蚊個pan記單頭唔及得上一個2000幾蚊嘅煤氣爐好用
可能2000幾都係垃圾黎

煎十鳩幾塊扒都唔會下下吉支溫度計入去mon住 西廚忙起上黎咪又係憑經驗感覺 係近年food science開始流行先咁强調我地呢啲home cook要跟

鐵傳熱唔高，但存熱好，厚小小嘅鑄鐵會好啲。同埋要預判火力，比如加材料/落水之前預先加大個火，盡量唔好俾佢凍落嚟，一凍就好難熱得返

我經驗喺薄嘅不鏽鋼鑊喺最易奶嘢，同埋唔靚嘅塗層plan 都係

睇master chef見D人都係明火，應該有佢道理既