「劇透注意」艾爾登法環Elden Ring劇情討論區

多數同支線有關係

死王子無得打
因為佢被古龍壓制咗
但之後古龍會被佢腐化做死龍
你有得打條死龍

成個黃金樹家族都無個好人黎
你開場OPENING 見到接肢撚屌CALL馬打王城
反而係惡兆王扑心扑命係度守住王城
明明自己受人厭惡
明明自己係黃金樹家族既一份子

因為是愛呀

蒙格都是葛王個仔
同蒙葛特是孖生

米凱拉是瑪莉卡同拉達岡生既仔
女武神既呀哥

拉卡德是滿月女王同拉達岡生既仔
封地係火山
但火山本身有蛇神係到
拉卡德被蛇神腐化
最後合體

其實trailer好多劇透
https://www.youtube.com/watch?v=K_03kFqWfqs

葛字頭就係初代環王同女王瑪莉卡生既
拉字頭係就拉達岡同滿月女王生既
米字頭就女王瑪莉卡自己同自己生既

菈妮支線

上面有講菈妮有份策劃陰謀之夜
但佢自己最終既目標係擺脫黃金律法既控制
所以係殺死葛德文之後佢就偷走把黑刀自殺
唔知咩原因佢無變成死誕者
靈魂附身係一具人偶身上
黑刀因為連殺兩個半神
最後粉碎,大量命定之死散佈係交界地
所有被賜福既人都會迎來死亡
之後就到GAME入面我地既任務
同菈妮既三個手下組成小隊

「狼人布萊澤」菈妮既影獸
每位神都有一位影獸跟住,講係保護佢
實質係監視佢
女王既影獸係黑劍
菈妮既影獸就係狼人
「軍師伊吉」係山妖族
山妖族同卡利亞王朝交好
而菈妮係卡利亞王朝既公主
「魔法教授賽爾維斯」無乜講佢既背景
但可以係卡利亞要寨到有自己座塔,地位應該唔低
後尾知道佢係仆街色狗黎
鐘意將人變成人偶
想將打接肢個陣幫過我地既蠻族女戰士變成人偶
幫菈妮既原因都係想將佢變成人偶

菈妮支線2

雖然狼人知道菈妮背叛黃金律法
但佢依然靠個人意志壓住自己唔被控制
繼續幫菈妮
菈妮要我地做既就係入永恆之城
將「獵殺指頭刀」拎到手
之後我地就將獵殺指頭刀交俾菈妮
佢就傳送走去殺佢既二指
呢個時候軍師伊吉就將狼人布萊澤封印
因為狼人布萊澤係二指派黎既影獸
佢驚狼人布萊澤會控制唔到自己去殺菈妮
(我將狼人解印咗,唔知後續有無唔同)
魔法教授賽爾維斯叫我將藥水俾蠻族女戰士飲
想將佢變成人偶
我將藥水轉交俾百智爵士,再呃賽爾維斯話佢飲咗
後來賽爾維斯就死咗
唔知是百智殺既定係菈妮殺既
我地跟住最後一座法師塔既傳送門黎到永恆之城
呢個時候要打一個狼人外形既陰影
我估就係狼人心入面既陰影面
拎到鎖匙,再解開魔法學院既箱拎到戒指
就可以去搵菈妮
到我地搵到菈妮個陣,已經見到佢殺咗自己既二指
再幫佢戴上戒指
菈妮就成功擺脫到黃金律法既束縛
去追逐群星

拎到指頭刀之前繼續做教授個任佢會整支藥水叫你比拉妮飲
如果你真係比左既話佢隔左陣就會醒番
仲會即場殺左你同教授
話你竟然同d咁既人渣有相同嗜好
之後你就冇得再做拉妮線

估計拉妮其實一早知佢d衰野
所以一拎左指頭刀之後教授就會即刻死冇得做教授個任

是
之後係三法師塔到會搵到個密室收埋好多人偶
其中一隻是魔法老師瑟濂

咁荷萊露背上面隻獅子係咩來？
佢本來都無隻獅子 之後無啦啦見返佢就多左隻野
又比佢無啦啦殺左

要塞門口隻白龍到底係點

你寫的呢堆野，咁似係nga 果堆內容的。
到底左抄右定右抄左

呢集個故事輪廓清晰好多
好易推敲出大致劇情
會似都唔出奇

有參考好多唔同既講法

唔記得係邊樣物品到睇過話王城既宰相係獸族
就是個隻獅子
應該係殺佢吸取野獸力量

輝石龍?

有7萬幾經果隻

我仲以為係另一個勢力派去監視佢既野
遇到主角果下決定放棄王既身份同主角戰到底 所以直接殺左隻野
用返原本作為褪色者既身份應戰咁
因為唔覺得佢吸收左咩力量例如有d咩氣圍住佢或者特效之類

未轉階段個陣叫初始之王
轉咗之後叫戰士
荷萊露本身是蠻族黎
會唔會係佢做咗艾爾登之王之後將蠻族之力封印做一隻獅子
並俾佢做宰相
打打下佢殺咗隻獅子
蠻族之力回歸

呢隻唔知
好似無搵到相關資料

佢個護符到講話係為左抑制戰意所以先揹起隻獅子
殺左隻獅子應該係為左釋放戰意

想知梅麗娜同拉妮有咩關係
一個係無上做出嚟 一個係半神公主
佢哋隻眼一左一右又係咩嚟