因為宮崎既碎片式劇情非常隱晦
3分遊戲入面有講,5分睇物品描述,剩低2分要靠自己腦補
所以大家有咩新諗法都可以提出討論吓
我都是鳩估吓
有錯請講
起源
其實成個故事都係圍繞住外神入侵,克蘇魯風味好重
本身交界地既原住民有人,永恆之城居民(蟲人),祖靈之民(牛角佬),巨人,同龍等等
龍係黃金樹仲被「無上意志」入侵交界地前最強既種族
永恆之城諾克隆恩既信仰係黑夜
但佢地唔知咩原因導致佢地想造神
所以整出一種水銀狀既生物,又研究黑洞魔法,最後吸引到外神注意
引黎好多隕石將兩座永恆之城打到落地底
同時帶黎「腥紅腐敗」
腥紅腐敗就係外神之力既體現
永恆之城諾克史黛拉既蟲人轉為崇拜腥紅腐敗
其中一隻BOSS黑暗棄子就係個陣飛落黎
至於另一個外神應該就是「癲火」
之後唔知隔幾耐,又再多一個外神「無上意志」留意到交界地呢個地方
佢將黃金樹,二指,參指派落黎,搵埋稀人瑪利卡女王帶隊征服呢個地方
同時佢話邊個收集到最多既盧恩幫手整艾爾登法環,就可以俾佢做艾爾登之王
有位蠻族因為戰績彪炳被選為艾爾登之王,娶瑪利卡女王做老婆,同時被賜名為「葛孚雷」
於是艾爾登法環鑄造完成,葛孚雷同瑪利卡女王組成黃金家族
生咗3個仔,包括「黃金葛德文」,「賜神王蒙葛特」,「鮮血君主蒙格」
因為黃金葛德文生得最靚仔,所以佢被任命為下一代艾爾登之王既王儲
至於蒙葛特同蒙格兩兄弟因為唔知點解被詛咒,生到爛臉
所以就被秘密監禁
參指被外神癲火蠱惑,之後被二指鎮壓,鎖係王城之下
