183 Like
14 Dislike
Pyrophile🔥
2017-09-16 12:27:20
可唔可以係happy ending?
正傳都講左唔可能啦
無音響子
2017-09-17 01:08:18
可唔可以係happy ending?
正傳都講左唔可能啦
😂👍🏻
我唔識撚貓
2017-09-17 16:10:02
無音響子
2017-09-18 19:04:28
阿儀篇(第三十三篇)
--------------------------
落仔既感覺真係好差,坐到床上攤開雙腿,女醫生(唔知冇牌既算唔算醫生)將一D冷冰冰既器具伸入陰道。 過程中我只感覺到自己好衰,要將一個生命了結。
手術過了多久完成,不重要。 看住醫生血淋淋既器具及自己下體流住血,已經咩都唔記得,腦像被淘空了。
-----------------------------
過後幾日,我肚好痛,小便會出血。 每晚亦發惡夢,夢見自己訓係床上落仔,訓係床上既自己不停哭泣。
我好後悔落仔,更加後悔同左SAM一齊。
SAM仍然時不時會放學叫我上佢屋企,但我已經下定決心唔再同佢一齊。 但冇想到佢因為我對佢既冷淡反而對我更熱情,差唔多每一日放學都會有意冇意跟住我尾,到遠離學校既地方更加會係街上抱實我。
係街上被SAM攬實,的確係以前夢寐以求既一個浪漫既幻想。 SAM依家先對我做出咁既事已經太遲。
「你放開我! 我叫非禮啊。」
SAM見我堅定咁講出黎,立即放開我::「阿儀… 做咩事依排咁對我啊? 我好掛住你啊…. 可唔可以比我攬下? 你….之前唔係好想咩?」
聽到佢咁講我真係好嬲:「想? 我有想過,我夠想要你飛左你個女朋友同我一齊! 你又有冇做到???? 」
SAM被說穿了,面色一紅的反駁:「儀…冇啊。 我鐘意你,你比D時間我啦,我真係會同佢分手。 你唔好咁對我啦。 」 SAM想拖住我手。
曾經我多麼渴望SAM會主動係街上拖住我手,全冇顧忌地同我一齊拍拖。 但我清楚了解一切只係為左性。 SAM只係想得到我身體,只想玩弄我。
「你認真???」我捉緊佢手問。
「真! 梗係真啦。」
「咁你可唔可以依家就同我去結婚啊? 我地立即返學校同校長講啦。」 我用力捉梗SAM。
「唔…. 都講等你講完書先….」SAM想甩開手,但我唔比。
「點解你仲要呃我,呃到我幾時????? 」 我已經忍受唔到「你個衰人,我為左你落左仔啊,我就係知道你呃我,知道你唔會同我一齊。 你今日搵我都係想同我搞野姐,你估我唔知? 好啊, 你鐘意搞我嘛,我就係唔比你搞,我比所有人搞都得,就係唔比你搞。」
「阿儀….」 SAM被我一番說話嚇到。
我亦冇理會佢想講咩:「你以後唔會見到我啦,死仆街。」
轉身我就跑開了。 我的淚水再次落下…. 我唔想再見到SAM因為我好怕自己會心軟。
----------------------------
之後我退學了。
同媽媽阿姨傾,我話我想快D工作幫輕下媽媽既醫療開支,實際上我係唔想再係學校見到SAM。
係我堅持之下佢地都比我放棄學業。
VIVIAN都知道我既決定,而佢亦同我一同離開了學校。
「你其實唔洗走,你可以唔洗陪我啊VIVIAN。」
「….. 唔….. 我有一半為左你啦,另一半係自己都唔鐘意讀書。」VIVIAN看似不太在意離校。
「你個衰妹,因為鄭正華所以唔想讀書姐~~~ 咪扮到好似為左我而唔讀。」 其實從VIVIAN同鄭正華係學校既表現,我估到佢地發生左D事。 不過因為SAM既事,我冇咩理會VIVIAN依個好姊妹。
「唔…..其實…..唉…. 我都唔知道講唔講比你知好….」 VIVIAN剎有介事地回應。
「下….咁都話冇事… 唔…. 你可唔可以唔好咁啊,我想你對我講實話啊。」
「…. 哎…. 好啦。 其實我知道鄭正華一直都好鐘意你,不過我又鐘意左佢。 果次咪同你仲有正華一齊去唱K玩之後佢咪送我返屋企既! 」 VIVIAN 講返暑假前既事比我知,係佢同鄭正華之間既事。
你被寫在我的歌裏
2017-09-18 19:25:34
留名
小魚兒
2017-09-20 06:31:09
今日有無文
無音響子
2017-09-20 18:25:36
阿儀篇(第三十四篇)
-----------------------------
「唉… 鄭正華佢一直都鐘意你,由F1想追你到依家。 不過太多人追你,佢冇同你表白….」 VIVIAN開始講佢地既事。
「我知道佢想追我,不過對佢冇果種意思…」
「佢都FEEL到你對佢冇特別感覺,但佢都照樣追你不停約你出街。我係比佢果種堅持吸引,覺得如果有咁既人追我就好。果日我地咪3個唱完K之後你叫佢送我返屋企既?」
「係啊…. 之後點?」 我知道鄭正華對我心意,不過我唔鐘意同年既人,依一點係同SAM一齊後更加確定。因為一直以來冇左父愛係心態上我會鐘意比較成熟既男人。
「果日我地飲左少少酒佢送我返屋企行到公園時… 我都唔知自己會咁大膽去錫佢...仲係好激果種…但佢推開左我。佢因為你既關係所以推開我…」
原來鄭正華咁有定力…
VIVIAN續說:「我冇理佢我再錫。佢有反抗但係最後都係失手。我主動咁同佢係公園度做左……..」
「噢…你咁大膽…」
「係啊… 真係好大膽…之後我同佢算係拍左拖…1日咁多…因為佢仲鐘意你。佢話放唔低你,唔想對唔住我同唔知點面對你,所以我地分左手…」VIVIAN講到有少少眼濕濕…
「太過份啦….個個男人都係下面諗野,搞人果陣又唔諗清楚…」我真係嬲左,明明話鐘意我但又同VIVIAN做左…男人都冇個好人。
「…其實都唔可以怪晒佢…係我主動…佢有推開我。 哎~就係果日講完分手我就去左夜總會,我果時太傷心所以就應承左係度做。」VIVIAN講左比我聽後反而好似輕鬆左。
但我就唔開心,因為VIVIAN去做夜總會間接係我做成。「你不如唔好返夜總會啦。」佢可以唔做令我良心好過一點。
「哈…. 我知道你諗咩,但唔洗擔心。岩岩做果時係有D驚,但做耐左就冇事,慣左啦。飲酒順便可以忘記D唔開心野,D客又好人。而且可以搵到錢啊。」
「下… 但係你要陪客去…」VIVIAN故意唔講要陪客上床,而我最唔想就係佢同唔同既男人上床。
「其實我都係同D熟客先會架…你同男朋友都係由朋友開始,了解左後先發展到上床。 我係果度都係同D客熟先會出去架,唔係個個人都會做放心啦。」 VIVIAN微笑。
「可唔可以介紹我入去做? 我想搵錢幫我媽咪。」
「下…諗清楚? 你唔係有阿姨幫手咩?」VIVIAN似乎唔太想我加入佢依個圈。「唔…你入左黎就冇得返轉頭啦…」
「阿姨係有幫手不過阿媽醫藥費真係唔平,我係姨媽屋企偷聽到聽到姨丈好似對姨媽有少少怨言。」
「咁...好啦,我同公司傾下應該問題唔大。」
做夜總會一來係想搵錢,但重點係VIVIAN講 ”唔係個個人都會做” 依句,令我諗起同SAM講過,我就係要比SAM知道,人人都可以搞我,只要有錢就可以,我唔會再咁傻比男人呃。
無音響子
2017-09-20 18:26:25
阿儀篇(第三十五篇)
-----------------------------
過左兩日我就正式去返工。
「HI…靚女,你唔係黎返工下話?」龍哥見到我同VIVIAN一齊行,一臉驚訝。
「係啊~多多關照~」 我對住龍哥回頭一笑就同VIVIAN上左樓,龍哥目定口呆地睇住我入LIFT。
「哈哈~ 你化左妝真係引死人。途路已經好多男人眼甘甘咁望你,連出名COOL既龍哥都比你電親。」VIVIAN教左我化妝,望上來係有少少唔同左。
「依…咪玩啦。龍哥同上次一樣姐,邊有比我電到。 」
「哈…點啊?你戀父情義又黎啦?你對住龍哥都流口水。 嘻…你真係岩做夜總會,起碼對住D UNCLE唔會反感。」
「啊~其實我好緊張啊…」我有少少後悔過黎,如果唔係同VIVIAN一齊,我一定走左。
一個約40歲化梗濃妝既女人坐係係夜總會LIFT口大堂。「阿GIGI咁早返~ 依個就係你朋友啊? 你好啊!你係度返工咁我就當你係我阿女啦,有咩事同我MIMI姐講就OK。」
「MIMI姐你好我叫阿儀啊,多多關照。」我恭敬地同MIMI姐介紹自己。
「A…係度唔好用真名,你以後就叫DAISY啦。我地E度返工就好好既,日日出糧比CASH。工作好簡單,只要tum到客就OK! 你tum到客開心就會開酒,開酒你就可以分支酒 2% 做commission。 你有本事tum到客既,佢主動要mark你去坐,你就多D機會sell到酒。」MIMI姐一口氣講左好多野。
「係…Tum到客人就OK,知道!」
「一睇就知你叻女。D客人比tips你我地就唔理既,可以自己袋,總之客人開心開酒就OK!不過係返工時間要同客人出去玩,個客就要比$2000公司買你鐘,公司會比返1/4比你。你明啦?」
「明…係唔係客人要出街就一定要出?」
「又唔係,不過你唔出搵少好多。出得去玩就唔只1個鐘,睇下你同客人去邊啦,一般客人叫你去邊你咪同個客自己傾價錢囉,公司唔理你私下收個客幾多錢。總之你出左去1個鐘就要比$1500公司,唔夠一個鐘都當一個鐘收錢。」
我沉思自己應唔應該同客出街,雖然我同SAM講個個男人都可以掂自己,但到真係到依一步就冇勇氣行多步。
「唔好諗啦,你睇你身材咁好又靚女,一定個個客都MARK你鐘。 MIMI姐唔係迫你同客出去,但出一次都個半鐘頭,咁就可以自己袋成千幾二千蚊。你只係sell酒同陪坐好難做架,D客知你唔出街就唔理你。你慢慢諗下啦。 GIGI (vivian係度返工既名。) 你同Daisy介紹下環境同換衫先,我地就快要開鋪。
邊行VIVIAN邊講:「Daisy (又會轉得咁快….HAHA) 你做幾日先決定做唔做出街啦,我同你介紹一下。」
我同VIVIAN就行左入去我地女仔換衫化妝既房,正式開始左我既夜總會小姐工作。
阿飄飄到Lin頭去
2017-09-20 23:38:58
Jeng 有文
無音響子
2017-09-21 15:07:27
阿儀篇(第三十五篇)
-----------------------------
第一天的工作,對我黎講真係好驚。 知道之後將面對一班又一班既咸濕男人,而佢地將對自己摸身摸勢抽水,更可能要上床。 面對多個不安,我唔知道自己點去應付。
諗起自己要付上照顧媽咪日後藥費住院既責任,加上自己都唔可以長期係阿姨度白食白住既關係。 唯上硬著頭皮上了吧!
心入面同自己講,反正之前都比衰人SAM呃左,我都已經冇野可以失去。 我應該好似MIMI姐咁講,好好利用自己樣兒及身材去搵錢。
6點鐘。 我地咁多個女仔都已經著工作衣服,當中有貼身高叉的中式祺袍、有短得出奇既短裙、更加有露出了大半背部既連身裙每件都性感非常。
我選擇穿上了一件火紅色低胸珠片短裙,第一次穿上咁華麗而又性感既衣服,我對住鏡滿意地欣賞住自己。
「嗶~~~DAISY你著得好好睇啊~~~ 一定引死班客啦。」 一眾姊妹圍住我對我讚賞。 當下我感到有少少感動,自從我讀中學起,身邊既女同學對自己都唔太好,會時不時單打我,覺得我太吸引男同學而妒忌我。
係度做野既每一個女仔都有唔同既背景同故事,可以肯定既係太家以前既故事都係一個悲劇。 因此,聚集係夜總會中既姊妹都會互相關懷大家。 雖然中間會有搶客搵生意既情況,但最終都會因為大家都有可憐既經歷而體諒大家。
各個姊姊都知道係工作上所認識既客人黎玩都只係為左開心同性,大家都唔會對客人付出真感情。因此我地姊妹間好團結好有感情。
我就係一班好姊妹幫助之下,慢慢由一個新手開始學習好多應付男人既手法。 例如點去TUM男人,點去拎D客人買酒,點去避開D對自己毛手毛腳既客人而又唔會令個客人唔高興。
慢慢過左半年,我已經習慣左係度返工。 幾個月前既我仍然係一個天真相信愛情既女生,現在我睇透左男人天生就係愛玩。
有一位姊姊講過,男人咸濕係天性,大自然中既雄性動物都係奉行一夫多妻,只要雄性夠強狀就可以獨霸多個雌性。 雌性動物所追求的就係有強大雄性所保護。 轉化到現今人類上,男人有錢就代表強大有安全感,所以有好多女性會肯做有錢人既情婦。所以黎得夜總會既都係有錢人,佢地用錢去買起我地,錢令到我地有安全感。
聽完依番話,回望自己同阿SAM。 我係佢強健既身體上感到安全吧,所以戀上佢。 不過我係做左佢情婦/第三者。
每次想起SAM就會令到我唔開心,我要用酒麻醉自己。 我要同客人玩得開心,要去作賤自己令SAM後悔,要用盡自己既身體去賺取男人既錢。
----------------------------
「HI Daisy~~ 同客去完街返黎啦?」龍哥每次見到我都會同我傾計。
「係啊!」 每次我都故意冷淡對佢,因為我感覺到佢對我著緊。
「哦.... 好啦,唔好飲太多。」 每次我出入代客泊車位龍哥都會叫我唔好飲太多或者叫我同客人出去要小心D。
每次外出時,係龍哥面前我都會故意同客人特別親熱。 因為我唔想龍哥佢對我抱有期望,因為依家既自己想得到既係錢對我既安全感同酒精令我產生可以忘憂既感覺。
------------------------------
時間又過去左半年,媽媽既情況開始轉好左,已經可以落床自己行動。
對於媽媽身體好轉,我感到十分欣慰。 不過亦令我開始打算自己將來,到底係唔係應該係夜總會做落去!? 每晚要應付唔同既男人至夜深加上酒精令我身體差左。
就係我開始諗自己係唔係應該退出時,我竟然係夜總會內遇到佢.....
無音響子
2017-09-21 17:58:38
阿儀篇(第三十六篇)
-----------------------------
「佐冶哥~~~ 成年幾唔見你黎玩既~~~ 掛死人啦衰佬。」MIMI姐係升降機大堂迎接一班中年男性入黎。
「哈哈.... MIMI姐我都好掛住你啊,不過隻老虎乸成日睇住唔係好出得黎玩。 」中氣十足佐冶哥笑住回應。
「佐冶哥點會怕女人,哈~ 你個衰佬去左第2度玩下話~~~ 」
佐冶:「點敢啊MIMI姐,你依度咁好玩。聽聞你地黎左好多新囡,我冒住險比老虎乸吊既危險黎架。仲同幾個PARTNER同細姪黎比佢地見識下。 MIMI姐搵幾個囡囡黎陪下我地飲酒。」
我就坐係大門則邊張台陪梗客,見到佢地一行7人擔心到想立即走入台底。
「佐冶哥叫到冇問題啦~ 唔好意思今日多客你地就坐係最近門口張台先,我即刻叫D新囡黎。 」 好死唔死佢地就坐係距離我地兩張台旁,MIMI姐正睇下有冇姊妹得閒。
「李生我幫你斟酒~~」 為左唔洗比MIMI姐叫去佐冶度,我扮忙serve現有台客。最後MIMI姐叫左D女仔去佐冶度,我暗呼一口氣。
之後我小心行事留意住佢地一張台,希望唔好比佢見到我。同台既GIGI (Vivian)留意到我神色有異「李生要唔要多支酒? 就快飲晒啦。」
飲到醉醺醺既李生玩得好開心,GIGI tum到佢地再開酒。 「Daisy一齊拎酒黎。」 GIGI有心叫我行開下想了解下我咩事。
去酒吧途路GIGI問:「做咩事啊,你識果度D人啊?」
「係啊….. 點算…」 我冇諗過會見到一個識既人。
「下…唔係下… 咁你入後台坐下先唔好出去住。 我同MIMI姐講話你唔舒服要抖下。」 GIGI擋住比機會我以偷偷走入休息室。
我嚇到六神冇主想立即換衫走人,我記起夜總會內有後樓梯可以走到,係專比我地依一D未成年既女仔偷走既通道。我立即換好便服打算由後樓梯走人。
「喂…Dausy~」剛行出休息室就比Mimi姐叫住「做咩換晒衫啊? 你唔可以早退啊,今日好多客啊。 快D換番衫出黎。」
「MIMI姐今日唔得啊,SORRY!!! 出面個客係識既人。」 我求MIMI姐放我一馬,因為真係唔想比識既人見到我係度做!
MIMI姐臉露不悅:「唔得! 你冇同我講就想走人,我地忙到嘔你就偷走!? 」
「唔係啊… 真係唔得啊…. 最多我唔走,你比我坐係度佐冶哥佢地走左先啦」
「哦? 你識既人就係佢? 咁你唔洗走啦,佐冶哥地叫你出去陪坐啊。 佢應該已經見到你。 」 MIMI姐唔在意咁講。
「唔好啦… 」
「唔洗怕,你識又點? 個客又唔會講出去,唔通四圍同人講自己去夜總會咩? 個客都唔怕你講出去你怕咩? Daisy~乖乖地啦。」 MIMI姐軟硬兼施。「唔好扭計,你乖乖地換衫先啦。」
「唔….」MIMI姐捉住係咁煩我,已經冇得選擇,唯有入去換衫。「好啦,咁我返去換衫」
MIMI姐竟然跟住一齊入房。 「下….MIMI姐…你係度睇住我換啊?」
MIMI姐唔耐煩:「唉咬,Daisy你咪玩啦,唔好再扭計。 我幫你手。 」 MIMI姐一手拎起條裙另一手脫光我既衫幫我套上。MIMI姐睇穿我想等佢出去既時間偷走。 「好啦Daisy, 快D出黎啦。」 一手捉住我行出大廳帶我到佐冶哥張台。
「哈哈….MIMI姐係佢啦岩岩就係見到E個靚女。 佢叫咩名啊?」佐冶哥地一台客目光都落係我身上。
MIMI姐見我冇開口:「佢叫Daisy啊,好怕羞啊。 哈~ Daisy叫人啦。」我好唔願意地同佢地打左個招呼。
佐冶哥大笑一聲:「哈哈~ Daisy好啊~ 快D過黎陪我地坐下先。」佐冶哥輕拍一下佢身邊既姊妹一下,示意要佢讓位比我坐。
我不自願地入席,席間佐冶哥同一班男人玩得好開心,而我就投入唔到。我留意到MIMI姐以眼神同我講叫我好好地做野。 我唯有不停幫佢地斟酒扮有做野。「daisy 你同我地斟自己唔飲既? 黎黎黎快D飲。」佐冶哥一手按住我個頭一手將酒杯放到我咀上。 MIMI姐仍然間中監測我既表現,我只好去去配合。
對住識既人工作,係最不知所措同唔識應付既一次。比第一日返工時更加擔心,怕自己係度做既事會比人知道。內心想時間快D過去,希望佐冶哥佢地可以快D離開。
痛苦既時光過得特別慢,佐冶哥一行7人飲左成20支酒先離開。第一次有客人叫咁多酒,依個就係MIMI姐點解要迫我Serve佢地,因為 佐冶哥係有既大豪客。
「MIMI姐~ 我地走啦。 叫佢地囉手袋走。」 我心諗SHIT!! 唔係下話你竟然咁玩….
「好啊~~ 快D拎手袋同咁多個老闆食消夜。」 眉精眼企既MIMI姐再次察看出我神色有異,佢拖住我入房拎手袋出黎。「嗱 Daisy你生生性性,好好地服侍人。 佢係大客黎如果佐冶哥有投訢,你死梗啊下。」
「唔… 」 我萬般不情願地拎住手袋,我知道自己冇得走,係見到佐冶哥果一刻已經知道自己衰左,係估唔到會叫我出街。
到左代客泊車,我望住龍哥… 我好想叫龍哥幫我。龍哥望住展現出一個萬分疑惑既樣。 我相信如果我話口講,龍哥會出黎拖我走….
「的士到啦,DAISY上車。」佐冶哥拉左我上車。 佐冶哥一手搭住我大腳,我推開佢隻手:「夠啦… 你比我落車。」
「哈….?我比左錢你地,你要陪我一個鐘。 你唔係依家玩野下? 」佐冶哥再次伸手去摸我。
我就同眼前依位既熟悉陌生既「佐冶哥」 向九龍塘出發….
無音響子
2017-09-21 18:27:11
E兩日得閒可以出到多D
希望大家多多支持!
糖蓮子
2017-09-21 18:42:31
E兩日得閒可以出到多D
希望大家多多支持!
咁快啲再出多篇
米缸冇米
2017-09-21 22:35:31
隔咗太耐冇晒印象,佐治哥係邊位?
誰令你心癡
2017-09-21 23:36:25
隔咗太耐冇晒印象,佐治哥係邊位?
忘記了
無音響子
2017-09-21 23:49:09
隔咗太耐冇晒印象,佐治哥係邊位?
忘記了
佐治哥....
大家估下先