無音響子
2017-08-31 12:17:37
阿儀篇(第二十八篇)
---------------------------------
係警局內我好 徬徨,所有不幸都發生起黎。 發現自己比阿SAM玩弄,同媽媽嘈交而離家出走而被警察扣留同時得知媽媽有病入院。
接受警察問話時,十分驚慌。我心不在焉地接受MADAM用好難聽既說話去話我而且態度真係好差,加上我因為擔心媽媽情況基本上我全程係喊住咁回應個MADAM。
失去左爸爸、失去左SAM、失去左初戀、失左身。 我已經唔想失去媽媽,一個對我人生最重要既人。
完成問話後,警察當局警司警誡左我,叫我唔好再離家出走。 之後我就用阿姨趕去醫院。
VIVIAN同我坐上阿姨車上,我一直喊住。 阿姨好溫柔咁安慰我。 「阿儀唔洗擔心,有咩事都好,阿姨都會支持你。」 阿姨係世上除左媽媽之外,同我最親既人。
「….阿姨….對唔住….我知錯啦…….嗚….我對唔住媽咪…..要你同佢擔心…我…我知錯啦……」
「傻女….唔好擔心太多,以後有咩事都要同我地傾。唔好自己一個人去面對。」阿姨輕撫我頭安慰我。
到達醫院,媽媽病臥係床上。 見到我出現,立即大喊。 我倆互相擁抱住。 「對唔住….」 幾乎同一時間,我地兩母女一齊向對方道歉。
「媽…. 我知錯… 我會生性唔再令你擔心。 我會好好照顧你……….. 嫖…..我對唔住…」 除左為左離家出走同推跌媽媽而道歉,更加係為左一直對媽媽一直以來為左我地可以好好生活而工作,到依家做到有病。
媽媽係肝及胃都出左事,醫生話要佢留院觀察。 好大機會係有癌症….
我一聽到癌症,真係完全接受唔到。 一直冇諗過會有咁不幸既事會發生係自己家人身上。 醫生同我地講唔洗太擔心,其實有D標靶藥可以試用。 當然,標靶藥既價錢唔會平….
對於一個中學生,如何可以支付到高昂既醫療費用??? 我同媽媽本身係租住係細小既房內,生活可以話偽捉襟見肘。 我到底可以點做??? 果一刻我望住VIVIAN。 唔通我要去夜總會做???
VIVIAN可能察覺到我既心意「CARRIE, 放心,AUNTIE一定冇事既,有咩要幫忙都出聲,我幫到一定會幫你架。」 對於有一個咁好既姊妹係我身邊,可能話係我既福份吧。
阿姨同醫生講:「咩藥都好,一定要用。醫生你一定要醫好我家姐。」 我同VIVIAN一同望住阿姨。
「阿儀,你放心,你媽咪既野交比我處理。 你唔好太擔心,藥費我會搞掂。 你媽咪係醫院既其間你就黎我屋企住啦,照樣樣返學比心機讀書就OK!!! 」 差點唔記得左,我仲有阿姨。 阿姨一力承擔媽咪既住院同我既生活….
「阿姨…但係….」 「唔洗擔心其他,你聽我話乖乖地返學讀書就可以啦….好唔好?」
「知道阿姨….」