考成點?上次考朝早,師傅話要9點半後先學得車,冇得練
法例話要九點半先有得學
朝早7點就去學泊車了
唔咁早去 排隊都冇哂時間
屌我平時番工 平日剩係夜晚先有時間學 根本學唔到泊車 都唔知點撚算
我同你一樣
上咗2X堂 八成都係夜晚7點後學
係拎咗日星期六一早就去學
2堂已經試到5-6次泊位調頭
不過我港島 唔知你情況點
我剩係試左幾次調頭
仲未控制到架車點樣有咁慢行咁慢
鬆左小小腳掣 架車一開始係會慢慢行 但會越行越快 明明已經定實左個腳掣同極力子
越行越快係正常,因為車嘅扭力係 acceleration,速度係會一路快。
吊個最細最細嘅極力子,架車只會好似螞蟻咁行,咁架車就快極都有限,自己吊唔到呢個慢速,就叫師傅示範下。記著呢個感覺,扭軚嘅時候吊返呢個位,車慢軚快,扭好之後,向前向後可以吊返高好少少,比架車快返少少。
師傅成日講吊極力子嘅幅度係用頭髮絲嚟計,唔可以放多個一個銀仔嘅厚度。唔係嘅話架車會飛咗出去上𡒊(當然架架車極力子新舊唔一樣,同埋個個考場斜度唔一樣)
如果左腳真係唔得嘅話,就定一個你能力內最慢嘅極力子,右腳一路放 brake 上面,踩下鬆下,但係唔可以大力踩,唔係會 chok 到個官。
其實簡單講中,兩隻腳都要柔,正常左腳吊高低就得,右腳輔助。左腳唔得就吊定一個位,淨用右腳控制。
巴打,有冇睇頭D,有集係對乜嘢神之腳,啟介要將原本踩一格嘅腳制,細分做五格嚟練,再細分做十格,先可以超準咁踩個腳制,人車合一,完美控制架車。我知我誇張咗 ,其實係類似嘅嘢嚟。
巴打好詳細,好有心,你無誇大,的確係咁