有冇人有睇換乘戀愛(2)？

agree你睇彈幕就知 呢到好溫和

唔知佢地依加睇翻呢個節目之後 會唔會因為知道曬大家點諗而有改變呢

講開剪接 最新呢集tacoco yes or no嗰時coco個後訪第一句同第二句唔同咗耳環

普賢

浩民成日都黑口黑面 扮可憐 好似全世界都欠左佢一樣 除左ex其他4個女對佢都零興趣

係咩 把聲唔似佢

明明佢同周輝都係社畜組合
點解周輝去到中期都吸引到唔少女仔揀佢date
但浩民真係無人問津

呢度好多浩民支持者
我都唔太Buy佢既受害者形象
憑咩覺得佢u turn普賢一定要接受番佢

如果普賢一見到浩民回頭
就即刻180度u turn同番浩民一齊
咁樣當民在水泡唔係重仆街咩

點解拎入餐廳有問題
茶唔係要趁熱飲咩?

浩民格硬要刪走民在d字
果下好L小家同Cheap
男人老狗咁會唔會太小器
人地送既禮物心意佢憑咩咁破壞
勁冇禮貌

浩民其實係毒撚性格 係競爭中會選擇放棄既人(BBQ個陣唔留住普賢+真實遊戲最後問普賢應唔應該自動棄權)
浩民好係好在佢細心 比起自己更加重視對方
BTW 佢做左啲咩先令你覺得佢營造緊受害者形象

浩民u turn 其實普賢可以唔佢接受 冇問題
但十二集就唔好講咁多台詞flirt人 之後十三集再公開處刑
真實遊戲之後浩民都同普賢講話覺得自己比普賢希望拷問左咁

可能好多人同情佢同普賢係初戀同拍左幾年拖先支持佢地復合 但單從佢節目入面嘅言行舉止浩民真係冇咩吸引力

同女5幾次約會都見到浩民太冇自信 你自己都覺得自己唔掂 其他人點會鍾意你

上呢啲綜藝有經驗嘅會換飾物避免節目組惡意剪接,

coco本身係娛樂圈會用呢招保命唔出奇

間接證明咗呢個節目係有前後剪接

唔好太認真

普賢答完7次同民在約會, 正權尚宇浩民各1次約會
浩民問普賢我應唔應該盡全力追你?
因為怕佢既努力會令普賢會有負擔
美其言係對普賢既溫柔
實際係逼普賢當眾表態

如果呢個問題佢私下單對單問普賢
我會相信佢係真心為普賢
佢咁當住所有人問expect普賢點答?
答可以就傷民在俾人插當民在水泡
答唔可以又勁落佢面話哂都係曾經心愛既ex

普賢成個真實game都已經暗示左想揀民在多d
想同民在最後約會, 同民在7次約會
呢題答pass唔算係佢對浩民既一種溫柔咩?
唔通真係直接話你咪L再追我先安樂
係咪應該要留番少少面俾大家?

浩民響節目初期對普賢完全漠視
原因係佢話要用呢個方式先分到手
果陣又唔見佢會問普賢
大家應該用咩方式響節目相處會舒服d?
自己想斷乾淨所以我就當你透明
而家突然想u turn要推就責任落普賢度
話佢知佢可唔可以u turn
普賢答pass唔係周輝stop佢重想chur住問

睇番成個big picture
我真係唔覺得佢係大部人想像中咁可憐

吸引力呢樣嘢或者真係好個人 我覺得會注重細節 有文采 真誠 溫柔 尊重 主動去照顧同真係識照顧人 都係浩民嘅吸引力 再加上開頭普賢都話拍左拖佢同異性朋友保持距離 而且我更加注重佢同人點相處 「雖然是比企鵝還要小的人 但你是個堅強的人」仲有比惠仁嗰封紙條 寫比普賢嗰封長信…普賢所講嘅「把我裝進這麼美好的碗裡」…佢係一個會令到女仔感受到被愛從而可以更自信嘅人 真係好難得 各花入各眼

分析得好仔細 普賢話呢個答案係好在意浩民嘅前提下答嘅 嗰一次將佢同正權同尚宇放喺同一個level 或者真係暗示佢係時候死心 但我都係唔明 點解要揀埋正權同尚宇 真係無必要？我個反應同呢兩男人瞳孔地震個樣一樣自己采訪又話一定唔會date佢地… 有無人明佢咩意思…

如果答9次民在1次浩民咪重傷浩民自尊心
所以拉埋其餘2個唔關事既落水

根本普賢自己都好亂即係明顯偏向民在但係又唔識直接拒絕浩民（前晚個堆咩只想在意歐巴，深情對視30秒令浩民覺得自己應該去馬, 好心佢諗清楚就唔好做埋啲令人誤會嘅野啦）

依家希望民在普賢開開心心一齊啦

今集普賢確實輸哂支持，又專登串惠仁同coco
可能真係醉咗真性情咗，始終普賢都唔係有話直說個類人

我又唔係咁諗，佢今集都公開處刑咗浩民啦，pass個題只會令浩民有保留想搵答案

慘囉，家陣全世界都知道浩民失戀囉
返工有排俾人指指點點，個傻仔為咗上呢個節目用咗全部annual leave
好唔容易pack好心情重新出發，上咗個節目，跟著俾ex公開處刑， 人又冇，錢又冇，連annual leave都用埋，仲要自己俾人指指點點話冇自信嘅廢柴，親眼見住自己仲鐘意嘅ex俾人溝走。

普賢ig同youtube增咗好多fans, 珉在餐廳多好多人打卡，尚宇惠仁事業都需要知名度，得浩民同周輝係從呢個節目中得唔到好處（所以係被拉上來個節目）

其實浩民比大家想像中更可憐

同意
或者因為浩民文學底好 講野係會以自己有利既方式包裝過
問普賢應唔應該放棄 其實唔係為左普賢 單純只係為左自己
今集真實遊戲玩到一半其實feel到浩民黑化 過左火 係有周輝stop佢先冇柒落去

而分手後既相處方式 有啲人覺得可以做朋友 有啲人覺得只可以做陌生人 冇分對錯
浩民覺得要做陌生人先係最好 普賢想做朋友 但見對方話想做陌生人又講唔出口
某程度上可以見到佢地既溝通問題

至於點解今集會多人可憐浩民 其實講左好多次
好大原因係因為前一集 普賢比左太多假希望浩民
到左真實遊戲個part反差實在太大 觀眾真係好難理解普賢既感情變化
所以多人同情浩民係好正常 畢竟同情一個人唔代表認為嗰個人係一個100分完美既人