有冇人有睇換乘戀愛(2)？

其實5對都冇互follow
女嘅都係

不過搵到民在有like普賢17年啲相
普賢仲有讚好啲人留言叫佢地要4399

製作組要求佢地着返同一套做訪問

好認同
其實佢真係好寫實咁俾到觀眾睇分手既戀人心路歷程
浩民除咗懦怯之外 應該都係個好仔黎
希望佢搵到個更適合佢既業象啦

有冇人記得佢地頭幾集話節目完左之要一齊約去樂天世界

睇到第14集先知呢邊有討論
睇晒中台港comment
真係唔同地方對呢d情感都有唔同睇法

我係追周輝敏英
終於第15集解釋返佢地被人誤會嘅點
正如敏英講，佢除咗短訊，完全感受唔到周輝嘅存在
好彩佢有主動
雖然佢都係有搖擺不定㗎啦
但最少佢好誠實面對自己
而且知道周輝點解咁不安

（PS台灣個邊講，話周輝敏英之間相處可能太甜，為咗節目效果被人 cut 晒，我係信㗎只睇第15集佢地相處敏英成個小女人就知）

珉在浩民普玹呢組三角戀
講真係就算浩民同普玹復合
又或者同珉在一齊
兩者我都唔睇好
普玹好明顯係自尊心過強，被人寵慣嘅公主
男人對佢好同寵佢，耐咗真係會覺得好辛苦
另外唔覺佢發現到自己有咩問題
除非佢經歷完呢次，真係大個女識體諒人地
否則唔覺得有咩男仔會頂得順佢
（不過可能韓仔好多頂得順呢）

浩民係一個會自己set框框俾自己嘅人
我好明佢點解當初會拒絕復合（同類人）
因為理性講咗俾佢知
復合都係會重複地loop 所有問題
所以復合係無意義
只會傷害彼此
但感情上受唔住，除咗有珉在刺激佢
最重要係因為呢3個星期同普玹日對夜對
令佢無得逃避面對自己個心
如果唔上節目
我覺得佢應該真係可以慢慢整理好

呢組三角戀我無睇結局，因為loop 到無新意了

PS B站有兩篇對換乘PD嘅小訪問，有興趣可以去睇埋

節目組想做鯰魚效應但失敗咗
個原因係佢地無令到每對男女都有公平嘅約會
好似善惠咁一直只同周輝食飯
珉在只約普玹
如果早少少加佢地
又俾佢地有機會同每一個人食飯
個效果會好好多

exactly 係我對普玹既睇法
有小許公主病

最後一集浩民啲劣根性出晒嚟
成班仲喺到駁

最後選擇時浩民收到短信但唔同普賢講
所以普賢見到珉在等佢時好震驚
相反周輝有讀短信俾敏英聽
而珉在就更加體面，冇理節目組要求，喺出面等咗幾粒鐘

喺車裡面浩民亦好唔真誠
普賢講嘢時佢永遠都四處張望
淨係掛住自己台詞，話「以後會做好」開空頭支票

不過無可否認浩民呢招對啲入世未深嘅妹妹仔好洗得
用口講兩句就深情款款

而成年人只會睇行動

唔明點解一定要係咁講浩民點衰點衰
其實都係個綜藝節目 輕鬆討論下咪算囉
大家都係講自己睇法姐 無岩定錯
講真我都好唔鐘意周輝 正權
一個成日黑埋塊面 搞到成個氣氛勁差
一個節目開始前話因為惠善而黎 後尾又變得咁快
雖然對敏英直進 但事後流岀講佢無鐘意過敏英(?)
浩民普賢多人討論都係因為佢地一齊得最耐
而且分左手三個月就上節目 女方初初又係咁喊
最後一集浩民喺車到講既野無錯係空頭支票
普賢都唔信佢會真係改 所以唔揀復合好正確
如果浩民真係咁差 佢地都唔會一齊到三年半啦
其他參加者都係幾個月貨仔 得珉在coco有一年
而如果事實上浩民真係咁差 普賢咪甩難囉

話說睇彈幕見到有人爆惠善係非單身出演，正權中途先知所以咁
搵唔到sources

呢到有一兩個人係咁追擊浩民
睇個節目睇到咁上心 好似識左人好耐咁 不斷chur住
連劣根性都出埋黎 笑死
無人係聖人 如果要講既 每個參加者都有缺點
佢地不斷將浩民啲野無限放大
都無人話過浩民完美無缺點 但佢地就係咁要講到浩民有幾衰幾衰 應該係超級普賢粉
見佢地loop黎loop去都係講個幾樣野
唔知佢地係無拍過拖定自己係聖人

其中有一個絲打之前話自己ex嘅行為好似浩民 過份投射咗自己對ex嘅感覺落浩民到

素人上節目有咩好追擊
完左呢個節目你都見佢唔到啦
就係素人唔會扮野唔會包裝先吸引到人睇
我覺得唔洗過份指責浩民
如果要拎出黎講
個個都大把野可以拎出黎講
但咁做真係無必要

無錯 有幾集見到周輝我直頭飛哂唔睇
又黑面又扁哂嘴 成個控制狂咁 真係頂唔順
現實中一定有呢種人
只係放左上螢幕就會比人無限放大黎睇
最後尾見到佢周敏英好sweet都開心既

照你咁講最尾浩民都有話都係希望普玹可以幸福啦
咁唔通佢又自私又唔自私
我諗樓上都係想表達唔可以cap一段對話出黎都講個個人性格係點姐

是但啦，睇套綜藝都咁大火氣

唔明點解批評浩民就係普賢粉
係咩邏輯？

講咗一句浩民斤斤計較，某啲會員就爆晒粗
前面有幾個人話普賢公主病，點解又冇人出嚟維護？
每個嘉賓都有問題，呢個係人之常情，因為呢個節目就係俾你睇人性
不過問題係浩民粉完全接受唔到人哋批評浩民
仲要扮晒理中客，明明上個po仲奶浩民奶到出汁
而家浩民因為著假Fendi俾全網嘲笑
係咪又係全部普賢粉啊

Ex似浩民嗰位絲唔好睇