貓糧資料庫（12）

新手轉糧請教

4個月大貓之前食開hills
知唔好想轉wellness

同左屋企人講唔好開包新糧住點知佢開撚左
仲要直接俾隻貓食左全日 隻傻貓又肯食個下好野 啱啱見佢痾屎又正常痾

想問下佢無乜特別反應 咁我應該直接俾wellness
定安全起見 hills+wellness各半 等佢慢慢習慣？

排怪獸主食糧及貓侍, thanks
https://t.me/akiharu213

如果無屙無嘔應該唔駛太擔心
不過我會照返份量1:9 2:8 咁樣畀佢腸胃慢慢適應返～
肯食新糧太好喇

好唔該哂你

想請教下

Thrive既幼貓罐得一隻味
3個月大既貓B可唔可以食thrive其他成貓罐

唔該巴打 隻貓已經訓左.. 唔洗食宵夜

新手貓奴想問
今晚接左隻貓返屋企，佢而家已經又跑又跳又飲水
但係乾糧係冇食過
好驚佢餓親

bb 貓吃返bb 罐，因為營養足啲

冇問題架，最緊要肯飲水，同人一樣，你俾d 時間佢。

是咁的 你今晚都唔好諗住訓 活躍到仆街

啱啱開左個罐就衝去食
4個月大一餐食幾多架
佢食剩左好多

新手一問換罐過程要幾耐
我隻野食慣乾/吞拿魚副食罐想轉佢食主食罐
轉緊怪獸隻魚罐，已經撈埋本身d吞拿魚副食罐但佢都係食幾啖就走左去..係咪應該轉其他吞拿魚主食罐？但我想轉既其中一個原因都係睇左幾個報告話吞拿魚多重金屬
定其實肯食幾啖已經係好開始..佢而家咁樣分分鐘只係食到一日要既1/3熱量
又唔想比番舊野食佢令佢覺得等就會有佢想食既野求指教

副食多仲香過主食 特別台灣啲主食罐好淡味
一開始唔肯食係好正常的
轉食隻隻貓唔同架 有人用一星期ok 有人要用成半年
係同隻貓鬥長命的
建議你可以試下汪喵隻挑嘴罐 or 外國牌子既魚罐 然後加多啲水溝淡個味
不過呢到好多巴絲都唔建議大家長餵魚底罐 話有重金屬
我自己就有一直魚底罐+雞/其他肉既罐一齊餵 (餵緊canagan)
講到尾都係隻貓肯食最重要既 因為貓真係好鐘意玩絕食
如果你隻貓係發育期 可以減少乾乾咁轉
如果你隻成貓都可以試下由佢食就食唔食就罷就 睇下佢會唔會屈服

你分開幾次餵，慢慢掌握佢地吃幾多。前提你有時間，如果冇先長糧。

乾糧上面可能有寫份量，果個只係建議份量，最後都係睇返每隻貓吃到幾多。4個月仲係瘋狂吸收緊營養嘅階段，佢吃到幾多就俾幾多。

佢都3歲幾啦，但前主人一直只餵乾同吞拿魚零食搞到而家咁.. 長期唔夠水搞到有輕微腎病
我見佢本身唔係好食雞.. 魚尤其吞拿就食, 想由魚罐入手慢慢黎
佢每日運動量都幾高, 就算放左電都會係屋企暴走, 同埋唔知佢係咪因為餓開始會搵野咬電線 窗簾繩個d, 明明之前都無

新手領養左對7個月大左右既貓貓
領養果邊教我長擺 rc既second age乾糧
夜晚會餵兩罐salican吞拿魚罐罐溝水
我睇巴絲們講rc唔係咁好
應該趁依家慢慢轉定係轉成貓糧果陣轉

慢慢轉走rc la, 無咩事都唔會揀rc. 同埋吞拿魚罐罐吃慣左之後好難轉口味

而家慢慢轉，搵隻岩佢嘅乾/濕糧

輕微腎病一定要計好佢體重追水飲啊 每kg60ml 水
咁就轉魚罐呀 記得要加返多啲水溝淡啲 可能分開幾餐咁加
我個隻75g魚罐我會加20-30ml 水
你試下外國牌子啲魚罐 應該會受歡迎過台牌
不過怪獸啲鮮肉煲用黎補水幾唔錯
我隻貓都係唔鐘意飲無味既水 唔夠水就會開鮮肉煲比佢補水
如果唔想佢食太多魚 等佢習慣左食全濕之後你就可以一半雞味咁撈比佢

諗住再比佢試下喵星隻挑食罐睇下點..
水我之前都幾狼死一罐細副食罐分3餐每次額外再加80-100ml水佢都食得晒
所以先諗究竟有幾愛吞拿..溝到咁淡都食..而家就算唔加水咁濟佢都係吼都唔吼

嘩每次都加到100ml 好勁 咁就比佢繼續食吞吞啦
其實根本無乜味架啦溝咁多水
至於魚底金屬就個人睇法啦 其他巴絲未必同意既 迫佢連鐘意既野都唔食得好慘 佢又唔係唔肯食雞 同佢咁樣轉食大家心理壓力都會好大所以就由得佢了
我每餐都加先岩岩追夠水
同埋你睇下隻貓係咪鐘意魚肉塊多過醬
外國吞罐多數大肉塊 台牌魚罐就泥醬
我隻貓都係偏好咬大舊肉的

咦咁可能關事，我之前比佢食係mon petit 金裝入面係魚塊黎
汪喵隻挑食罐都係泥？

台灣罐真係淡口啲
加上大部分都係肉泥質地

貓貓之前食嘅吞拿魚副食罐應該係肉絲/啫喱罐？
佢哋除咗揀味之外 仲會揀質地

或者可以試吓thrive嘅魚罐 都好香
而且呢個牌子口碑好
就算係魚罐都感覺良好啲

我隻貓剛剛四個月大, 現在食緊RC babycat
我見好多人話RC都唔掂, 嚟緊想試吓轉wellness core 既幼貓糧

想問返如果依家先轉會唔會太遲因為都四個月大
差唔多習慣咗又要換成貓糧
希望各位可以比少少意見我

好 我試試，知唔知邊到有得買一罐試下先？

係呀
汪喵得點心罐係肉絲個隻
怪獸都係得鮮肉煲係肉塊