【互動故】【芒亨】各位獵人，歡迎嚟到神火村！

撳錯隔離 x先啱

y

B啦 打河童蛙，支笛都勁

Y

B

【承接任務：《囫圇呑物的河童蛙》】

你決定試下狩獵河童蛙，村入面訓練用嘅機械木偶都係以河童蛙為原型，你相信自己應該都應付得黎。

岀發之前，你猶豫左一陣，係茶館外來回踱步，爭扎好無食返串團子先岀發。你入到去先發現原來艾草重未返到茶館，就拿拿臨帶住班仔入去飽餐一頓。

河童蛙生活係離神火村有啲距離嘅寒冷群島。個到盛產特殊嘅雪光金屬，而且海產豐富，所以神火村嘅人好多時候都會往返兩地。

不過個到都有好多喜好嚴寒嘅魔物盤居，所以都有唔少獵人搵食嘅機會。你心裏面一路係到盤算，唔經唔覺，就已經到左岸邊。

你同班仔衣衫單薄，雖然早有心理準備，但都係凍到瑟瑟發抖。你留意到前面有一群「波波」係到聚集，佢地係身上長滿厚厚嘅皮毛以對抗寒冷嘅天氣，你心生一計，不如狩獵佢地，拎佢地嘅皮毛保暖。

你慢慢迫近佢地，就快可以搵到機會下手！

「班仔，等一陣我發信號你就掉閃光彈，知唔知？」你目光緊鎖住目標，全神貫注。

「班仔？收唔收到？」都係無回應。

「班仔？班仔？」你終於忍唔住回頭，居然望到佢係到追緊懸崖附近嘅蝴蝶。

你嘅動靜引起左「波波」們嘅注意，佢地開始轉身逃跑，你決定：

A:掉底班仔 上前追擊
B:回頭與班仔會合

（是次只有兩個選項）

好想溝集會所所黑長直
隻game無得溝真失敗

B

真係，兩姐妹都好正

B

B

A

【回頭與班仔會合】

錯失機會固然可惜，不過同伴更加重要，你決定回頭睇下班仔。

班仔係到追緊蝴蝶，神情有啲忘我，蝴蝶有住鮮豔奪目嘅火紅色翅膀，拍翼嘅時候有鱗粉飛散。

你屏住呼吸，唔敢吸入呢啲不明嘅粉狀物，畢竟鮮豔嘅顏色係大自然往往代表住危險，班仔嘅異常話唔定就係因為蝴蝶嘅鱗粉引起。

「班仔！班仔！」你嘗試呼喚佢。

「喵～呀～喵～」

班仔轉頭怒視住你，佢把聲比平時低沉好多。

「喵！」佢突然撲向你，你連忙側身避開！

一擊未能得手，佢又再轉身打算施襲，慢慢從腰間拔岀護身小刀，後腳一蹬，𣊬間就黎到面前，就快削掉你個鼻。

你避無可避，只得岀手還擊，你拔岀狩獵笛，用力一揮，班仔空中無處借力，被狠狠砸到牆上，當場昏死。

「班仔！你點呀？」

你上前查看佢嘅情況，但好似無轉醒嘅跡象，佢雖然緊閉雙目，但仍然咬牙切齒，睇黎重未恢復神智。

個隻火紅蝴蝶重係該處盤旋，你緊盯住佢，突然有個念頭：

A:嘗試捕捉蝴蝶
B:嘗試殺死蝴蝶
X:嘗試吸入鱗粉
Y:嘗試係附近搵草藥

A

Y

a

A

【嘗試捕捉蝴蝶】

解鈴還需繫鈴人，心病還需心藥醫，你決定以毒攻毒，捉左隻蝴蝶，應該就有方法醫好班仔。

你搵左塊平整啲嘅土地，將班仔躺平安置好。然後觀察四周，睇下有啲咩稱手嘅工具，畢竟蝴蝶隨風起舞，輕盈飄逸，用狩獵笛好難打到佢。

懸崖旁邊生長左唔少藤蔓，你用班仔嘅護身小刀，割斷其中比較幼細嘅氣根，用手將佢地搓埋一齊，簡單咁編成左個網。

天寒霜雪繁，好死唔死，呢個時候天空緩緩降下細雪。班仔嘅面色又虛弱左幾分，留比你嘅時間唔多了。

你用狩獵笛挑起地上嘅雪，手腔發力，成堆的雪向蝴蝶灑落。蝴蝶比你撥岀黎嘅雪砸到，動作遲緩左一下，你立即用翔蟲拉動自己，張開簡單編成嘅藤網，借衝前嘅動能笠住蝴蝶。

你屏住呼吸，唔敢吸入四散空氣中嘅鱗粉，蝴蝶比你困住係藤網，動彈不得。

你觀察蝴蝶嘅翅膀上面，痴住左一啲紫色嘅植物組織，翅膀該位置周圍都變左顏色，顯得好脆弱。你估呢種紫色嘅植物應該就係解藥，你跑到剛剛蝴蝶飛舞嘅崖邊，果然比你搵到幾株有紫色枝葉嘅草本植物。

你將佢地撕成碎屑，再用刀柄將佢地鑿成糊狀，加入些許雪水，調成土炮嘅解毒劑，餵比班仔。

幸運地解毒劑發揮功效，班仔悠悠清醒過黎。

「主人，對唔住呀。」班仔雙耳低垂，為自己做岀嘅事感到悔疚。

「傻啦，自己人黎㗎麻。」你安慰佢。

你見班仔狀態復原得七七八八，就打算起行，你企係崖邊眺望四周，準備往：

A:下面嘅溪流進發
B:沿住山峰進發
X:遠方嘅礦洞進發
Y:遠方嘅戰船殘骸進發

正皮加速

Y
想睇越級挑戰人魚龍