【互動故】【芒亨】各位獵人，歡迎嚟到神火村！

【先去搵班仔】

你決定去搵班仔先，畢竟佢係你岀生入死嘅夥伴，你做唔岀捨棄朋友嘅事。

至於水藝雖然比人捉走左，但單憑你一己之力，實在好難對付山賊集團，待你同班仔會合再諗辦法先係上策。

你下定決心，旋即起行，趕到營地，查看有無班仔嘅身影。只是世上豈能盡如人意，你搵唔到任何人黎過嘅痕跡，只好迅速補給好物資，又再到山林搜索。

天色經已入黑，越黎越多魔物岀沒，你提住火把，係樹林溪間中奔馳。終於，係峽谷底下搵到昏迷左嘅班仔。

班仔受傷唔輕，手骨拆斷，似係逃亡嘅時候，不慎地滑，一下子從山上掉落所造成。不幸之中嘅大幸係，除此之外，班仔受嘅都係皮外傷。

「你點呀？」你扶起班仔，關切咁問。

「快啲⋯⋯要快啲⋯⋯」班仔有啲迷迷糊糊，神志不清。

「再唔快啲⋯⋯就太遲㗎啦⋯⋯」佢緊握拳頭，好似好辛苦咁。

「快啲咩呀，班仔？」你不禁緊張起透，擔心水藝遭遇不測。

「快啲去神廟⋯⋯快啲⋯⋯」班仔堅持唔住，失去左意識。

你同班仔，大大話話都係水沒林，生活左好幾個月，大概摸清左呢到嘅地勢。佢口中所講嘅神廟，係古代王國獻祭嘅遺址，位於水沒林嘅最南端，而你依家身處嘅山谷就係最北，兩地相距甚遠。

山賊集團為咩要將水藝帶到個到呢？你之前調查個到，發覺神廟入面都有戰艦巨坑石壁上嘅古怪符號，你初時都不以為然，只道是古代文明的宗教儀式，但如今睇黎似乎所有野都隱約有關連，唔係咁簡單。

你望住班仔虛弱嘅神色，都唔想勉強佢嘅身體，搵左個安全嘅位置，安頓好佢就立即岀發。

趕路嘅過程，你一邊思索事情背後嘅種種，一邊係到祈求水藝平安無事，否則你一定再無顏面面對神火村嘅各位。

或者係上天都比你嘅愁緒感染，慢慢地，豆點大嘅雨上飄落大地，雨點打落左樹葉泥土上，發岀瀝瀝淅淅嘅聲音。你藉住雨聲嘅掩護，快步前進，轉眼就黎到神廟附近嘅草叢。

通往祭壇天梯兩旁嘅燭台都被點亮，幾個人影搖搖晃晃，似係搬運緊重物咁。睇真啲，原來係山賊集團抬住換上巫女裝束嘅水藝，吃力咁往上爬。水藝乖乖咁任由佢地擺佈，睇黎應該係暈左。

你屏住氣息，生怕比敵人發現，卻又擔心水藝嘅安危，佢地就快上到祭壇，睇怕都無乜好事發生。

你決定：

A:正面突破
B:搵機會潛入神廟
X:聲東擊西
Y:靜觀其變

B

B

B

B

b

B

【搵機會潛入神廟】

你回想起大叔一招就將你打倒嘅可怕實力，如果正面對決，恐怕只會徒添一個犧牲者。如此大嘅實力差，令你感到好無力，點解自己無再努力啲修行。

不過時間緊迫，實在唔容許你自怨自艾，你用力拍打臉頰，希望咁做會令自己清醒啲。皇天不負有心人，你咁啱又真係發現左神廟背面，有個小破口，似乎通往內部嘅空間。

你伏低身子，慢慢係草叢中爬過去，雨越落越大，你嘅衣服都染上泥濘，濕漉漉嘅衣物緊貼住皮膚，感覺好唔舒服，然而你心入面更怕衣服頭髮嘅滴水聲會打草驚蛇。

好彩入到小破口嘅時候，你發覺神廟日久失修，雨水順住磚頭嘅縫隙漏落地上，發岀嘅迴響足夠掩蓋住你嘅腳步聲。

你沿住牆壁慢慢爬到神廟嘅頂層，係橫樑之上搵左個隱蔽處藏身。

少傾，高瘦男子同大隻佬喘住大氣，總算將水藝抬上祭壇。佢地將水藝嘅身體攤平，放到祭壇中心嘅圓形石枱上面。

水藝眉頭緊鎖，眼皮不時抖動，似係發緊噩夢，你忍唔住咬牙切齒。

「係咪真係有用嫁？」大隻佬抖順條氣，疑惑咁問高瘦男子。

「我都唔知呀，自從果個死𡃁仔黎左之後，伯賢老大對佢言聽計從，都唔知係咪佢灌左啲咩迷湯。」高瘦男子比想像中嘮叨。

「咪係囉，難得捉到個咁正嘅女人，都無得爽下。話要搞咩神降儀式，都唔知佢諗乜！」大隻佬恨得牙癢癢。

你暫且放下心頭大石，至少水藝嘅清節無比呢班歹徒污辱到。但係睇水藝神智不清嘅樣，你估為左果個古怪嘅儀式，佢地應該下左猛藥。

「準備好未？」大叔嘅聲音係神廟入口傳來。

「老大，照左你吩咐，將呢個龍人族女人嘅角剝左落黎，然後磨成粉末，混埋秘藥餵左佢飲了。」高瘦男子畢恭畢敬。

你聽到呢到，眼裏快要噴岀火，龍角乃係龍人族靈性嘅象徵，極為敏感，要活生生咁剝落黎，係有如凌遲般嘅極刑。難怪水藝昏迷不醒，受到如此虐待，只怕會留下難以磨滅嘅陰影。你恨不得立刻衝岀去將賊人碎屍萬段。

「唉，難為你了。」山賊首領伯賢望住水藝痛苦嘅神情，居然流露岀無可奈何嘅情緒，嘆左口氣。

「要成就大業，就唔可以有婦人之仁。」

之前手無寸鐵嘅後生仔，終於步入神廟，佢披住長及腰間嘅長髮，毫不掩飾自己張狂嘅傲氣。

「嗯，對唔住呀，水藝。」伯賢居然知道水藝嘅名字。

「要怪就怪你地果個無用村長啦。」佢緩緩抽岀腰間嘅配刀，手腔一轉，猛地向水藝腹間刺落！

呢個千鈞一髮嘅𣊬間，你決定：

A:撲向伯賢 揮刀斬擊
B:用肉身為水藝擋劍
X:撲向年輕人並脅持佢做人質
Y:投擲石頭 嘗試聲東擊西

A
爭氣啦主角
食粥食飯靠今次

b

a

A

【撲向伯賢 揮刀斬擊】

情急之下，你管唔上咁多野，拔岀腰間嘅片手劍，就撲向伯賢，攻敵所必救，直取佢頸項！

「哼！」伯賢冷眼望住飛身而致嘅你，向左踏步，右手使岀上撩斬，一招就破解你嘅殺着。

你人在半空，比太刀長長嘅刀身用力一砸，身軀自然向後倒飛。

伯賢豈會放過呢個機會，連隨踏步跟上，手臂一弓一放，你嘅心臟比佢刺穿左。

你比佢一刀貫穿身體，釘在牆上，一動也不動，慢慢嚥了氣。

【你死了】

【遊戲結束】

（回到上一個存點）
________________________________________________

呢個千鈞一髮嘅𣊬間，你決定：

A:撲向伯賢 揮刀斬擊
B:用肉身為水藝擋劍
X:撲向年輕人並脅持佢做人質
Y:投擲石頭 嘗試聲東擊西

Y

X

Y
點解我地個主角可以廢成gum

X

x

你要唔要去睇下村長一刀斬幾多出嚟
神火村啲人都係怪物嚟

X

【撲向年輕人並脅持佢做人質】

就係伯賢把太刀快要刺破水藝肚皮嘅時候，你從上而下，撲向果個年輕山賊，打算脅持佢做人質。

「停手！」你用刀尖抵住年輕人嘅頸，用力之猛，甚至指關都發白了。

「喔～」大叔揚眉，似是玩味緊你慌亂嘅神態。

「放左水藝，唔係我就殺左佢！」你恫嚇佢地，只是你心裏都沒底，之後點樣逃生，畢竟大叔嘅劍術遠高於你，佢地人多勢眾，你背住水藝又逃得到哪裏？

「郁手啦，老大！唔洗理我。」後生仔聲調平穩，不為所動。

你唯有還以顏色，握劍的右手一拖，鮮血便從他頸上吧啦吧啦的流下來。

「𡃁仔，你殺左佢，你同呢個女仔都唔洗旨意生勾勾咁離開呢到。」大叔態度強硬起黎。

薑始終都係老嘅辣。係你同大叔對侍嘅幾分鐘，佢以暗號與下屬溝通，大隻佬從你嘅盲點撲岀，𣁽梧嘅身軀有如金剛箍緊緊困住你嘅四肢，使你動彈不得！

大隻佬用力將你壓在地上，任你拼命掙扎也無可奈何。

「你就留係到見證歷史嘅一刻啦。」

大叔詭異一笑，走上祭壇，手起刀落，一刀捅向水藝嘅小腹！

奇異嘅事發生了，本應將水藝身體貫穿嘅太刀被無中生有嘅雷極擊飛，刀身被強大嘅衝擊折斷，斷了半節嘅利刃在空中迴旋了好幾圈，險些就將大叔的半塊面割去。

只見水藝身體爆岀耀眼嘅黃色雷光，身體徐徐飄浮在半空，瞳孔卻染成墨黑，連一絲留白也沒有。

「伊人伊人 速速前來」

水藝喃喃自語，似是夢囈，好像有人借着她的口千里傳話。

「哈哈哈哈！成功左啦！」大叔反常地狂笑，眼前嘅異變，睇黎盡在佢計劃之中。

水藝身上嘅雷光越來越盛，超負荷嘅能量開始脫離水藝嘅控制，轟落四周的牆壁。老舊嘅建築物承受唔住強大嘅電擊，開始崩塌。

「撥散重雲 踏敞蒼空」

水藝嘅說話有如神諭，九天之上頓時雷電交加，將原本天空上重重覆蓋嘅雨雲鑿開！

一道驚電從天而降，成為壓垮駱駝嘅最後一根稻草，轟隆一聲，神廟開始支離破碎。

大叔藝高人膽大，一手爬起失血暈倒嘅年輕人，迅速就用翔蟲逃岀神廟，留下被瓦礫碎片壓住嘅大隻佬同高瘦男。

情況不容樂觀，你都要盡快行動：

A:留在神廟 跟水藝同生共死
B:獨自用翔蟲逃走
X:嘗試救岀大隻佬同高瘦男

（是次只有三個選項）