【互動故】【芒亨】各位獵人，歡迎嚟到神火村！

#22 個篇
唔好意思
我pin返

Y
休息是為了走更長的路

B,行大愛左膠路線

唔好咁講，係我自己眼殘睇漏

Y, 現實中係人都驚死

幾好睇，樓主加油

唔知有無辦法可以寫死佢個故仔

之後會有啲魔改同ff
到時唔好屌咁大力

A

Y
村長應該仲等緊我地，要去搵佢

【欺騙倪泰先行，自己趁機回神火村】

倪泰雖然係自己救命恩人，而且都係本住好意，想教你狩獵嘅技巧。

但係你始終都唔係咩能人異士，命仔緊要，你決定作個理由支開倪泰，自己再趁機返回神火村。

「倪泰老師，不如你岀發先啦，我休息一陣可跟上黎，費事拖到入黑，重危險呀！」你動之以情，說之以理。憑你嘅三寸不爛之舌，倪泰比你說服左，先行岀發。

你望住倪泰由左邊嘅斜坡向上走，身影越變越細，終於消失係樹林之間，嘴角忍唔住上揚。你伸過懶腰，挨係樹下。

折騰左大半日，你都有啲肚餓了，諗住搵啲乾糧食，先發覺唔見左。你暗忖應該係啱啱比巨熊襲擊，慌亂之間，將佢掉左係某處。

就係苦惱之際，你見到遠處有隻「艾露貓」——姐係之前係村落見到嘅貓貓，好似執起左你嘅行李，向住倪泰前進嘅方向右手面嘅山路逃跑。

為左唔好捱肚餓，你決定追上去，心諗：快快手搞掂隻貓，再返神火村都唔遲。

臨行前，你重捉左樹邊嘅翔蟲入袋，所以轉眼功夫已經追到「艾露貓」身後。

可惜佢發現左你，佢幾個轉向，你居然跟甩左。

你心灰意冷，打算睇下四周有咩可以充飢，好彩咁發現左有隻野豬係不遠嘅右面。

好事成雙，左手面有個巨型蜂巢，滴住黃澄澄嘅蜂蜜。

你決定：
A:去右手邊，嘗試狩獵野豬
B:去左手邊，嘗試拎蜂蜜

（今次得兩個選項。）

多謝
會呀

btw返工狗返工時間岀唔到咁多
請見諒

a
我要火芽

A

A

A

唔使諗有冇辦法
呢個根本係連登互動故傳統嚟
隔離個劉備就嚟俾班巴打寫撚死

【去右手邊嘗試狩獵野豬】

你太耐無食過肉了，決定去右手邊嘗試狩獵野豬，一祭五臟廟。

野豬好快就發現左你，並加速衝刺，打算迎頭痛擊來犯嘅敵人。

你向旁翻滾，剛好避過野豬嘅衝鋒，當你以為碌過左佢，又黎回馬槍。

你傷勢啱啱好返啲，比野豬咁樣一衝，傷口又再裂開。

你不由得怒火攻心，拔岀狩獵笛錘向野豬。

左揮！左揮！啪！右劈！右劈！碰！

你連環揮擊，野豬早被你擊斃都渾無知覺。

「嘿⋯⋯哈⋯⋯嘿⋯⋯哈⋯⋯」你大口喘息，慢慢平伏過黎。

你用附近嘅木材簡單起左個火，就咁燒熟隻野豬黎食，雖然有啲茹毛飲血嘅原始感，但可能係因為消耗左大量體力嘅關係，你覺得燒野豬係你暫時食過最好食嘅野！

就係你想稍作休息嘅時候，你聽到一群急速嘅腳步聲越來越接近。

「嘶⋯⋯呀⋯⋯」野獸低吟，係一群被烤肉香氣吸引而黎嘅「鐮鼬龍」，魔物慢慢迫近，隱約形成包圍之勢。

你時間無多，要盡快做決定：

A:上前迎擊
B:嘗試用翔蟲飛向較高處
X:突圍並向山上逃走
Y:突圍並向左邊逃走

手下留情

A

Y
走呀!!! 命就得一條，死撚咗點算

A
打輸咗嘅話最多咪坐貓車

A