【互動故】【芒亨】各位獵人，歡迎嚟到神火村！

【有禮貌咁叫佢收皮】

正義感十足嘅你係到關懷緊弱勢族群，呢個大舊衰居然係到阻頭阻勢？

你只好回頭望住佢，保持住你嘅笑容，「噓！」你舉起食指貼住嘴脣。

大刀佬聽到反而哈哈大笑，似係聽到啲咩天大嘅笑話。

「大人講野，細路仔唔好岀聲！」你保持冷靜，同時留意等等真係郁手嘅話，可以向咩方向逃走。

「𡃁仔，好串喎，你跟邊個嫁？」大刀佬慢慢迫近。

你決定：

A:答佢：艾草，因為你淨係記得呢個名
B:拎起怪異生物嘅角防身並見機逃跑
X:兇返佢：跟你老母呀！
Y:先手必勝，偷偷襲佢

X

A

入黎玩下啦

X

A

A

快啲啦

快啦

幫樓主輕輕一推

會唔會有村長跳舞劇情

可能放工先岀到
對唔住大家

【答佢：艾草，因為你淨係記得呢個名】

「我跟艾草㗎！」你大大聲撻左果個一拳打暈你嘅少女個名岀黎，因為佢係你黎到呢個地方唯一記得嘅名。

「艾草？呀妹居然咁叻女，唔再一日到黑係到整啲濕鳩團子。」大刀佬態度突然一百八十度轉變。

「原來自己人，大佬你好。」你鬆一口氣。

「睇你個樣爛身爛世，唔似係呢到嘅村民，點呀？有無興趣跟我做獵人呀？」

「er....」一時三刻你唔知比咩反應好。

「男人老狗，婆婆媽媽，我無咁多時間。」大刀佬又變返個把死人聲。

「你聽日去村口等我啦。」佢嘅堅定語氣令到你唔敢拒絕。

「哦知道。」你唯唯諾諾。

好快大刀佬就同你分道揚鑣，你覺得奔波左成日都有啲攰，決定返屋企休息下。

忍者男同大刀佬聽日都約左你，點算好呢？

A:聽日去茶館搵忍者男
B:聽日去村口搵大刀佬

（今次只有兩個選項）

A

A

A!!

A

【聽日去茶館搵忍者男】

琴晚你返到屋企沖完涼，思前想後，都係覺得去茶館搵忍者男好啲。

話曬佢都叫救過自己一命，雖然你無乜印象。

你習慣早起，所以天未光你就準備岀門口。

唔知係咪錯覺，臨離開家門之前，你覺得屋企掛畫後面，有目光凝視着你。

趕時間嘅你，無理咁多，好快就去到茶館。

去到茶館，忍者男已經到左。

「哈哈，睇黎你準備好啦喎。」忍者男爽朗咁笑。

你點一點頭，跟住忍者男去到一個倉庫，裏面有幾種防身武器。

佢同你講，今日會係漫長嘅一日，叫你係入面揀一款，好好保護自己。

你會揀：
A:一把長長又鋒利嘅武士刀
B:一枝用樹木造成嘅巨大嘅笛
X:一把金屬製成劍斧，配備一個盾
Y:一張用鳥獸羽毛製成嘅弓

A

a

B

B