【互動故】【芒亨】各位獵人，歡迎嚟到神火村！

x

A

【前往甲板探索】

休息左一陣之後，你覺得自己嘅狀態已經恢復得七七八八，決定起行到甲板探索。

由於戰艦損毀嚴重，船體變得支離破碎，你花左好一啲時間，先搵到甲板嘅位置。

作為一艘探索未知領域，要係魔獸橫行大海中馳騁嘅戰艦，甲板配備左各式各樣嘅武器：有火炮、弩槍、連射炮等等。不過，久歷風霜之後，佢地睇落都殘缺不堪，木板上除左厚厚嘅積雪，重有一啲烏黑嘅火藥痕跡。

你行到船體嘅前端，發現有兩枝巨型嘅生滿鐵鏽嘅長矛，上面沾滿住魔物嘅血污，種種跡象都顯示船員係生前同魔物殊死搏鬥嘅兇險。

到底係一種幾霸道嘅生物，先可以令呢團準備充足嘅精銳全軍覆沒呢？你心裏面浮現左呢個疑問。

「主人，你快啲過黎睇下！」班仔嘅聲音係旗杆上方傳黎。

你順住佢嘅指示，望向岩壁，發現左好多奇怪嘅符號，清一式都係幾何圖案，似係一啲宗教儀式咁。

你睇唔明上面所記載嘅故事係啲咩，石壁符文一路向上延伸，直指向寒南群島南面嘅一座山峰，一切疑惑似乎都可以係個到搵到答案。

你沉思片刻，決定：

A:前往山峰調查
B:繼續探索戰艦
X:離開巨坑 繼續狩獵任務
Y:返回神火村報告發現

B

A

b

B

a

y

【繼續探索戰艦】

你望住岩上嘅鬼劃符，狗屁不通，心裏住罵左句。

呢到有住滿船嘅寶物，咁難得黎到，無理由唔將呢到搜刮一空。至於壁畫嘅事，關你咩事呀。

於是，你叫班仔從桿杆下來，一齊撥開重重嘅厚雪，睇下會唔會搵到啲咩寶貝。兩三下功夫，就掘岀幾把造功甚好嘅弓同弩。

你不禁皺眉，就算呢到有幾多好武器都好，你同班仔一人一貓，加埋都係四隻手，呢啲又大又重嘅金屬製品又點搬得走，有得睇無得食。但下次唔知幾時先有咁嘅機會上到黎呢到，無理由空手而回嫁。

天寒地凍，你同班仔嘅長時間暴露係空曠嘅甲板之上，難免瑟瑟發抖，隨手就拎起一件依在旁邊團員遺骸上嘅大嬲，披上身上。

噠的一聲，係硬物碰上木板嘅聲音，一個手掌大小嘅深褐色檀木盒子從你剛剛拎上手嘅大衣掉落。木盒上面有精緻嘅雕花，描繪住一隻外型奇特有如末世火山嘅魔物橫渡大海嘅情形。

上面有幾道封條，寫住密密麻麻嘅咒文，不過係歲月嘅侵蝕之下，紙條已經變得霉霉爛爛，你估計木盒入面應該收埋住價值連城嘅禁忌之物。

你即緊張又興奮，今次撿到寶了！話唔定賣左入面嘅野，以後都唔洗再過餐風露宿嘅日子。

你忍唔住好奇，打算一手撕開木盒上面嘅封條，就係呢個時候，紙條上面嘅符文發岀耀眼嘅奇異紅光，然後離奇地自燃燒成灰。

褐色木盒兀自打開，一顆拳頭大小、晶凝通透嘅美玉靜靜咁放在係入面繡上金色花邊嘅紅色絲綢之上。美玉琉璃着七彩幻光，炫目嘅光芒彷彿唔屬於呢個世界，將原本黑沉沉嘅深坑映照得亮如白晝。

正當你嘖嘖稱奇，世上竟有如此寶物嘅時候，周圍嘅魔物都注意到呢到嘅異變，野獸咆哮鳴叫之聲不絕於耳。

毒狗龍、眠狗龍係暗處慢慢迫近，翼蛇龍係上空盤旋，虎視眈眈，前無去路，後有追兵，你只好：

A:上前迎擊地上嘅魔物
B:拎起弩槍射擊天上嘅魔物
X:專心逃跑 離開深坑
Y:使用歸還果實

Y執到寶就拿拿聲走佬先啦

Y+1

Y

Y

【使用歸還果實】

你望住前後夾擊嘅魔物，睇黎今次插翼難飛，只好拎岀之前九郎交比你嘅歸還果實。雖然九郎話救援嘅隨從隱密隊收費不菲，但呢到滿船嘅物資應該都可以抵上好一部分。

你將青色嘅歸還果實揑碎，入面嘅汁液四射，發岀刺鼻嘅氣味，使魔物難以在一時三刻靠近。你用火把燒起果核，橙黃色嘅濃煙徐徐升起，發放求救嘅信號。

「嗚⋯⋯噢⋯⋯嗚⋯⋯」

遠方吹起低沉震耳嘅號角聲，天上隨即飄起幾個黑點，係隱密隊乘住風箏前來搜救。佢地飛得唔快，冷風一吹，風箏被扯得左搖右擺，但又恰好穿過翼蛇龍嘅重重包圍，果然有啲料子。

你捉住佢地放下嘅麻繩，跟佢地搖下搖下，唔經唔覺就返到神火村。

XXX XXX XXX XXX XXX XXX XXX XXX XXX X

返到神火村，天色已暗，你發覺街道上冷冷清清，平時人來人往嘅商業街都了無人煙。

你一路走一路搵，睇下村民究竟去左邊，終於係吹踏鞴廣場見到村民聚首一堂，似係商討緊啲咩咁。

「各位，就係剛才我收到消息，魔物們最近有異常嘅活動，開始慢慢聚集起黎，睇黎好快就會開始《百龍夜行》⋯⋯」村長係廣場上慷慨陳詞，似係有啲非比尋常嘅事發生左。

不過你無乜心機聽，因為火藝同水芽兩個美人胚子就企係佢隔離，你顧住昅女，咩都聽唔入耳。

「有無勇士願意接受呢個重任呢？」村長橫視四周，眾人面面相覷。

雖然你完全唔知村長頭先係到講緊乜，但你感覺到火芽同水藝好似用期待嘅眼神凝視住你咁，自古英雄難過美人關，你會：

A:毫不猶豫 毛遂自薦
B:扮睇唔到
X:厚住面皮問多次村長係咩任務
Y:轉身離開

Y

X

A

a