【互動故】【芒亨】各位獵人，歡迎嚟到神火村！

｢啞呀~啞~呀」你比一陣雀仔嘅叫聲嘈醒，慢慢咁睜開眼，發覺周圍嘅景色同自已屋企完全唔同。

你身處係一間古色古香嘅和風建築入面，牆上掛住唔同嘅畫，入面畫左好多唔同生物嘅神貌，有啲覺好熟悉 ，硬係好似係邊度見過咁，但又諗唔起，越諗個頭就越痛，你忍唔住放棄。

你望到房嘅角落放住一個大鐵箱，箱後邊嘅牆，掛住左唔同嘅武器：一把造型古雅長鐵劍、一個似係用動物皮甲製成嘅錘、一把用飛鳥羽毛整嘅弓⋯⋯

「Chop！」突然有啲怪聲吸引咗你嘅注意，你轉頭一望，見到有個黑影飛緊係屋入面嘅橫粱上面。

「呼～」破風之聲隨即響起，有異物迎面飛黎。你決定：

A：嘗試徒手接住
B：向側面翻身避開
X：扲起掛喺牆上嘅武器防備
Y：用生命值硬接

揀最快嘅留言

y

會唔會即刻完故

A

Rz : 用口咬實，發覺係三粒兔兔糰子

ZL + X 避開

【Y：用生命值硬接】

堂堂男子漢，怕咩人偷襲，你不閃不避。

「啪！啪！啪！」你無中到招，不過身後嘅牆就多左三串團子。

啲團子同你所認知嘅和風團子好大岀入，啲色奇奇怪怪咁，而且有半個圈頭咁大。

「依呀⋯⋯嘩」你聽到有把女聲係到怪叫火星文，唔似你聽過嘅任何一種語言。但奇怪嘅係，你又理解到佢講咩。

「你啱啱先醒返！唔準亂咁走呀！」黑影從橫梁跳左落黎，係一個嬌滴滴嘅少女。

你比佢拉返去床邊，佢拔起插係牆上嘅團子，示意你快啲食，你決定：

A：乖乖就範食曬佢
B：淨係食上面點左沙糖個串
X：堅持到底 唔食
Y：挑逗佢：我想食你多啲喎

Y

Y

yyyyy

【挑逗佢：我想食你多啲喎】

你托起少女嘅下巴，擺岀你最自信嘅chok樣，「但係我想食你多啲喎。」

少女聽到呆左呆，有啲臉紅，慢慢將個身埃近你。

你不防有詐，一手將佢攬入懷內，打算慢慢將佢「魚肉」。

「轟呀！」你聽到一下唔似人體可以發岀嘅聲響，然後你感受到腹部傳黎一下強力嘅衝擊，就失去左意識。

係意識彌留之際，有篤口水噴左係你塊面，入面好似夾雜住啲豆容咁。

XXXXXXXXXXXXXXXXXXXXXXXXXXXXXXXXXXXXXXXXXXX

「依夏⋯⋯啩啩⋯夏⋯⋯」你慢慢醒返聽到幾把聲係到討論緊啲野。

「你上次係大社遺跡執返黎個𡃁仔神神化化咁，搞唔掂喎。」係一把成熟嘅男人聲。

「對唔住呀，村長，我唔知佢會咁大膽非禮艾草㗎。」另一把男人聲顯得好慌張。

「你都唔係唔知最近我地幾霉㗎啦，佢再係咁，我都保佢唔住。」成熟嘅男人沉聲道。

你想繼續偷聽佢地嘅對話，了解多啲自己嘅處境，好死唔死，呢個時候你鼻敏感發作。

係呢個就快爆嘅moment，你決定：

A：死忍
B：直接打「黑痴」
X：放個屁蓋住啲「黑痴」聲
Y：自由發揮（第一個自由發揮comment）

b

除褲打個飛機

【直接打「黑痴」】

你忍唔到了，決定直接打個「黑痴」岀黎，去勢非常強勁。

你啲鼻涕直飛左去你面前一個勁裝打扮嘅男人臉上，係飛到佢臉前個時，有多光茫閃過。

「鎗～」金屬嗚音響起，你嘅鼻涕居然倒射返去你臉上，射到你一臉都係。

「不知所謂！」你聽到果個男人厲聲喝道。

男人轉身離去，留底錯愕嘅你同佢嘅手下。

「點呀你？哈哈」着住忍者服嘅佢，拍一拍你背脊，搞到你啲鼻涕飛到周圍都係，唯獨佢嘅衣衫滴水不沾。

你察覺到呢位人兄一定身懷絕技，你決定：

A:「師傅！請收我為徒！」
B：除佢件衫睇下有咩秘密
X：討好佢，了解下呢到嘅情況
Y：返屋企沖返個靚涼

x

B

【討好佢，了解下呢到嘅情況】

「大哥身手不凡，小弟對你嘅景仰有如滔滔江水連綿不絕⋯⋯」你連珠發炮，不停刷佢鞋。

「哈哈，有咩想講呀你？」忍者男保持住佢爽朗又有啲戇鳩嘅笑聲。

「實不相暪，其實呢到係咩地方黎嫁呢？」

忍者男無岀聲，向天空掉左舊發光嘅野，有條線扯住佢向上飛，佢騰出一隻手拉住我。

「！！！」成個城鎮一覽無遺，城入面無乜高大建築物，村民大多都係作紅衫打扮，頭戴斗笠。

最顯眼嘅係，之前係牆上嘅掛畫入面嘅生物，居然隨處可見，由一啲貓貓狗狗，運送佢地嘅屍體。隨行嘅重有一班戎裝嘅彪悍之徒。

驚魂稍定，你發現自己同忍者男停住左係半空，原來係一隻飛蟲嘅絲線係空中吊住你地。

忍者男發現到你成身震曬，於是就帶你飛返去地面。

忍者男見你魂不守舍，知你一時間好難消化咁多野，指住遠處嘅一間茶館，叫你聽日去個到搵佢。

分別之後，你決定：

A:四周圍行下
B:跟蹤忍者男
X: 去搵啲貓貓狗狗傾計
Y:返屋企沖返個靚涼

X

【去搵啲貓貓狗狗傾計】

你一向愛心爆棚，見到呢到啲人居然勞役動物，叫佢地運送體型巨大嘅怪異生物，於心不忍，決定搵啲貓貓狗狗傾下計。

你沿住大街行，好快就見到其中一行運送怪物屍體嘅貓貓狗狗。

「你地咁樣唔攰嫁咩？」你向佢地搭訕，唔知點解，你好自然就覺得呢到嘅貓同狗係識聽人話。

「呢位主人，你過獎啦。」有隻似係領頭嘅貓接話。

「你地係到做緊啲咩？」你追問。

「呢位主人，我地送緊啲魔物去解體呀。」貓貓始終都係保持謙卑嘅態度。

「咁多時間傾閒計，不如行快d啦。」有把好西嘅男人聲響起，佢背後面咩左把高過人嘅大刀。

來者不善，你決定：
A:有禮貌咁叫佢收皮
B:拉走貓貓去另一個地方傾計
X:有大食大，緊係巴結大刀佬好過
Y:大丈夫能屈能伸，走先

（為左多d人可以參與投票，選擇改為最快有3票個option）

A

a

A